هل منكم من جرب شركة العطلات الوطنية ؟؟؟

[السوق مولع]

اخواني واخواتي..

السلام عليكم ورحمة الله وبركاتة .

خلال ايام العيد وامام السيرك في حي المروج عبينا استمارة مسابقة وبدون شروط أو اسئلة في الاستمارة وكانت تلك المسابقة لأحدى الشركات السياحية وتدعى العطلات الوطنية وكتبنا ارقامنا وذهبنا في طريقنا ...

بالأمس اتصلو علي شركة العطلات الوطنية وقالو لي الف الف الف مبروك انت فزت بجائزة انت والأسرة وتفضل لزيارتنا لتستلم الجائزة وهي عبارة عن ليالي مجانية في مكه المكرمة وقرية النخيل بالدمام .

المهم انا ذهبت ولم احضر العائلة واتصلت بهم وانا في الطريق لتحديد موقع الشركة بالضبط وأول سؤال سألني اياه الموظف قال لي المدام معاك ( وكان مهتم ) قلت له المدام تعبانة وما تقدر تجي البركه فيمن حضر ............ . تنرفز قليلا" وقال الشروط والنظام لأستلام الجائزة هو حضور المدام قلت له مانبي نثقل عليكم انا لحالي يكفي قال بس نظام الشركة يلزم حضور المدام ............... انا تنرفزت قلت له انتو بتوزعون جوائز ولا تبون حريمنا يترززون قدامكم ( عيب هالكلام يا أخي العزيز ) استحى الموظف وقال خلاص انا بمشيها عشانك طال عمرك ...... قلت له هذا كلام الرجال .

حضرت واستقبلني واحد قافلة معه شكله .......... لأني ماجبت المدام وقام يطرحلي محاضرة وعروض وخذ من هالرخيص ويطيرك الى 5 نجوم ويسبحك ويرقصك ويمشيك ويخليك ما تتكلم ولا يعطيك فرصة حتى تسأل الا بشق الأنفس ... ( اسلوبهم الحقير طبعا" ) ويقولك نبي منك 6250 ريال قيمة العرض مقابل السياحة والسكن .

المهم يا اخوان العرض مغري بس لما قلت له عطني العرض وبشاور نفسي في البيت وبرجع لك بكره زعل وقال اخر يوم هو اليوم يا تدفع يا تروح عليك الفرصة وانت فكر في هالدقايق قلت له ما اقدر الا اني اقولك ارد لك خبر بكرة قال لا ومصر على ذلك وقال ان اليوم اخر يوم للعرض قلت له شكرا" وخل عرضك لك حتى مهلة ماتبي تعطينا قام والله وقال فرصة سعيدة بعد ما حس انه مافية كاش في هاللحظة وتركني ....................
عرفت ساعتها ان الغش اتضح امام عيني............... يعني بالفم المليان اذا الفريسة سهله وحسيت انه بيدفع ومعاه فلوس ومصفوق في نفس الوقت ركز علية وانتبه يطير ....... وان كان الفريسة طلع ذيب ومفتح عيونة وشكلة بيمرمطك خلاص قم وخله وقله مع السلامة ..


نرجو ممن مر بمثل تلك الحالة افادتنا هل كلامي صحيح ام ان الشركة ممتازة وصادقة

[الاورنجي]

