أنظمة الموقع | تداول في الإعلام | للإعلان لديـنا | راسلنا | التسجيل | طلب كود تنشيط العضوية | تنشيط العضوية | استعادة كلمة المرور |
|
||||||||||||||||||||||||||
|
29-11-2010, 01:48 PM | #101 |
فريق المتابعة اليومية
تاريخ التسجيل: Sep 2010
المشاركات: 6,277
|
طفلة اتسولف لي عن الحـب ... بشويـش ..
وانا كذا ..بـشويش ../ مجنــون ... طفلة ! لاقلت احبك بس .. صفت لي الجيـش ! جيش الرموش ... اللي غزتنـي بـ غفلـه ! وقالت بهمسة ذايبه... أممم بس ايـش ( الأممم ) هذي بـس ياخـوك .. حفلـة ! سكت ! قالت: أووه من دون .. تطنيش } ! ومافيه عرق ٍ ... بالجسد ..../ مآعزف له ! ( واموتـ بكــ ) قالت: ولاتوّكلك ... عيـش ! تعبت الاقي .. { مفردة } ...... تنوصف له ! طفلة يجرّح .. خدّها ... ملمـس الريـش ! حتى .. ( الخطا ) ... لاسوّته .. ينتصف له ! علمتها : إنّ الأماني لها ..... طيـش ! وعلمتها : إن ّالمواعيد ...... جفلـه ! دنقت ! طاحت دمعتي واصرخـت : ليـش !؟ قلت : التعب .... يابنت غصب انجرف لـه ..} قالت وهي تمسح على شفاي... بشويـش ! { بشويش! .. لاتبكي من الحزن .. طفله } ! مدامنا بالكـون هـذا ..... نبـي نعيـش ! دنياك ماتسوى من شفاك .....تفله ....!!!! |
29-11-2010, 01:50 PM | #102 |
فريق المتابعة اليومية
تاريخ التسجيل: Sep 2010
المشاركات: 6,277
|
صدقيني ياحياتي وافهميني ياغناتي انتي قلبك صار صخره صارقاسي بالرغم من قو باسي والطناخه اللي براسي ماتحسي
في حنيني ولهفه الشوق الدفيني والدفاء اللي في يديني وانا مدري ما اسمع الا شوشره تلعب بصدري شوشره وصياح وصوراشباح لا بغيت اهدى تجيني وارتجف منها وتمسك في يميني وتحلفني بغلاوه والديني انا عندك نور عينك** مثل منته نور عيني **************************************** قلت تبغين الصراحه والصراحه فيها راحه وخافقي تنزف جراحه وديننا دين السماحه خايف اعشق من جديد وعله الخافق تزيد واناقضيت العمرعايش وحيد مامعي الاهجوسي والقصيد وانا لين الحين باقي ماعرفتك والا شفتك ودي اعرف علميني صارحيني قالت انا ودي اسئل وانت كنك منت سامع قلت مافيه اي مانع اساليني وحلفتني بوالديني قالت انا نور عينك مثل منته نورعيني ############################## قلت انا اعرف من اكون وانتي مثل اللي يمون انا مبغي المدح منك الله خلقني واحد من الانس ابعدي عني بجنك انا مشغول قاعد اللعب تنس والله اني عكس ظنك قالت اسمع زين وافهم يابرنس ياباشه يابيه قلت اتركي عنك الدباشه لا تقولي انت بيه والا قولي ماعليه انا من طبعي نبيه افهم الكلمه على الطاير وساير اسف اسف ارتبكت فعلا الموقف خطير والغلط لا مايصير انا افهم كلمتك قبل اصلا ماتطيروادهن السير ويسير اه ه ه رجعت لي القشعريره وهذي المره كبيره وابتدت في راحتيني في يساري في يميني ثم قالت ياسعود صورتك لاضاق صدري تبعد الامي وكدري اغلا من روحي وعيني ليتني ادري اه مدري انته يالغالي تبيني والله انك نورعيني جيتك اترجاك قلي لامتى هذى التغلي انا عندك نور عينك مثل منته نورعيني &&&&&&&&&&&&&&&&&&&& قلت تكفين اتركتني وشلتها من فوق متني قلت انتي بنت جني وشتبي مني ابعدي ارجوك عني قالت انت انسان متكبر محد يفهم قراره وانا لك جاره ساكنه نفس العماره انا مبغي اقلب حياتك وذووقك طعم المراره والااعلم بوش الابن وهو قذر يهوى القذاره واتهمك انك من اللي حطموا ابراج التجاره والمثل قال التجاره بهلوه تبغى شطاره وانت عندك ربو مزمن والتنفس صعب وانابزود عليك الربو وبولع سجاره واذى شفت في وجهك علامات احمراره بحذف بيتك بالحجاره والا علمني وقلي قبل ماتذهب تصلي ابتسم لجلي وهلي والمهلي مايولي وبعدها فضفض وقلي انا عندك نورعينك مثل منته نورعيني ************************************************** ****** قلت مالي فيك حاجه كل ما قلتي سماجه والربو عندي علاجه وبوش خنزيروخواجه وقرد لا بعد قرد ودجاحه وبوش ودع بعد بدع لاتظن انه تمتع دايما مشغول باله ودايما عندي حثاله المهم انه ذلف صادقه حاكم جلف والعرب وانا وانتي نرتجي خير الخلف يمحي افكار واثار وغبار كيف بوصفلك من اوصاف السلف كن في عظمي ارتجاجه من كثرضيقي نشف ريقي والظلام الدامس استولى طريقي لاحبيب ولاصديق لا قريب ولا شقيق عايش بعنق الزجاجه لكن اوباما فيه خير والكلام اللي تقولينه مايدخل في مزاجه اتركي شغل اللحاجه ووابعدي سيبي الهماجه المثل قد قالها لاتحذف بالحجاره وانت بيتك من زجاجه قالت اسمع ياعيوني قلت الاول من تكوني هذي ثاني مره تصادفك عيني ونفسها الحاله تجيني قالت انا احساس ومشاعر من محبه غارقه في بحر شاعر ارسلتني ودها تعرف انت يالشاعر تبادلها المشاعروارسلتلك هالرساله وارسلتها في عجاله وقالت ابدي في سواله قبل ما ياخذ مجاله ثم قوليله الكلام على لساني يافلان ابن الفلاني انت روحي انت بوحي انت عندي في غلاوه والديني انت امالي بهجتي زهره سنيني انت مثل النور يسطع في جبيني انت ساكن داخلي فيني وفيني وانتبه تكفى تخلي السالفه بينك وبيني وتجاوبني ولاتكذب عليه ((انا عندك نور عينك مثل ما انته نورعيني)) كلمات الشاعر/ سعودبن حمدان المالكي |
29-11-2010, 04:31 PM | #103 |
فريق المتابعة اليومية
تاريخ التسجيل: Sep 2010
المشاركات: 6,277
|
