للتسجيل اضغط هـنـا
أنظمة الموقع تداول في الإعلام للإعلان لديـنا راسلنا التسجيل طلب كود تنشيط العضوية   تنشيط العضوية استعادة كلمة المرور
تداول مواقع الشركات مركز البرامج
مؤشرات السوق اسعار النفط مؤشرات العالم اعلانات الشركات الاكثر نشاط تحميل
 



العودة   منتديات تداول > المنتديات الإدارية > اســــتراحـة الــــمســاهــمين



إضافة رد
 
أدوات الموضوع
قديم 04-10-2009, 03:56 AM   #1001
دانة الاسهم
كاتبة مميزة
 
تاريخ التسجيل: Jun 2005
المشاركات: 5,635

 
افتراضي سوري علي

اقتباس:
المشاركة الأصلية كتبت بواسطة الــــذيــب
وش غيرت ؟؟

<< البراءه


خذيت مهوت خاااااذيت
[grade="00008B FF6347 008000 4B0082"]والله كاتبه خذيت

توبه انا مو قدك

خلاص تعلب تعلب



ياااااااااااااااناااااااااااااااس من يشهد [/grade]



والله وجاء اليوم يالذيـــــــــــــــــب


دانة الاسهم غير متواجد حالياً   رد مع اقتباس
قديم 04-10-2009, 04:00 AM   #1002
علي المزيني
متداول نشيط
 
تاريخ التسجيل: Mar 2007
المشاركات: 12,263

 
افتراضي

وعيني اللي كل ما ذعذع من الغرب هبوب
يحلا لها لون الغروب اللي يذوب قبالها


ويا ويل حالي كل ما يحلالها لون الغروب
تطري لي الريم اللعوب وسالفة ترحالها


وعز الله اني كل ما تطري لي الريم اللعوب
حرمت امد ايدي على حاجة وانا ما اقوالها



من سافرت ريم الفلا صديت عن كل الدروب
ما هو قصور بالعذارى بس ذيك لحالها


من فارقتني ما خطف قلبي من الحور محبوب
ولا لقيت الجادل اللي تستحق احيالها



لأن القلوب ان ما وفت لأحبابها ما هي قلوب
والعشره اللي ما ترد الروح ما نسعى لها


إما الوفى اللي يستر الرجّال من كل العيوب
والا الجفى اللي يستر عيوب العرب في رجالها


ما اقسى من فراق الجنوب الا فراق اهل الجنوب
ويلي على اللي كل ما تزعل تشد رحالها


اللي مذيره العتب لا شبت بصدري شبوب
عييت اراضيها وهي عيت تطول بالها


كانت معي مثل النصيب يحدني من كل صوب
كانت دروبي من متاهات الظلل لظلالها


كانت هروبي لا شعرت اني بحاجه للهروب
كانت سماي اللي ليا ضاقت علي ألجالها


ليه اتحداني وانا في كل الاحوال مغلوب
ليه حرمتني من قهر عذالي وعذالها


ليه اتجاهلني وانا لاني جبان ولا كذوب
ليه ارخصت دمعي وانا اللي ما بكيت الا لها


ما ترحم اللي له سنه كأنه على النار محطوب
ما هزها دمع الفقيد اللي بكته أطلالها


ما خافت تهدم السنين اللي بنتنا طوب..طوب
ما فكرت تشفق على حالي وترحم حالها


قولوا لها لو ما تذوب انا بخليها تذوب
قولوا لها لو ما عنت لي مستعد اعنالها


إليا ادمحت لي هالخطا بدمح لها كل الذنوب
وإن جابت الحسنى معي تبشر بعشر أمثالها


أفرش لها صدري وطن وأجمع لها ضلوعي شعوب
وأرقى لها المكانه اللي ما حد(ن) يرقى لها


إن كاني مخطي فأنا ماني خليّ من العيوب
الذنب يغفر والبشر تجزى بقدر أعمالها


البعد قاسي والفراق يضيق الصدر الرحوب
وانا تعبت ادور الحيله وارد احتالها


قولولها ترجع ترا ماني على الحزن مغصوب
وإلا ترا نذر(ن) علي انه ماهو ب أشوالها


إما تجنب هالهبال وتترك البعد وتتوب
والا بتبشر بالهبال اللي ما هو بهبالها


كافي زعل ترا الظروف مقفله من كل صوب
وأنا حملت من الهموم انواعها واشكالها


يكفيني اني كل ما هبت على صدري هبوب
تحن عيني للجنوب وتلتفت بلحالها


والمشكلة اني كل ما حنت عيوني للجنوب
تطري لي الريم اللعوب وسالفة ترحالها


وعز الله اني كل ما تطري لي الريم اللعوب
حرمت امد ايدي على حاجة وانا ما اقوالها
علي المزيني غير متواجد حالياً   رد مع اقتباس
قديم 04-10-2009, 04:27 AM   #1003
سهام6
فريق المتابعة اليومية
 
