للتسجيل اضغط هـنـا
أنظمة الموقع تداول في الإعلام للإعلان لديـنا راسلنا التسجيل طلب كود تنشيط العضوية   تنشيط العضوية استعادة كلمة المرور
تداول مواقع الشركات مركز البرامج
مؤشرات السوق اسعار النفط مؤشرات العالم اعلانات الشركات الاكثر نشاط تحميل
 



العودة   منتديات تداول > المنتديات الإدارية > اســــتراحـة الــــمســاهــمين



إضافة رد
 
أدوات الموضوع
قديم 10-10-2009, 04:25 PM   #1041
علي المزيني
متداول نشيط
 
تاريخ التسجيل: Mar 2007
المشاركات: 12,263

 
افتراضي

ღ♥ **انت ساكن وسط قلبي و البشر كلهم ضيوف** ♥ღ


لابغيت اوصف غرامك ماتكفيني الحروف
ولابغيت اوصف غلاتك خان باحساسي الكلام

حبي لك يانور عيني فاق بالحب الوصوف
حبي لك اكبر من اني اوصفه بشوق و غرام

شفت لو مجنون ليلى يرجع و حبي يشوف
اشهد انه يعترفلي حبه من حبي ظلام

لو انا بسايقه بالحب والله اني اطوف
هذا لو انه تحدى ادري بيطلب سلام

لانه عارف ان حبي ماسكن في وسط جوف
لابشر لاجن قبلي ولابعد مليون عام

لو روحي في هواك تروح ماجاني حسوف
ولا يجيني احساس ان حبي على مثلك حرام

طيفك اللي لالفاني قلت ياحي الطيوف
يابعد ربعي و خلاني وبعد كل الانام

انت ساكن وسط قلبي و البشر كلهم ضيوف
انت في عيني وربي احلى من بدر التمام

احلف بخالق جبل..وادي .. سهل..ويا كهوف
اني والله كل ماشفتك عيوني ماتنام

اسهر اتخيل عيونك وارتجف ماهو بخوف
ولا هو برد (ن) ياحبيبي رجفتي حب و هيام

واقضي كل الليل اناظر صوره و عيني تحوف
ليتك انت اللي بجنبي ماهي صوره و السلام

تدري لو الناس كلهم وقفوا ضدي وقوف
والله اني ماتركتك يوم ولو زاد الملام

جيت برتب غرامي وصفت اشواقي وصوف
من كثرها ياحبيبي فيني اختل النظام

روف في قلب (ن) يحبك يابعد خلاني روف
تكفى لاتقسى على قلبي انا بعدك حطام

واعرف اني لو رحلت بيوم من سبة ظروف
يعني برجع مثل مايرجع الى البيت الحمام

في النهايه لي كلمة وكلها اربع حروف
بس والله انه معانيها ماتعدي أي كلام

ايه "أحبك" دام عندي انتهت كل الوصوف
مالقيت الا أحبك شفتها احلى ختام
علي المزيني غير متواجد حالياً   رد مع اقتباس
قديم 10-10-2009, 07:44 PM   #1042
سهام6
فريق المتابعة اليومية
 
تاريخ التسجيل: Apr 2009
المشاركات: 6,180

 
افتراضي


غافلَ الهمِ قلبي والزِمان استدار
وشوقي الَّلي هويته أصبح اليوم ضدَّي



طَال ليلي ألا وينه أبيه النَّهار
ضاعت خطاي حتَّى الدَّرب عيَّا يودَّي


يا الغضي كيف أشوف الحِلم والنَّوم طار
والحقيقه تِعلَّ الحيل غصب وتِهدِّي


كلِ حِزنٍ تلملم مِن يمين ويسار
وإجتمع في خفوقٍ باح سَدَّه وسَدَّي


ناظِر الحالِ والعودَ الخضر كيف صار
الشِقى مِحتويني والتعب مِستِبدِّي


خالفَ الحظِ عُمري واستثارَ الغُبار
والبيارق تِهاوت والهزيمه بيدَّي


يا الغضي طِحتِ كِلِّي في دِهاليز نار
واستحالت دموعي جمرةٍ فوق خدَّي


آه واشقوة الَّلي عايشٍ في إنتِظار
مِن كِثير التَّعاسه مادرى وش يبدَّي
سهام6 غير متواجد حالياً   رد مع اقتباس
قديم 10-10-2009, 07:50 PM   #1043
جوهره نجد
فريق استراحة تداول
 
تاريخ التسجيل: Sep 2005
المشاركات: 2,232

 
افتراضي

اخي علي .. دائما انتقائك في القصائد.. اكثر من رائعه ومميزه وهي دلاله واضحه على جمال ختيارك

والأجمل منها .....