ضحيَّه الحماد من شاعرات القصيم وبالتحديد رياض الخبراء تزوج زوجها ابراهيم الدواس من امرأه اخرى ومال اليها كل الميل متناسيا عشرته مع زوجته الاولى .. فقالت له ناصحه: لا تعاف العدِّ يجذبك الغديري والمطر مادام للي يشربونه وكانت تقصد بذلك ان الغدير لا يوجد الا بموسم الامطار ولن يدوم لك كالعد وهو البئر دائما . وحين حدث خلاف عائلي وكانت هي احد اطرافه قامت بأستشارة ابنائها بهذه المشكله وكان لكل منهم رأيه فـقالت : دوّاس ياجبرتي يامالي الغالـي ياما عيوني وراكم ماتردونـه قال اصبري والزمن لا بد ميالي والنار تطفا الى قامو يرشونـه والا عبيّد وقف في وجه عذالي حلف وحرّم على امي ماتطبونه وقالت تخاطب ابنها محمد : محمد متى تكبر وتبني لي البيت والا تنهّج مع طريق الربوعـي ابوك يشناني وانـا ماتردَّيـت ولا ضهته يوم سوق الدفوعـي ايضا هذه شاعره من بني لام حين توفي زوجها وكان شجاعا لا يريح مطيته من كثرة الغزو ,,, واخذت اخوه بعد وفاته ...... ولـــكــن ....... قالت !!!! ينلاع قلبي كل ما اوحيـت طريـاه كما يلوع الطيـر شبـك الحبايـل أخذت اخوه ابغى عوض ذاك من ذاه البيت واحد مـن كبـار الحمايـل الـزول زولـه والحلايـا حلايـاه والفعل ماهو فعـل واف الخصايـل وهي اطول من ذلك فأضمر زوجها هذه الابيات واثبت لها العكس ثم مدحته بابيات اخرى . شاهة العبدالله العتيبيه سكنت الزلفي و ألفت حياة الحضر فكرهت زوجها المطيري حسين الدويش ورفضت ان ترجع معه للباديه فقالت تهجوه: ياحسين مااحفينا عليك المراسيل ولا لك خطبنا يامروَّي السلايـل ولابك على اولادالجريسي تنافيل وساع الصحون مشعلين الفتايل شعاع الاسلمي عندما زوَّجها ابوها لبدوي رحال وكانت لاتريده فأخذت تتوسل لوالدها قائله لا يا يبه يا بعد حيي مع الميـت إصبر علي لو كسوتي بالديونـي يا بوي من كثر المراحيل مليـت البـرد والمجهـام زود جنونـي يا بوي في عمري شقيت وتشقيت يا بوي ما قوى للرحيل ارحمونى مويضي البرازيه المطيريه اللي يتوه الليل يرجي النهارا واللي يتوه القايلة من يقديه و كانت مويضي تغني فأرسل الحاكم من يوبخها لعدم العودة مجدداً للغناء: ياسّعد عينك بالطـرب يالحمامـه ياللي على خضر الجرايد تغنيـن عزي لعينك وان دراى بك سلامه خلاّك مثلي يا لحمامـه تونيـن كسّر عظامي كسّـر الله عظامـه شوفي مضارب شوحطه بالجاجين وأن كان ودك بالطرب والسلامـه عليك بالفرعه ديـار الوداعيـن حصه العنزيه تذكر جمال لحظات لقاء الحبيب في الخيال.... اما الواقع فلم يحدث ياحلو رص الروح بالروح للروح متوالفيـنٍ كلـهـم لا بليـنـا مالي بتفطين المحبين مصلـوح بالذكر والا عـن كـذا مادرينـا قلته من نوع التماثيل ومـزوح مالى عشيـر ولالهـذا مشينـا لوكان باب العشق للناس مفتوح نحمى شرفنا مع رجـال علينـا بنت أبن رخيص من شمر مات ابوها وباتت ترفض الزواج بحجة انها لا تريد الا رجلا بمعنى الكلمة ويتحلى بالشجاعه فـارسلت هذه الأبيات لعمها (( شفاقة )) تقول : يا راكب فـوق لحّاقـه حمرًا تقل واشعة دمي اسلم وسلم على اشفاقة واللاش لايرسله يمـي حلفت انا ما اخذ العاقة لو آكل العمر عند أمي إلا لمن يحتمي الساقة لا درهم الجيش وألتمي الشاعره مداهن في رثاء زوجها نطيت رأس الرجم واوميت بالخمس واقول ياهجـر النيـا ويـن خلـي خلي عقدنـي عقدتيـن بـلا لمـس وانـا عقدتـه عـقـدة ٍ ماتحـلـى كان أمس مثل اليوم واليوم مثل امس وان كـان باكـر مثلهـن زاد غلـي وهذه شاعرة اخرى مجهوله ترثي اهلها وتقول : هنيكم يااهـل القلـوب المريحـه ماالوم عيني لو جرى دمعهـا دم ابكي هلي أهل الـدلال المليحـه اخواني اللي اذا بغـوا لازم تـم يالعبدهاذي من حكايا الفضيحـه خل السهر لي وانت يالعبد قم نم من أول نأمـر تجـي بالذبيحـه واليوم ياعصر الندم صرت لي عم وقالت شاعره مجهوله كان أنت في دو الخلا تمتنينـي فأنا تراني كـل يـوم أتمنـاك وإن كان بالخافي تجر الونيني ونيني أكثر نعنبو بطنن أضناك حبك حرم عن كثرة النوم عيني ريفي مراعاتك وشفي بطريـاك لا عاد عرف ٍ صار بيني وبينك أخاف حبك يوردنى حبل الإدراك ولها ايضا قصيده تتراجع فيها عن الحب بعد كبر سنها: طرد الهوى عقّلت دونه ركابي لو كـان ماعلقتهـن ياصلنـه ادور الغفران باتلـى شبابـي والاّ اوله قد فات مافيـه جنـه الحب في ماضي شبابي سطابي لزوم تظهر شارته لـو نكنـه يدري به اللي صايبه ماجرابي يابين شاراته على اللي مشنّـه بويتله الروقيه تتخيل منازل اهلها وتحن اليها: عديت رأس(جويّ) وقت الغطاليس واشوف شوف مايشفونه الجـن اشوف عفر حسين مثل المقابيس وهو يلاوي مهرته مابعـد عـن واشوف في نجد طوال النسانيس واوحي الحوير يرضع امه بعد حن واشوف جربوع تطقّـه قرانيـس عني على قدّ النويـع اذا اهـون وشاعرة رأت من زوجها مالايعجبها فقالت: ياشوق ماتطلقن واجـزاك عـدك بنـا عامـل طيبـى يوم اني عيني تبي لامـاك ماطعت انـا كـل خطيّبـى واليوم عيني تبـي فرقـاك دايم دموعي علـى جيبـي تلقى العوض عاشقه تشهاك والقى عشيـر يهلـي بـي كنه الشمريه وتقول مخاطبة اهلها: لعيون من قال لعيونـه يجري اخلاف الردّيّـات هذاك يابـوي مادونـه لو المواشـي قليـلات ليا درهم الجيش ينخونه يوم الركايـب حفيـات نوره بنت هطيل الشمريه نوره بنت هطيل بن خالد الزريقي من العطون من الجعفر من شمر ,,,, كانت مع ابل والدها ومروا عليها اهل ركايب واسالوها عن اهلها وقالو يمكن صلبه فقالت هذه القصيده:- يايبه أهل الركايـب نشدونـي حش قلبي يوم قالوا