السلام عليكم
شكرا اخي على هذا الموضوع نعم انا حصل لي مثل ما حصل لك ولكن مع شركه اخرى (شركة القرشي)
وهو عندما كنت في كارفور بجوار مجمع الراشد في الخبر ، انا وعائلتي فأذا بذلك الشخص الذي يتجه إلي وش يبي هالمتهندم بذلك البدله وشف الشعر على جنب والجل يلمع والكرفته ضاغطه على الحنجره والسكسوكه مرسومه رسم والجزمه تلمع وريحة العطر يفوح .... ثم عرفني بنفسه انه مندوب شركه سياحيه
سلام علي وهو مبتسم ويبارك لي الف الف مبروك انت حظك ما شاء الله يكسر الحجر وانت وقع عليك الاختيار بأن تربح معنا طقم ذهب عيار 21قراط والله وامبسط وقلت بس قام حظك يا ولد ...........
فطلب مني الاسم والوظيفه وكم الراتب وهل المدام موظفه وسجل الاسم على بطاقه وسألنا عدد من الأسئله هل سافرت للخارج والى اين ولماذا لم تذهب الى............ و الى.........و الى فما رأيك لو ربحت برنامج سياحي قلت اكيد موافق
قال بشرط ان تحضر انت والمدام الى مقر الشركه هناك مكان مخصص للعوائل وستستمع الى طريقة البرنامج بس لازم تحضر علشان تأخذ الذهب .....لانه بس بمجرد حضورك انت ضمنت الذهب وإدفع 100ريال حجز مقعدك انت والمدام وسوف تسترجعها فور وصولك
ثم ذهبنا واذا الناس صافين بدور معهم حريمهم (مطبقين الوصيه )وقلت كل هذولا فايزين معنا ما شاء الله
جاء دورنا فأجلوسونا على طاوله وجاء سعت الباشا والزيكو عاملين ايه لا تنسى الحلاوه لما تفوزو من الرخيص
جلس يهذر علينا انهم عندهم برنامج سياحي في خدمات وسكن في فنادق عالميه خمس نجوم ساعــتـيـن وأنا متحمل علشان العيار 21 ...وبعد كل ها الدوخه من القرقره قل اذا انت موافق على البرنامج لازم تدفع 13000ريال ولا يفوتك العرض مش حيتكرر وما فيش بعدين الحين اما تدفع ولا انا اسف شف الناس من ربعنا يوقعون وناس ترفض
المهم بعد هذا كله قلنا ما نبي العرض ولا حنا مسافرين نبي الطقم
ذهب واحضر لنا علبه صغيره فيها تعليقه و اقسم بالله اننا ذهبنا ووزنها ولم يتجاوز سعرها 10ريالات

[جامعي]

تراهم نصابين


سيبك منهم


أنا عندما اقابل أي من هؤلاء المناديب ... جمع مندوب


اقله روح عني ماني فاضي لذا الكلام

يقوم يبتعد عني ويقول في نفسه ذا شكله فاهم ( الهرجه ) كلها

[السوق مولع]

تراهم اكثر من شركة انتبهوا ؟؟

مجمعوة شركات بمسميات مختلفة وذلك لأنه كلموني قبل يومين شركة والله ما اذكر اسمها بس قالي احنا اللي قابلناك عند السيرك في حي المروج وكسبت جائزة في منتزة المرسى وياليت تقابلنا في المرسى انت والمدام ( تركيزهام على الحريم زي ما قلت لكم ) عشان تاخذون الجائزة .
قلت له والله الحرمة تعبانة بجي لحالي قال لا شكرا" بنكلمك مره ثانية ( شوق الوقاحة يعني يوضحون للناس انهم نصابين ) .
يعني انا فزت بجيكم وخلاص ................... لكن هم مستنينك انت الفريسة والفريسة الحرمه اللي راح يوهموها ان الرياض العابها ومنتزهاتها وفنادق مكه بلاش ؟؟؟؟

وين البلدية ووزارة التجارة عنهم .

[شيفشينكو]

انا صارت لي في مصر في القاهره

كل مارحت سوق ولا شي اول مايشوفون اني سعودي يجيك مدربي راسه
الين حفظت كلامهم

وصارو اول مايجون اقوله فلوس مافيه خخخخخخخ
يضحك ويقول انتا اسمع بس ياباشا ومن هالكلام

لكن في السعوديه ماشفتهم ابدددددددددن

[يابعدهم]

انتبهووووووو منهم كلام مصاريا يلعبون عليكم وقصة العوايل عشان يحرجوكم معهم وتدفعون والحل انك تطنشهم واالذكي هو من يلعب عليهم لانهم يبونك تجي ويسحرك بكلامه ويعطيك القمر بيد والشمس بيد ولشتركة سحبو عليك وصرفووكم انتبهوووووووووو والي يشترك لجا يكنسل يخذون منه نسبه 30% يعني الفين وشوي حرررررررام خلو فلوسكم بيدكم احسن منهم وساليبهم تختلف واماكنهم الحساء برج الحمام فوق نيسان والخبر وابها والرياض بالعليا مجمع الموسى احذروووووووووووو

[الـعنـزي]

نصب و إحتــــــــــــيال

[سعد الجهلاني]

نـصـابـيـن