مشاعر من اختارها لنا ..

سلمت وسلمت يمينك
جوهره نجد غير متواجد حالياً   رد مع اقتباس
قديم 10-10-2009, 11:59 PM   #1044
علي المزيني
متداول نشيط
 
تاريخ التسجيل: Mar 2007
المشاركات: 12,263

 
افتراضي

اقتباس:
المشاركة الأصلية كتبت بواسطة جوهره نجد
اخي علي .. دائما انتقائك في القصائد.. اكثر من رائعه ومميزه وهي دلاله واضحه على جمال ختيارك

والأجمل منها .....

مشاعر من اختارها لنا ..

سلمت وسلمت يمينك

شهادة أعتز بها منكِ أختي جوهره نجد و مشكوره على الكلام الجميل والاطراء الذوق وربي لايحرمني حضورك ياراعية الذوق الرفيع.......... تقبلي مني أرق تحيــه
علي المزيني غير متواجد حالياً   رد مع اقتباس
قديم 11-10-2009, 12:11 AM   #1045
ولدالدرعيه
متداول نشيط
 
تاريخ التسجيل: Dec 2008
المشاركات: 747

 
افتراضي

لا تسأليني كان فالقلب .. حسره

يا كثر حسرات الزمن في خفوقي

فالعين .. دمع .. وبخر ّ الدمع ّ جمره

لا جيت برقد .. هزّ نومي .. وافوقي .

إنسان .. بيّح سد ّ .. واعطاك .. عمره

هذا انا .؟ ياللي نسفتي .. شعوري
ولدالدرعيه غير متواجد حالياً   رد مع اقتباس
قديم 11-10-2009, 12:28 AM   #1046
علي المزيني
متداول نشيط
 
تاريخ التسجيل: Mar 2007
المشاركات: 12,263

 
افتراضي

يا ضيقة الصدر وش باقي على بكره
يا طول الساعتين وطول غربالي


الليل كله وأنا فكره وراء فكره
ومن دلة الهم ماهزيت فنجالي


ما كنت أظن الحبيب إليا عشق يكره
إلين جربت فرقا اللي شغل بالي


أثر الجفا موت مثل الموت له سكره
يالله لاتقطع الغالي من الغالي


من يوم قفا وأنا للموت أبفتكره
والله ليبطي بقلبي منزله خالي


الطير لامن غدا ما عاض به وكره
يقضي وفعله مع المده يورالي


لا صار فعل وغلا بالقلب محتكره
في ضيقته يأخذ الأول مع التالي


قد قالوا الطير يا وفيه يانكره
وأقول نكاره العشره بروا حالي


أرجع لموضوعنا السابق على فكره
ماني بأنا اللي مفارق بس بلحالي


البعد سم البشر ماني بمبتكره
عزي لمن جرب الفرقا وعزالي


هذا الجفا موت ومثل الموت له سكره
يالله لاتقطع الغالي من الغالي
علي المزيني غير متواجد حالياً   رد مع اقتباس
قديم 11-10-2009, 10:50 AM   #1047
علي المزيني
متداول نشيط
 
تاريخ التسجيل: Mar 2007
المشاركات: 12,263

 
افتراضي

مختارات من قصائد سمو الأمير الشاعر. بدر بن عبد المحسن" مهندس الكلمة الشعرية "



http://www.alanan.net/shu3ra/albader/bader.htm
علي المزيني غير متواجد حالياً   رد مع اقتباس
قديم 11-10-2009, 11:04 AM   #1048
علي المزيني
متداول نشيط
 