ياصلبيـه لعن ابوكم بحرو وسم العطوني لعن ابوكم والله اني ضيغميـه كانكم بالوسم واهله تجهلونـي نوخوهن عند حامـي الونيـه يالركايب لاتهجـن بالعفونـي ياحسيف فدكن كـل ضحويـه والله لنشد عنكم ياما تعرفوني ماركب ركابكـم كـود الدهيـه كلمة الحقران علي ما تهونـي ماني من صليب واصلي شمريه الضياغم عزوتي مايرحمونـي يوم جلب الروح باسواق المنيه صالحه العيسانيه العتيبيه رات أخاها (غازي) وقدبانت عليه امارات عشق احدى الفتيات وكان ينشد قائلا... يامرحبا ياللي على بيتنـا مـر رد السلام ولامعي فيـه حيلـه يامرحبا عدة حصى كشب واكثر وعدد جراد طاير مـن مقيلـه ياحلو زوله يوم لبس المشجر ياطى بمصبوب القدم في شليله فلامته أخته (صالحه) في هذه الأبيات.... انهاك ياغازي عن الحب الأقشـر انهاك عن درب الهوى وتغديلـه خل الهوى يامال جـوع المجـدر ترى الهوى ماهو خطاة الحليلـه ترى الهوى حسك الوبر حلوة الدر ليـا بركـن حيرانهـا بالسليلـه ترى الهوى رمح على حارك اشقر اللي على الركاب يكسـر شليلـه ترى الهوى عزمة ركيب الى مـر عن بيت خمـع ماينشـط مقيلـه خل الشحم والسمن للربـع يكثـر مع منسف داف عليهـم تشيلـه من ضيننا والا فضيـن المتجـر عطهم ثمنهـا نقـد والا محيلـه ماهيب بنت اللي نعوله لهـا كـر اللي على متنه مدافـق صميلـه --------------------------- نوره الهوشان الرشيديه هذه القصيده المشهوره وكانت تسكن عين الصوينع ومرت على مزرعه طليقها فوقفت تنظر الى زرعه ومعاويده : ياعين هلي صافي الدمـع هليـه والى انتهى صافيه هاتي سريبـه وياعين شوفي زرع خلك وراعيه شوفي معاويـده وشوفـي قليبـه لو مرني في بالدرب ما قدر أحاكيه مصيبـة يـاوى والله مصيـبـه اللي يبينا عيـت النفـس تبغيـه واللي نبيه عجز البخت لا يجيبـه محاورة بين الفارس الشيخ عقاب بن سعدون العواجي وبين إحدى نسائهم كان لها زوج وحصل على غزو الشيخ عقاب معركة قتل فيها بعض من رجالهم وكانت هذه الفتاة تترقب الخبر وتتلهف على محبوبها عسى ان يكون سالم وتوجه السوال للشيخ عقاب : ياعقاب ياحبس الضعن بالققاء الشين ياللـي حريبـك بالهزيمـة يمـنـا عينت ذيب الخيـل يـوم الأكاويـن نور العيون غيبتـه الشمـس عنـا هـو سالـم ولا رمـوه المعـاديـن ياعقـاب خبرنـي تــراي اتمـنـا فاجابها الشيخ عقاب بهذه الأبيات يمتدحه فيها وموضحاْ ماجرى في هذه المعركة : يابنت ياللي عن حليلـك تسأليـن حنـا لنـا حـي يسالـون عـنـا خمسة عشر ليلة على الوجه مقفين نـزور شقـح بلأباهـر اتحـنـا وشفنا اهل البل شاربين الغلاويـن مـن دون وضـح للحويـر تحنـا جونـا ثمانميـه وحنـا ثمانيـن مثل المحوص الشلف منهم ومنـا وبانت رديتهـن وشفـت الردييـن وكل عرفنـا عزوتـه يـوم أكنـا ليتك اتراعـي ياعـذاب المزاييـن يـوم ان عيـدان القنـا يطعننـا منا حليلك طـاح بيـن المثاريـن في ديرة فيهـا الأوضيحـي تثنـا ومنهم جدعنا عند شوقـك ثلاثيـن كم خير مـن راس رمحـي يونـا في ساعة ٍ فيها تشيـب الغلاميـن وانطح انحور الخيل يـوم اقبلنـا ياما نقلت الدين واوفيـت اللديـن وحريبنـا فـي نومتـه ماتهـنـا ارسي لهم يابنت وانتـي تعرفيـن ليما حمام النصـر رفـرف وغنـا واردها والحـق اربـوع مخليـن بوجيـه قـوم يطلقـون الاعـنـا عادتنا نخلـي سـروج المسميـن ونروي احـدود امصقـلات اتحنـا وقلايعي من نقوة الخيل عشريـن قبـا ولافيـهـن تـبـار ودنــا ارسي كما فارس بني عبس راسين وانا زبون الحـرد حامـي وطنـا الشاعرة غزيل من قبيلة تميم من سكان القصيم تتغزل في معشوقها بلعوس : واتل قلبي علـى بلعـوس تلـة ركــاب المقفـيـن أقفى بقلبي يدوسـه دوس ياليـت ماهلـه دياحيـن اشرية لو ينشري بفلـوس لـو يزعلـون القريبيـن يفدا عشيري عرب مدهوس وعويشـه والجداعـيـن غليـم يكسـب النامـوس ويكثـر الهيـل بالصيـن الدقيس الجميليه كانت تسكن وقومها في جوار مانع بن سويط شيخ الظفير وعشقها اخاه فقام بطردها مانع هى ومن معها من قومها فقالت : يالله عسى ماتكره النفس خيره ياوالي القدره عليك التدابيـر اللي فرق بين العشير وعشيره هو له وانا ليه ولي المقاديـر وراك يامانـع تبتـن بجيـره زودن على تلطيخكم بمالعايير انا صليبيـه ولانـي نحيـره وانتم نحايركم رقاب المناعير حنا صليب ولاعلينا تحييـره عاداتنا ننزل خلاف الدواويـر مانع اذا ركب الجواد الظهيره ماله مثيل يعلم الله سوى الزير زير العراق اللي ربى بالجزيره شيخ كبير ووافي بالتشابيـر الى ان قالت : والله لا ابدل دارهم لي بديره نتبع مزون ماشيات المحادير و حين رحلت عن الظفير ارقبت في ذلك الرجم وقالت : عند الضحى عديـت رأس عنقـور اشرف على راعي العلوم الدقاقـه ياونتي ياما بصدري مـن الجـور ونـة ضعيـف ضاهدينـه رفاقـه يايااه شفي واحدن من هل الهـور هو عشقتي مـن ناقليـن التفاقـه غديت له عوق وهو صار لي ثابور والكل منا صـار شوفـه يعوقـه وسمعتها امها فرق فعذلتها بقولها: برق مصد عنك لو كان بـه نـور بالك تخيله لـو ربيعـك شفاقـه ترى الرجال ابهم تمازيح واغرور ومن قبل بخصه لا يجي لك عشاقه فردت عليها الدقيس بقولها : من لا استشارك لاتبدي له الشور ومن لايودك نور عينـك فراقـه وذهب هذا البيت مثلا مشهورا الى يومنا هذا . الجازي السبيعيه كانت يتيمه عند عمها رديني فزوجها من امير المجمعه ابن عسكر على غير رضى منه فأكلت سما وماتت وكانت قد قالت قبل موتها : لقيت بأكل السم ياعـم