تاريخ التسجيل: Apr 2009
المشاركات: 6,180

 
افتراضي

ابشر بقلب مايبي غير طرياك
وابشر بعين ماتبي غير شوفك



وابشر بحب لوقسى الوقت يرعاك
وابشر بروح من غلاها تحوفك



ابشر وكل اللي تبي يالغلاء جاك
أمر عسى درب المنايا يعوفك



ياصاحبي يشين وقتي بليك
لاصار ماينطق لساني حروفك



ان غبت عني يذبح القلب فرقاك
وان جيت يمي عانقتني طيوفك



امشي على كيفك على شان دنياك
واساير أيامك واقدر ظروفك



من كثر ماخوفي على قلب ينساك
سلمت لك قلب الغلا في كفوفك



مديت قلبي يوم مديت يمناك
,,,,,,,,,,,,,,,,,



لأجلك ازعل باقي الناس لرضاك
وان مت تكفى يدفنوني بجوفك



لوتجرح قليبي وتكثر خطاياك
أرقد وآمن أمن الله خوفك



اليا قسى وقتك وشانت نواياك
قلي واموت برغبتك ومعروفك



قد قلت لك ياصاحبي ماقدر أنساك
حلف على روحي أبد ماتعوفك

سهام6 غير متواجد حالياً   رد مع اقتباس
قديم 04-10-2009, 04:46 AM   #1004
دانة الاسهم
كاتبة مميزة
 
تاريخ التسجيل: Jun 2005
المشاركات: 5,635

 
افتراضي

[grade="00008B FF6347 008000 4B0082"]تضحك وانا لجلك اموت
والعمر ياعمري يفوت ..

شوف الزمن في حالتي
وقف عقارب ساعته ..

شوف الشقى في دنيتي
حصل مناه وغايته ..

ينسج على حلمي بيوت
تشبه بيوت العنكبوت ..

خذلك من الواقع عبر
واتحسس القلب الكبير ..

ياما عطى وياما صبر
وانته ولا عندك ضمير ..

احذر ترا بيجيك يوم
بتصير لي مالك لزوم ..

بين الهواجس والهموم
.ما ينفعك في الحب صوم ..

ياهم خذ همك وروح
ياصبر صبرني عليك ..

يكفي متاهات وجروح
لا جيت انهيها ابتديت ..

المشكله قلبي معاه
كل يوم يتجدد غلاه ..

كل ما نصحته قال اه
وش حيلته غير السكوت .. [/grade]
دانة الاسهم غير متواجد حالياً   رد مع اقتباس
قديم 04-10-2009, 05:01 AM   #1005
نجدية
كاتبة مميزة
 
تاريخ التسجيل: Mar 2005
المشاركات: 17,076

 
افتراضي


صبــاحكم .. شعـــر


رااائعه من روااائع


دايــــــــــم السيف


اتمنـــى تعجبكم




غـريب والله يـا حـبيبي هوانا


نستعذب الأشواق ما نطفي الشوق


شـوقي وشـوقك هـايمٍ في سمانا


في ناظري حيره وفي ناظرك موق


نـطرد سرابٍ في صحاري ظمانا


لا فـيه مـيرادٍ ولا حـاصلٍ ذوق


يــومٍ يـبـعّدنا ويـومٍ دعـانا


ويـوم يـلبّسنا خيال الهوى طوق


طـيفٍ يـرغّبنا وطـيفٍ نـهانا


فوق الثرى نمشي وحلم الهوى فوق


خـيالنا مـن كـل نـبعٍ سـقانا


وأيـامنا تـسوق عـبراتنا سـوق


مـيـعادنا عـند الـتمنّي نـسانا


وظـروفنا تزرع على دربنا عوق
نجدية غير متواجد حالياً   رد مع اقتباس
قديم 04-10-2009, 10:25 AM   #1006
سهام6
فريق المتابعة اليومية
 
تاريخ التسجيل: Apr 2009
المشاركات: 6,180

 
افتراضي

استكثرك وقتي علي وغدا بك
عادة زماني كل ما طاب هون

ليت الذي وداك يازين جابك
تشوف عقبك كيف الأيام سون

شرق مشيت وغرب وقتي مشىبك
والقلب ماله لايمٍ فيــــــــك لو ون

عقب الهنا بك ذاق لوعه عذابك
تلونت دنيــــــــــــــــاه ولا تلون

طويتني طي الورق في كتابك
حتى معاليق الحشى لك تطون

اشتقت لأيام الهوى في جنابك
يوم الشموع بليل الأحباب ضون

واشتقت أقول لهاتفك مرحبا بك
واشتقت لغيوم الصحارى تكون

عود ترى داع الهوى عند بابك
وأروى القلوب الى بعد ماترون

غنيت لك عمري ولاجا جوابك
واسمي مع مجنون ليلى تدون
سهام6 غير متواجد حالياً   رد مع اقتباس
قديم 04-10-2009, 10:34 AM   #1007
علي المزيني
متداول نشيط
 