تاريخ التسجيل: Mar 2007
المشاركات: 12,263

 
افتراضي

ماقول ان الصدر ضايق أقول الكون فيني ضاق
ماقول أن غيبتك صعبه أقول البعـد ينهينـي


أنا يامازعل قلبـي عليـك وماطريـت فـراق
أشيل بخاطري [يمكن] وارضى لـو تراضينـي


ياليتك بس تفقدني كثـر ماأفقـدك واشتـاق
قسـم بالله مايطـري علـى بالـك تخلينـي


بعيني انت هالدنيا وومن غيـرك لعينـي لاق
كثير وماملوا عيني وقلبـك بـس يكفيني


فراق! وكنت أبي منّك تعوّض هالصبر بعنـاق
عشانك بعت هالعالم وجيـت اليـوم تنفينـي


حبيبي حلت الفرقـا وبعثـرت بجفـاك أوراق
عزاي بغيبتك صوره علـى بعـدك تواسينـي


أنا غصب علي أرضى ببعدك وأكتم الأشـواق
وأكابر رغم حرماني وأداري دمعتـي بعينـي


حبيبي والجفا سجني وقربك من سماي إعتاق
بكثر عيوبي بعينك فقدتـك وينك ووينـي!


حبيبي حس في حزني ترى دنيـاي ماتنطـاق
أهونهـا ولا هانـت كبيـره صدمتـي فينـي


وشاللي يصير بالدنيا لو إنك جيتنـي مشتـاق
وش اللي تخسره يعني إذا فكـرت ترضينـي


من الآخر ترى بعدك عطاني هالزمان [ طراق ]
لأني كنت احسـب إنـك تمـوت وماتخلينـي
علي المزيني غير متواجد حالياً   رد مع اقتباس
قديم 11-10-2009, 12:05 PM   #1049
هترل
متداول نشيط
 
تاريخ التسجيل: May 2009
المشاركات: 355

 
افتراضي

بسم الله الرحمن الرحيم




اذا نويت تعاشر انسان هـزه
بدايه المشوار لا تستخيره

ان انصفك ولا بجوارحك كزه
خله بديره وانت خلك بديره

حبلٍ جمع مابين الاثنين حزه
عجل بقطعه بلسيوف الشطيره

خلك مع الي كل طيبٍ يخزه
الي بلوعات الدهر تستشيره

اشفق عليه وطول الايام عزه
واجعل له النفس الكبيره صغيره
هترل غير متواجد حالياً   رد مع اقتباس
قديم 11-10-2009, 03:32 PM   #1050
علي المزيني
متداول نشيط
 