راحـه اخير من رجل بليتـن بلامـاه شفي سبيعـي بتالـي طياحـه اخير من قصر بن عسكر ومبناه ان مت حطوني بوسط البياحـه قبري على درب المظاهير تاطاه مويضي بنت زعيفر العتيبيه عتيبه كانت تعشق رجلا فرفضت الزواج به لأنها تعتقد انه لايرغب الزواج بغيرها ولكنها فوجئيت في اخر الأمر بنبأ زواجه من فتاة غيرها فعابت عليه عدم وفائه وأنشدت الأبيات التاليه تلومه : ياسعود يوم أنك لحق العزيـب لاوهنيـك يالمقاطـي هنـيـاه انتـه تدورلـك بكـار ذهيـب ونا ذهيبي ضايع وين ابا القـاه اعوي توالى الليل كني صويـب كني صويب يسهر الناس بعواه عيني تخايل كـل نجـم يغيـب الليل كله بس اهوجس بطريـاه قالواتطيب وقلت والله ماطيـب يافـري مولـع القلـب فريـاه يفدى وليفي كـل قـرم تعيـب وشيوخ برقا كلهم مـن فدايـاه ويفداه ابن هندي مجري الرعيب ولو كان شيخ والمراكيب تناصاه ويفداه ابن سحمان سقم الحريب اللي نطالع ظلم مع درب شلفـاه السود من عندي تنصا صحيـب اللي فهق حوضه وقدم ظمايـاه هيا بنت عيادة الحربي قالتها في مدح زوجها / مبشر بن مرزوق المزيني الحربي الذي كان له من صفات الكرم والجود الشيء الكثير رغم حالته المادية الضيقة : يامل عين ٍ حاربت سوجة الميل على عشيرٍ بالحشا شب ضـوّه عليك ياللي طبخته نصفها هيل اللي سعى بالطيب من غير قوّه المال ما طيّب عفون الرجاجيل والقل ما يقصر براع المـروّه يا عنك ما حس الرفاقة ولا قيل ذا مغثي ٍ ما ينزل حول جـوّه له عادة ٍ ينطح وجيه المقابيـل هذي فعوله بالمراجـل تفـوّه أجواد نسل جيـل ٍ ورا جيـل الطيب فيهم من قديـم ٍ وتـوّه شده بنت هملان الشمري أحبت الشاعره رجلا من بني عمها حبا شديدا حتى أثر غرامها به على صحتها فمرضت وهزل جسمها وأشرفت على الهلاك وراع أهلها ما أصابها فسألها أخوها عيد عن سبب انحطاط جسمها ومرضها الخفي فأجابته بقولها: بي المرض الخفي ياعيـد اللي على الناس يدعابـه ليا صار لك صاحب ٍ وبعيد وإلا عشيـر ٍ إيعيـا بـه أنا هوايه ماهوب رعديـد قرم ٍ على القـوم يعدابـه احدى بنات السلقا من العمارات من عنزه. وهي مجهوله .... تتغزل بحمود بن رميزان .. يـازول أبويـه هـلا ياحمـود وان جيت من أقصى العرب عاني يفداك أخويـه وابويـه العـود واللي لنـا مـن العـرب دانـي ويفداك مـن حـودروا للسـوق نجعـة هـيـازع وشمـلانـي ويفـداك مـن علـق البـارود المـطـر فــي والمضيـانـي وضحاء المشعان وهذه الشاعرة من حرب عندما تتغزل بسعود البسيس وتجعل الناس فداء له ويقال ان حبهما استمر عشرين عاماً وكان بنو عمها قد منعوها من الزواج منه تقول : يا ونتي ونة قعـود الظغينـه ليا زفة المعصير واللي يحـده لا ركبته خطو الهنوف الحزينة وقالت حلال القوم ماشي ٍ مشده ويفداه من حط العصا في يمينه ويفداه من يركب بوسق الاشده ويفداه من باب الحسا للمدينـه وماحده البحرين لقصور جـده وقد تحسفت وندمت على ذلك بان جعلت كل من ذكرت فداء له و تراجعت وقالت هذه الابيات: قاف بنيته يالنشامـى غبينـة عسر عليه بالحواضر مـرده هذا الهوى اهل الهوى عارفينة دايم على درب الرزالة يحـده ولها ايضا ياهيه انتم اهل البكار الضمر دارو عليهن يا اهل العجلات ردوا سلامي لو انتم من شمر ردوا سلامي لحامي الوندات قولو عشيرك بالحديد يسمـر ونشهد انـه مـدرك مـوات أنا اشهد انك ياسعود مقمـر تعطي هروج وتقفيـه زلات وانشدت أيضا هذه القصيده في من تحب وهو من نفس القبيله ويدعى سعودالبسيس عندما تقدم لاهلها بالزواج منها ومنعوه عيال عمها بسبب عادات التحجير ..... وتقول وضحاالمشعان لفايز الفراج الذى كان ينهاها بعدم القصيد بمعشوقها : يافايز الفراج قلـب العنـا مـاج و تبينت باقصى الضماير فجوعـه عينـي بهـا هـزم ولاج ولـواج عيني تنثـر يالسنافـي دموعـه تشبه لها غرب على جـال هـداج يوم السوانـي يالحبيـب تزوعـه أقنب كما ذيب علـى جالهـم داج اليا رفع صوته تعـاوت ضلوعـه على عشير ما مشى درب الأعواج ولا هو من اللي قاصرات بتوعـه ما حطني يا محتمي الحرد مسهاج قوله صحيح وعايـزات طبوعـه و الله ما انسى صاحبي يا بن فراج لو الشجر كلـه تصـرم جذوعـه نزيلة الشمريه من عقب ماني صايمه بس اصلي اعرضت انا من حر شي جرالـي تسعين لحية كلهـم دنـوة لـي عوجان الالسن ذبحوا هم قبالـى مافيهـم اللـي ذل والا استذلـى ولافيهم اللـى يتقـي بالجبالـى عيالنا بالشمـس ماهـم بظلـى وحريمنـا دجـن بليـا رجالـى طفله بنت مشرف الجبلي الشمري رغبت الشاعره بالزواج من أبن عمها شباط بن مرزل الجبلي ،فقالت هذه الأبيات تعبيرا عما تكنه له من محبه حيث تمكن حبه من قلبها وأصبحت لا ترى له مثيلا في البقاع التي تسكنها أو تنتقل إليها ولحبه العميق أحبت كل ما يمت إليه بصله حبك بقلبي بنـى لـه سـور كان تفهـم العلـم وتطيعـي وأمن الحسا إليا فريق اضمور معطـي بحبـك ولا بيـعـي سمي خلي مضـى لـه دور قـبـل لـيـال المرابيـعـي هنالك شاعره شمريه لم استطع معرفة اسمها قد عشقت الفارس والشيخ حمود الحميداني عشقا بريئا عفيفا فقالت : الهجن غادن لهن جضّه يتلن حمود الحميدانـي ياشوق غضروفه غضه ماهرجت كـل ديقانـي وقالت بعد ان رحلوا عنهم ياحلو مقطانكم يامطير مير البلا كان شديتـوا مطير يامشبعين الطير في سهلة وان تناخيتوا فأتهمها قومها بريبه وقال شاعرهم يابنت عدك عليـه ورود عطن عليـه الحميدانـي روى صراته غضي العود واقفى عن العد رويانـي غضبت وقالت شمر عسى حضكم مقرود والله وبالله مـاجـانـي عساه يلحاكم بن سعـود بسيوف بيدين غلمانـي وبعد مده جائها خاطب فقالت لأمها يايوم (يا أمي) ماريد كود حمود اللـي ذبحنـي وانـا حـيـه يفداه ابويـه واخـوي سعـود واللـي بعـد مـن دوانـيـه ويفـداه مـن ينقـل البـارود واللـي تحـيـزم بشبـريـه ويفـداه مـن يجـذب البالـود واللي وقف لـه علـى الطيـه --------------------- كنه الرماليه بعدان عاد الغزو ولاكن لم ترى زوجها عبدالله؟ يهـل الركايـب ويـن عبـدالله لاو الله اللي غدا بالكون رجالـي يبطي عليه الصحن والنجر والدله وتبكيه رملا عجوز مالها والـي وتبكيه حمرا نهار الكون منتلـه يوم اشهب الملح غاد ٍ له تزلزالي ياقلب اصبر على ماجا مـن الله كم واحد لاعته بقعا وهو غالـي وقالت ايضا : باقي العرب موتهم تخفيف مار البلا مـوت عبـدالله مرحوم يا مهلي بالضيف يامكثـر الهيـل بالدلـه إذا مسك زينة التوصيـف الدم من مضربـه شلـه ياما صفقهن ووردن عيف وياما حمـى كـل منتلـه هيـا الحربيه هيّـابنت عياده الرشق من بني سالم من حرب متزوجة من رجل فقيروفي يوم تخاصم مع والدها وأخذها من زوجها دون رضاها وفي احدالأيام قالت هذه الأبيات فسمعها والدها فأعادها لزوجها يا مل عين ما اهتنت نومة الليل على عشير ٍبالحشا شب ضـوه عليك ياللي طبخته نصها هيـل اللي سعى بالطيب من غير قوه المال ماطيّب عفون الرجاجيـل والقل مانقص بـراع المـروه رجال ماحس الرفاقـه ولاقيـل ذا موذي ٍمايانّزل حـول جـوه وله عادة ٍينطح وجيه المقابيـل هذي فعولـه بالمراجـل تفـوه أجواد نسل أجواد جيل وراءجيل الطيب فيهم من قديـم ٍ وتـوه في مساجلاة شعرية بين ( مويضي ) وأختها ( بنا ) تمدح زوجها وتنتقص زوج اختها مويضي : شوقي غلب شوقك على هبة الريح ومحصل فخر الكـرم والشجاعـه ركاب شوقي كل يـوم مشاويـح واذا لفى صكوا عليـه الجماعـه ياالبيض شومن للرجال المفالـح لا تقربن راعي الردى والدناعـه فأجابتها اختها مويضي تقول : ماهو بخافينـي رجـال الشجاعـه ودي بهم بس المنتاعيـر صلفيـن أريـد منـدس بوسـط الجمـاعـه يرعى غنمهـم والبهـم والبعاريـن واذا نزرتـه راح قلبـه رعـاعـه يقول : ياهافي الحشا ويش تبغيـن وأن قلت له : هات الحطب قال طاعه وعجل يجي بالقدر هو والمواعيـن لو اضربـه مشتـدة ٍ فـي كراعـه ماهو بشاكـي ولا النـاس داريـن جوزة و سمرا .. بنات محمد القنيني حوار جرى بين شقيقتين من أهل بادية بني عبدالله المهد ثم إنتقلن للسكن في مدينة جدة .. وجاش حنين البادية في" جوزة " فتمثلت قائلة الأبيات التالية : يا بوي واوجدي على الصبح مطلاع وجد الطوايا أللي على الما حيامـي داجن و راجن ثم راحن مع القـاع ما قدمهن غير الدرك و المظامـي فأجابتها سمرا : يا بنت حطي فوق شاهيك نعنـاع كبي البداوة و البلـش و الزيامـي ترى البداوة ما تجي لك بالأسنـاع عسرة ولا تبني لأهلهـا سنامـي رحتي تجيبين الحطب و البهم ضاع واليا الحمير إمـلاوذة بالظلامـي وإليا رجعتي للعرب عقب مفـزاع وأليا ضيوفك مشتهيـن الطعامـي موضي العبيدي قصة موضي العبيدي شاعرة الكويت التي عاشت في النصف الثاني من القرن الماضي والنصف الاول من القرن الحالي في زمن الشيخ مبارك الكبير وحياة هذه الشاعره في حزن وبؤس دائم بسبب فقدانها لأبنيها، أحدهم أخذه البحر منها والثاني تكفلت به الصحراء.ابنها الأكبر عبدالعزيز فقد في رحلة الغوص حين غرق في قاع البحر أثناء بحثه عن اللؤلؤ ويوم رجوع السفن للكويت كانت تنتظر على الشاطئ حالها كحال كل اهالي الكويت لأستقبال البحاره تنتظر ابنها ولم يطل الانتظار فقد رأت النوخذه يوسف الفهد وعندما جاءت تسأله حتى بادرها أحد البحارة بالخبر المحزن وقالت ترثي ابنها بهذي الأبيات : يابو سعد عزي لمن ضاعت أرياه قلبه حزين ودمع عينـه يهلـي يسهر طوال الليل والنوم ماجـاه في مرقـده كنـه بنـاره يملـي على وليف عذب الحـال فرقـاه الطيـب اللـي للرفاقـه يهلـي مدري درادير أزرق المـوج ودّاه والا كلاه الحـوت ياكبـر غلـي ياليتنـي دميـت بالهيـر ويـاه موج البحر فوقي وفوقـه يزلـي الله يسود وجه يوسف وجـزواه ماذكر دمعي وسط حوشه يهلـي جتني هدومه بعد عينه مطـواه لاوفق الله محمـل جابهـن لـي ليته ورا سيلان والهنـد مربـاه وأرجي يجيبه لي شراع معلـي البندق اللي عندنـا لـه مخبـاه نقّالهـا عقبـه عينـه يـولـي وصلاة ربي عد ماحـل طريـاه وأعداد ماسار القلـم بالسجلـي وبعد مرورخمس سنوات على فقدان ابنها الاول كان ابنها الثاني مع الشيخ مبارك في حرب الصريف وكانت تنتظر رجوع الأبن لكن قرينيس الرشيدى احد رجال الشيخ مبارك كان اول العائدين ونقل لها خبر مقتل الأبن واشتعلت النار مره ثانية ورثته بهذي القصيدة : قلت آه من علم ٍ لفا بـه قرينيـس ياليـت منهـو ميـت مـا درابـه علم لفا به مرس القلـب تمريـس والنار عجت في الضمير التهابـه والنوم له عن موقع عيني حراريس والحنظـل الممـزوج زاد بشرابـه علي الذي قفا علي ضمر العيـس واليوم ما أدري وين حد لفـا بـه نصيت بيته قلـت لـه ياقرينيـس وين الحبيب وقـال ماعلمنـا بـه اقفى مع البيرق بحرب السناعيـس وان سلمـه رب المخاليـق جابـه رديت من كثر البكاء والهواجيـس دمعي كما وبل نشاء مـن سحابـه يـاالله يافكـاك حبـل المحابيـس تفـك لـي محمـد مـن صوابـه بجاه محمـد ويعقـوب وادريـس عسى طلبتي عنـد ربـي مجابـه واعداد ماهبت هبـوب