تاريخ التسجيل: Mar 2007
المشاركات: 12,263

 
افتراضي



أمـوت مـن فرقاك .. و أموت بلقاك
وأموت من جورك .. و أموت بحنانك


كـلٍ قـضاه يـموت مرّه .. و يفداك
و أنـا أمـوت ألـفين مرّه .. عشانك


أذكـرك.. لا مـني نسيت إني أنساك
أنـساك .. لامـني ذكـرت نـسيانك


رضـيت أنـا بالهم لرضاك مرضاك
و ارخصت لك قلبٍ جرحته .. وصانك


أجـيك في صدري عتاب .. و أبجفاك
و أرجـع ألـوم الوقت و أقول خانك


أحـب فـيك .. احساسي إني بلاماك
فـي عـز خـوفي منك أحس بأمانك


عـجزت أفـرق بين وصلك و فرقاك
يـاللي عـطيت الـناس بيدك عنانك


مـر تـجيني لـين أقـول إنـي إياك
و مـر تـروح بـعيد و انسى أوانك


أقـبل و تقفي .. و اعتذر عن خطاياك
و أقـول مـا عـييت .. عـيا زمانك


و إن خـانتك دنياك .. أو خنت دنياك
إرجـع و تـلقابي .. مـكانك..مكانك
علي المزيني غير متواجد حالياً   رد مع اقتباس
قديم 05-10-2009, 01:30 AM   #1008
نجدية
كاتبة مميزة
 
تاريخ التسجيل: Mar 2005
المشاركات: 17,076

 
افتراضي




وش تسوي لو عشقت انسان ماهو من نصيبك
لا لك بهالوضع يد .. و لا له بهالوضع سبه !!

وشهو ذنبك لو غدى من بين خلق الله حبيبـك
تعرف إن قربه محال .. و قلبك مصمم يحبه ؟!

و انته متأكد و عارف يب يجي يوم و يسيبـك
يعني متوقع بأي لحظه يغيـب و تغتـرب بـه!!

كل دربٍ يرحل بطيفه .. على وجهـك يجيبـك
كل حرفٍ يُكتب لغيره .. تحسه منكتب بـه !!

كن كل عيون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه

و اللي كاسر ظهر قلبك و بشقا الدنيا مصيبـك
عارفٍ بانّك تحب .. و ما يعَرْف انّـك تحبـه

ساكن ٍ بأصغر تفاصيلك و قلبه مـا دري بـك
ماكن ٍ بأقصى معاليق الكيان اللـي لعـب بـه

وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه !!



نجدية غير متواجد حالياً   رد مع اقتباس
قديم 05-10-2009, 01:43 AM   #1009
نجلااء الرياض
كاتبة مميزة
 
تاريخ التسجيل: Aug 2004
المشاركات: 7,897

 
إستفسار هــجرتك ،،،

هجرتك
،،،
هجرتك يمكن أنسى هواك ،،، وأودع قلبك القاسي
وقلت أقدر في يوم أسلاك ،،، وافضي م الهوى كاسي
لقيت روحي في عــــز جفاك ،،، بافكر فيك وانا ناسي
،،،
ام كلثوم / تأليف أحمد رامي -- مقام كرد
،،،
نجلااء الرياض غير متواجد حالياً   رد مع اقتباس
قديم 05-10-2009, 01:52 AM   #1010
سهام6
فريق المتابعة اليومية
 
تاريخ التسجيل: Apr 2009
المشاركات: 6,180

 
افتراضي

وينها عيونك ..
تعبت من الوله ..
ياحكايات الليالي .. في غلاك
كل شي اشتاق لك .. واشتقت له
وينك .. اشتقت لعيونك .. ياهواي

ليه نتعب في لقانا الأسئله ..
وين رحت .. وكيف .. مادامك معاي
جبت لك كل السنين الأوله
اللي تسأل عن لقاك .. وقلت جاي !

انت يااحلى هالغرام .. وأجمله
وش هو أجمل من لقاك انت .. ولقاي ..
بابتدي حبك .. عشان تكمّله
خذني مني .. وآخذك .. وأنسى عناي

سهام6 غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:29 AM. حسب توقيت مدينه الرياض

Powered by vBulletin® Version 3.8.3
Copyright ©2000 - 2024, Jelsoft Enterprises Ltd.