تاريخ التسجيل: Mar 2007
المشاركات: 12,263

 
افتراضي

بأعترف لك إعتراف

وصمتي يشهد عليه

إعتراف يحكي حقيقه

ولا يكون الرد ليه

أنا أحبك إيه أحبك

وشوف قلبي وإسأله

وفوق حبي لك مشاعر

تنطق بشوق الوجيه

كل ماشفتك حبيبي

قال قلبي إيه أبيه

هذا هو اللي أحبه

وأعشقه وأموت فيه

هذا هو اللي هزمني

وخلا أشواقي تجيه

هذا هو اللي هويته


ليتني لأشتقت أجيه

بأعترف وهذا إعترافي

إن قلبي لك وافي ومايخون

وإنك أغلى من يكون

وإن حبي لك كافي

وإن شوفك للجروح

طبها اللي كان شافي

يابعد حاضر وغايب

ياسبب إبداع قافي

إنتي يابسمة شفاتي

حبي اللي جاك صافي

صرت صوره في عيوني

أنظرك لو كنت غافي

نوري الضاوي أشوفه

فيك يوم النور طافي

وعشقي اللي ماحكيته

جاك واضح وجاك خافي

بردي لاحرك غصوني

في حماك يصير دافي

وصيفي لازاد السراب

ينتعش لاجيت لافي

كيف أعبر كيف أقول

وأنت حلي والحلول

كل كلمه قلتها ماتجي ربع الميول

لأني أحمل لك غرام يبهر أصناف العقول

مايترجم بالكلام

ولايترجم بالشمول

يكسي الصحرا ورود

والزهر يغزي الفصول

حب ماهو حب عادي

ولاهو مجرد فضول

حب عمره مايموت

بالأمل عمره يطووول

حب يملك حس صادق

عيبه إنه بس خجول

ماقدر يظهر حنينه

ولا قدر يخفي ونينه
عنده أشعار وأغاني وصارت أشواقه سجينه

إن حكى تصمت حروفه

وإن صمت يحكي أنينه

عنده أسرار وموده باقيه لآخر سنينه

وعنده للحب معنى يعتلي قمة جبينه

كيف أعبر عن مداك

وكيف أوضح لك غلاك

قلي أرجوك بعباره

فيها أوصل مستواك

كلمه قبلي ماحكوها

لك ماهيب لسواك

تشفي لاجتك المواجع

وتصبح النور لسماك

ودي أبعثها بليل

ولاتنام إلا معاك

أو تجي وقت النهار

وتصبح الضيف لمساك

أو تنطقها شفاهتي

ولجروحك هي دواك

تخبرك عني وعن قلبي اللي

فيك جن

وعن مدارات السهر وعن محطات الزمن

لين تقنعك بشعوري

اللي ماعمره وهن

دايم في سيرتك يسرح

لين حبك صار فن

حطم أرقام المحبه

وإنتهك حد الأمن

أعشقك عشق الصراحه

وعشقي أرسل لك رماحه

أكبر من إنك تخيل أو تقيسه في مساحه

يعجز التعبير يكتب مهما كانت له فصاحه

عن وجودك في حياتي

وإني أشعر بإرتياحه

وإنك الحب الحقيقي

اللي غطاني وشاحه

وإن بغيت أكثر أزيدك

إني نبضه في وريدك

وإني أستلهم وجودي

لادفت إيدي بإيدك

وإني أحزن لافقدتك

والفرح عيده بعيدك

ماأذكر إني قد نسيتك وأذكر إني بس أريدك

وكنها الدنيا قديمه ,,أنا بالدنيا جديدك

أنا ياقلبي وجودك

كان ضاقت بك حدودك

وإن تبي الضحكه تراني

بسمهتسعد خدودك

لا تضايق أو تكدر

دامني أغلى وفودك

لأني أحبك زياده

بالوصلوإلا بصدودك

غصب عنك وغصب عني ذبت في قطرة جمودك

لو تعاند أو تكابر غصب أحبك

لو تهاجر الهوا ماهو غصيبه

كنت أدري وكنت خابر

بس بالقوه هويتك

وتشهد حروف المحابر

وأدري إنك فيني مغرم

بس ماهو مثلي وصابر

عندك إحساس التحمل

وتمتلك حكي المشاعر

وأنا لاحبيت أذعت حبي بأوساط المنابر

وماخاب ظني فيك

ولجلك بأترك الدنيا وأجيك

لأني بدونك مجرد

جسد من حبه مايتجرد

مايحب إلا الخيال

اللي فيحبك تحدد

أنتي ياحلمي الجميل

غيم ماعمره تبدد

المطر نظرة عيونك

والعطامنك يتجدد

ماخلق مخلوق غيرك

أنا لرضاه أتودد

قلت أحبك وأعترفت

قلتها وأنت إقتنعت

قلتها بصوت الكتابه

وصوتي الصادق حبست

قلتها وكلي وضوح

لك ولغيرك إعتذرت

لو زعل ماهمني

دامني على حبك حصلت

في مسافاتك مشيت

وآخر الرحله وصلت

وجيت وأنفاسي تقول أنا أحبك لو زعلت

هذي هي كل الحكــــــــــــــــــــــــــــــــــــــــايه

أو سمها الروايـــــــــــــــــــــــــــــــه

إبتدت منك وأنت البدايــــــــــــــــــــــــــــــــــه والنهايــــــــــــــــــــــــه
علي المزيني غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:17 AM. حسب توقيت مدينه الرياض

Powered by vBulletin® Version 3.8.3
Copyright ©2000 - 2018, Jelsoft Enterprises Ltd.