النسانيـس على النبي صليت هو والصحابـه مرسا العطاوية وتقول الشاعرة عندما تزوجت برجل من الحاضرة وفقدت نسيم الصحراء العليل وبيوت الشعر ومساريح الأبل وشاهدت يوماً من الأيام أهل ركايب مروا بها في طريقهم إلى البادية لاوهنيك بالهنا يابـو مـرداس مالوّعوك مدرهميـن المطيـه القلب كنه يشرعونه بالأمواس من طين حضرٍ حوطوا به عليه لاوهني من نط مزبور الأطعاس ومتع نظر عينه بنجد العذيـه ولها ايضا : ياجرقلبي جر غـرب علـى بيـر على ثـلاث ابكـار فيهـن زرقـا ساعة يصبنه الـى هـن محاديـر تحرفـن ابسـرع والغـرب يرقـا ويالجتي لجت ثلاث علـى ضيـر اكبودهن من حر الاخـلاج حرقـا على ولدهن باختـلاف المقاهيـر لاعشو الروقه على سـرح برقـا عليك يامطلق صخاف المعاشيـر يوم المناسر تالـي الليـل شرقـا الى شبت النيران مثـل الفنانيـر يضوي عليهن يدرق البيت درقـا هرجه على كبدي حليب المصاغير وهرج العرب غيره على الكبد عرقا حجت الشاعرة مرسا وسمعت بائع اللبن بمكة ينادي بأعلى صوته ( لبن لبن ) وعلمت أنه يبيعه للناس فاستغربت أن يباع اللبن لأنها لم تعرف أنه يباع بل يعطى للطارق بلا ثمن لذلك سموا الإبل بعطايا الله فيعطون من لبنها لخلق الله ممن مر عليهم في بلادهم فقالت : ياللي تنادي باللبن مـا لنـا فيـه عان اللبن في سد عبلـة مـلاوي خشم الينوفي والحور بـارك فيـه مـرب خلفـات عليهـا العطـاوي ومبهل وأبا الحيران كان أنت غاويه مرتاع بـدو مـا تلاهـم شـواوي ووادي الجرير إلى حدر من علاويه وخشم الذنيبه والجذيب متسـاوي ترى الدعيكـه والحفايـر حراويـه مربـاع خلفـات تـرب المطـاوي تلقا مصلحة الدبـش كلهـم فيـه بالرجـع اللـي يذبحـن الهـواوي وربعي ليا جاهـا المجنـي تلفيـه ريف الضيوف مزبنيـن الجـلاوي كل جواده مع نحـي الـذود تتليـه علط الرقـاب معربـات العـلاوي قمراالمرهوصه الدعجانيه يقول المرهوصة الأستاذ عبدالله بن رداس أن لها جولات في الشعر إلا أنه للأسف الشديد لم يصلنا من شعرها سوى النذر اليسير إذا قيس بكثرة شعرها هذا وإن صحت المقارنه فلا نجد لها مثيلاً من شاعرات العرب بالعصور السابقة سوى الخنساء أو الأخيليه ولذلك لا يستغرب أن يوجد لها مقطوعات شعريه رائعه أو مساجلات مع فحول الشعراء لقوة بديهتها وسلاسة عباراتها. كانت الشاعرة تسكن مع جماعتها الدعاجين شرق المذنب وكانوا مجاورين للفارس عبدالله الغميزي ( الغميز : من آل قويفل من بني العنبر من تميم وقد عرف رجالهم بالشجاعة والكرم ) وقد جرى بينها وبين الغميزي قصة غرام شريفه , قالت فيها قصائد غزلية رائعه , منها : ياونتٍ ماسمعهـا النـاس وأهلـي ماسمعها غير الولـي يـوم ونيـت على عشيرٍ يـوم مـد القـدح لـي بكا وقال إني على الهجـن شديـت قفا ودمعـي فـوق خـدي يهلـي ماحدٍ يعوض عنه بالحـي والميـت من عقبه امشي مل مشي الدبح لي وزرت رجولـي لاتودينـي البيـت وزرا لساني عن محاكيـك يسلـي وزرت عيوني عن مراعاك واغضيت وقالت ايضاً : الفدغمي عني هل الجيـش ودوه أقفا ودمعي فوق خـدي سفايـح عليه وجدي وجد شالح على أخوه يزعج عليه من البكـا والنوايـح حطوه في قبرٍ وحيـشٍ وخلـوه تحت الثرا ركزت عليه الصفايـح أو وجد من ربعه على الجال حدوه أونس من الربع القريبين جايـح خلي بعيـد والمداويـر ماجـوه عسا على داره تهـل المراويـح تسقي تراب اللي على الطيب ربوه أهل المـروه كاسبيـن المدايـح وقد شغف قلبها بحب الفارس عبدالله الغميز كما أنه بادلها بالمثل وربما كانت أكثر غراماً به وقد أخفت حبها في بداية الأمر على الرغم من الود المتبادل وقد قالت فيه قصائد وجدانية عديده سأورد منها مقطوعات جيدة , وقد طالت مدة العاشقين ولم يزل غرامهما ينمو ويزداد حتى تزوجها وأنجبت منه رجالاً ذاع صيتهم فيما بعد وكثيراً مانجد لبنات البادية قصائد غزلية تتصف بالعفاف وسلامة الطوية في حب شريف وغزلٍ عذري بريء لايمس كرامة ولايخدش عرض. منها : البارحة جفني سرا الليل مابات سهرت لين النجـوم احدبنـي عقب الذي ودنه الصيعريـات متى علينـا ياهلـي ينكفنـي ولها: وجدي على شوف زبون المقاصير وجد المريض اللي علاجه تعصـا راع الـدلال المتعبـات المباهيـر ريف الضيوف اللي لبيته تنصـا ولها : ياطير سلملي على متعب النيـب طلق الحجاج اللي يحفظ الوداعه اللي ضيوفه وسط بيته محاضيب مارافق إلا كاسبيـن الشجاعـه ولها: يامن لقلبٍ كل ماجيـت اداريـه ويليه من بين الضماير يزوعـي زوعة خفوق الطير لاعاف راعيه وعانق غرانيق غدن له اولوعي ولـن مسباقـه جديـد مسويـه تله وراح السبق بيده امزوعـي ولها : يامرحبا فـي طـارشٍ سـاع ملفـا ترحيباً أحلى من لبـن حـم الأوراك ابكار يرعاً من زهـر نبـت حلفـا يرعن من الحلفا ويرعن من الـراك ودي عليك اشكي الجفا عقب ولفـا من غيرك اشكيله الى أونست عجفاك ولها هذه القصيدة تخاطب ابن عمها : إن كان قلبك بايـنٍ بـه رقومـي امسح على القصة وتبرا مكاويـه وانظر لردف مل شـط الردومـي وثليل اشقر فوق الأمتان كاسيـه مرخوص مني في جميع العلومي الا الجسد واللمس خلـه لراعيـه خله لمن ينطـح كبيـر الزومـي اللي يعرف الحق والفرض يديـه وإما أنت عندي غالياً ومحشومي وادرا حساب الرب عن شن اسويه ولها هذه القصيده التاليه : ياقلب ياللي كل ماقلت له أنا هاد عاده بلاه اللي من العام يقزيـه يالعين وان زاد العنا والسهر كاد اللي بقا من تالي الدمع هاتيـه على عشيرٍ شاف طلعه بالأبعـاد لاهوب زيراني وأنا مقدر أرجيه ياليت ساعة بالنظر يمنـا عـاد أبادل الأفكار بالـراي وأعطيـه صحيح ماقالوا قديمين الأجـواد كلٍ يدافع دون عرضه وعانيـه لعل عنوانه على روس الأشهاد ومن موقف الحقران ربي ينجيه ياونتي ونـة خفـا كونهـا زاد ماظن تبرا من فـؤادي مكاويـه رضيت في نفعه على كيف ماراد لاشك حظـه قاصـراتٍ مداليـه حظه ربوضٍ يوم كاسبات الأفواد طير السعد عيا نصيبه يباريـه من لايزيده رازق الناس مـازاد عيا يوافقني عسـا الله يدنيـه ولها هذه القصيدة التي اشتهرت بينالأوساط الشعبيه وقد سببت للشاعرة قصة ظريفه مع امير الجبل رحمهم الله جميعاً يامل قلب ٍمن هـوى زيـد مطـروق طـرق الحديـد ملـيـن بالضـويـا أمسيت قلبي في وأصبحـت مسـروق وثـورت فـي قلبـي عميـلٍ وعيـا يفدا عشيـري كـل برقـا مـع روق واللـي بعيـد الـدار واللـي هنـيـا ويفداه من يمشي على الأرض من فوق واللـي يشوفـون القمـر والثـريـا ويفداه حضرٍ لجـو العصـر بالسـوق وابن رشيد اللي علـى الحكـم عيـا وقالوا لابن رشيد : سبتك اذبحها !! قال : ماسبتنى مدحتنى!! * زيد وثلاب وغيرها من الأسماء المستعاره التي يستعملها الشعراء والشاعرات خصوصاً لإخفاء الأسم الحقيقي , يقول المطوع السعيدان الليلة الجمعة وباكر ضحا العيد عيد علـى لاب جعلـه يعـودي جعله يعود بغير شر على زيـد وجعله عليه من الليال السعودي كل يساير صاحبه في ضحا العيد وانا على غض الصبايا وجودي قرينيه بنت فاضل وهنا الشاعره تتوجد على حبيبها في الاسر: فريّت واشورف الضلعان فرّيت من بين خلق الله انشد عن الارجح الدّيقان هو حـيّ والا نهـج لله اللوم كلّه على دغيمـان وحمود ومدغم وعبدالله خلّوه في ديرة الشجعان بنحور ربع لهـم غلّـه قرينيه بنت فاضل متى عل الله يهبّ الهيـف يومي بعشـب الزماليقـي اذا نزلنا ليالـي الصيـف يملا النظر شوف عشّيقـي لو يذبحوني هلي بالسيـف حلفت لاسقيه مـن ريقـي على النقا مبسمي ماشيـف مافتّشـوه العشاشيـقـي قلته على المزح والتوصيف تفضاة بال عـن الضيقـي وشاعره اخرى تقول في رجل عشقته: ماتهارجن كود بعيونـك اهرج وهرجك على بالي ان كان اهيلك يعذلونـك انا ترى السيف يحنى لي ياليت من جوّد ردونـك من قبل قصاف الاجالـى مريفه السليطيه ايضا تتغزل: ياهذب ودّعني ترى الموت جاني من مبسم كن العسل بين اشافيه انا ذبحني واحـد مـن ادانـي العفو كيف الخال يذبح بناخيـه عشيبه بنت دغيم السليطيه تصرخ قائلة: واخانة القلـب ياعمّـي عن لذة النـوم قزانـي ياعيد لو نقّعـوا دمـي مانساك كود انت تنساني وضحا بنت السلات تتغزل : لولا الحيا ياناس لالحف ذلوله الحف ذلوله عن ذواري الهبايب من بعد سجّ البيد جات معلوله لكنهـا مسقـاة السّـم رايـب زوله جميل وغير زوله فعولـه لاحلّ باطراف السرايا نهايـب
الشاعره ذكر بنت شويحط الشمريه قصيدة في ابنها دهش تأخر وطال غيابه في سفره وصارت تتحسس اخباره من المارين المسافرين : نطيـت انـا راس ملمومـه وادمـوع عينـي ذواريفـي ارقب على اللي ورى الحومه اقفـا ولا مـن مصاريفـي قمت اتنشد عـن اعلومـه راع البكـار المواجيـفـي والنجر عقبه علـى نومـه هـو والـدلال المهاديفـي وايضاً لها توجد على ابنها دهش عندما طول غيابه : لايادهش علمي بكم بالضحيه واليوم هذا التوم بيـن هلالـه ودموع عيني سيلن الشغيـه مثل صبيب السحب سود خياله البارحة عيني عن النوم عيـه حتى ضحى اليوم مما جرالـه عقلا وربعه لارمتهـم بسيـه حين اركبوني يوم طول محاله هو راعي اللزمه وراع الحميه امزبن المضيوم واللي عنالـه حصة المحمد الفوزان وتنتمي الى قبيلة عتيبة نشأت في قرية الخضيرا القريبة من بريدة لها قصيدة مشهورة عبرت فيها عن معاناتها من سفر ابنها مع العقيلات تقوله فيها. يامحمد روحت في الزمـل ملحـاق وبعـدت عنـا يـا ظنينـة فـؤادي من اول ترجـي تجينـا مـن اوراق واحسـب الأيـام عـدد عــدادى لولا الحيا صبيت صوتي بالأشـواق اكالمـك واصيـح ثــم انــادي طلبت انا من المسبور سماك الاطباق حيـثـه رب وفــوق العـبـادى يلطف بحالي اللي ضعيف ومشتـاق ويطير من قيلـه سـواة الجـرادى بقـر عينـي بـك ولابيـك تنعـاق عسـاي اشوفـك لافـي بالبـلادى زينب المحمد ولدت في الرس واشتهرت بكنية والدها "مخراق" أي شديد الكرم فكان يطلق عليها مخراقة.. وهي تفتخر بهذا اللقب فتقول: ان قيل مخراقـة فلابـه معيـره عمهوجة تزهي جديد المياديـج الى اقبلت مع ناسمات الجديلـة ماهيب من خثل البطون الجوابيج برعت زينب في قول الشعر وكانت غزيرة الانتاج إلا ان معظم شعرها ضاع لأنه لم يدون. لها قدرة على تصوير احاسيس المرأة في مواقف حياتها المختلفة وحين تزوج زوجها عليها قالت: سيرت ابنشـد سالـم كيـف ودي الطارش اللي غايب لـه زمانيـن قال إن شوفك عن علومك يصـدي من يمكم ماهوب طلق الحجاجيـن تـزوج لـه وحـدة لـه يكـدي وانتي يبيك الى رسـة المعاطيـن تهت الطريق وجيت انا سوق سدي غديت ما اميز طريقي من البيـن ------------------------------------ وسلامتكم الجميع - |
29-11-2010, 10:06 PM | #104 | |
متداول نشيط
تاريخ التسجيل: Nov 2010
المشاركات: 769
|
اقتباس:
روووووووووووووووعه |
|
30-11-2010, 03:09 PM | #105 |
متداول نشيط
تاريخ التسجيل: Feb 2008
المشاركات: 873
|
السلام عليكم ورحمة الله
ارجو ان تكونو بالف خير طرح شامخ ونقل مميز واتمنى ان يسعفني الوقت لمتابعته ولكن لظروف المنزل عدم القدره على المتابعه طرح الشاعرات ممتاز جدا ولي عوده اما القصيده اللتي اعجبتني فقد تم نسخها من قبل الاخ سحابة خير وفعلا روووووعه اسمح لي ان اضيف هذه الابيات لشاعره قديمه لم يتسنى لنا تسجيل شعرها ولكن اورثته لنا وهي قصيده بولدها حينما كان يدرس بامريكا ولم تكن هناك التقنيه الحديثه من اتصالات وغيرها وتنتظر خطاباته وتبحث هنا وهناك لتتبع اخباره ممن كانو معه عن طريق اهلهم وحينما تاخر عليها المرسال انشدت هذه الابيات تسندها لاخوه عبدالله عبدالله هات البوك دن الدواتي ----هات القلم واكتب احروف(ن) بتسطير اكتب لخيك واخبره ياشفاتي ---- قله ترى امك طول ليله بتفكير الى ان قالت واحر كبدي مثل حر الشواتي --حر الشوات اللي تقلب على كير حب الضنى ياناس حطم حياتي --- محدن يلومن بالضنى كود خنزير ارجو المعذره لا اعلم منها سوى هذه الابيات وارجو ان تعجبكم الف شكر اخ شامخ ولكثرة الطرح لا يسعني متابعتها ارجو المعذره لان الوقت لا يسعفني |
30-11-2010, 05:50 PM | #106 | |
فريق المتابعة اليومية
تاريخ التسجيل: Sep 2010
المشاركات: 6,277
|
اقتباس:
وعليكم السلا م ورحمه الله وبر كا ته
أخت ماجده منوره المتصفح بوجودك مشكوره على الا ضا فات الجميله وأكد لك أنني قرأت هذه القصيده قبل فتره طويله كانت من ضمن كتاب يسمى المتشا بهات من القصائد مؤلفه فهد العريفي وقام بجمع تلك القصائد من كبار السن حينما كان الرواه يخلطون بين القصائد المتشا بهه وكان الكتا ب بحوزتي وأخذه صديق مني ولم يعيده وطلبته كم مره منه وقال لي أنه فقده المؤلف فهد العريفي من مدينة حائل الغاليه لك كل الشكر والتقدير على المرورالغالي أحترامي |
|
30-11-2010, 05:53 PM | #107 |
فريق المتابعة اليومية
تاريخ التسجيل: Sep 2010
المشاركات: 6,277
|
البعد يجرح وانا ماكان فـي وسعـي الاانـي اقـول لاتبطـي وتنسـانـي ان غبت عني نظر لاتغيب عن سمعي ماتدري اني بدونك شخص وحدانـي الله لوشفتني وش كـان وش وضعـي غريب ماله مع اهل الارض عنوانـي اخاف كل الوجيه وصرت عن ربعي اخاف تذكر واجيـب العيـد بلسانـي لاوالله الا عرفـت الليـل ياشمـعـي ضوالمدينـه بعينـي عقبكـم هانـي يامهاجره حلقـي بالقلـب وارتفعـي يصيرقلبـي بقربـك عالـمٍ ثـانـي العيـن ماهـودت لوينتهـي دمعـي يزداد فيها الامل والوقـت يعصانـي البارحه ضاع فردي في رجا جمعـي وضيعت كل الفرص واخترت حرماني يابنت كان العقـول بفكرهـا رجعـي انا دليلـي شعـور وحـس وجدانـي مادام قلبـك يبيلـه حاكـمٍ شرعـي سلمني العرش قبل المـوت ياطانـي اسمع حمام البيوت اللي بـدى يلعـي حزين في غيبتـك مانـام سهرانـي ارجوك كانه حقيقه والسفـر قطعـي خليه يصبر دقا يق بس مـن شانـي بحط عيني بعينـه واندهـه وادعـي خذني مع القلب لاتترك جسـد فانـي تدرين دامه فراقك كان فـي وسعـي اودعـك قبـل ماترحـل وتنسـانـي |
30-11-2010, 05:54 PM | #108 |
فريق المتابعة اليومية
تاريخ التسجيل: Sep 2010
المشاركات: 6,277
|
الثغر يخفي شـي تفضحـه عينـك
وشوقن تمرد بين الاحـداق مقـري تعبت انا اسال ورد الاشواق وينـك وتعبت اشب الشمع باعماق صـدري مالي سوى ذكـرا مصافـح يدينـك وطيفن يجي ويروح واقـول بـدري حتى خيالك صـار يقصـر يمينـك لاجيت اضمه في يد الوصل يسـري ليـه المفـارق بـس بينـي وبينـك وليه الوله ريحه عصف وسط حجري اطعـن علاقتنـا واقبـل جبيـنـك ماعاد لك صوتن عن البعـد يـذري لـو قالـوا العالـم نهايـة حنينـك وقالـو يحبـك قلـت والله مــدري هذا الشعور اللي اختفـى بجمرتينـك ماشعرتني بحبك ولا اطلقت اسـري اطعن ولايـردك سـوى خنجرينـك زدني وجع دامك تماكنـت عمـري ودي تكمـل موتـتـي بطعنتيـنـك وان مت امانه لاتجي صوب قبـري خلك مـع اللـي شوهـو ياسمينـك ماعاد بك شين على الوصل يغـريِِ |
30-11-2010, 05:56 PM | #109 |
فريق المتابعة اليومية
تاريخ التسجيل: Sep 2010
المشاركات: 6,277
|
على حد السكوت الي جرح خد الكلام وذاب
وقفت اودع البسمه ابقتلهـا علـى شفاتـي سعيت ادور الفرحـه وادور للهنـا اسبـاب تعبت وتاهت ادروب السعاده فـي مساحاتـي طويت الحزن بيديني وفصلتـه علـي ثيـاب تقول ان الحزن فيني شقا مخلـوق فـي ذاتـي عشقت الليل لاطبق على عين النهار اهـداب وغنت بـه نجومـن فـي سمـاه تردد آهاتـي قصيدٍ من الأسى سطرعلى لوح الزمان كتاب حروفـن حبرهـا دم الوريد وسيـل دمعاتـي على غدر الزمان الي وقف مع صدمة الأحباب خساره كل ماسامـح خطـاك تزيد صدماتـي الاياحظي المقفي ترى عنـدي عليـك اعتـاب قبل لا تبتعد عنـي تعـال وشيـل شرهاتـي تصد بضحكتك عني وانا الي ماحسبت احساب عوافي كانها هانـت عليـك اليـوم عبراتـي اشيلك هم في صدري ولا افتح للعواذل باب اشفر موجـة الونـة ولـو تكبـر معانـاتـي صحيح ان الغلا فاضح صحيح ان الهوى غلاب ولكنـي امـوت ولايهـز الـذل رايـاتـي تلوم الناس ماتدري واناالي بالجفـا منصـاب ادوس الجمره برجلي وابيـن دوم ضحكاتـي الاياهمن بصدري ترعرع بالخفـوق وشـاب مادام انك على قيد الحيـاة تعآل اكتـب نهاياتـي |
30-11-2010, 05:57 PM | #110 |
فريق المتابعة اليومية
تاريخ التسجيل: Sep 2010
المشاركات: 6,277
|
على كثر العيون اللي ضحكت لي ما بكت لي عين... بكيت ولا لقيت لدمعتي عين تواسيني
غرقت ولا لقيت لصرختي من هو يمد أيدين.. تصوبني سهوم الموت مره وألف تخطيني أنا وحظي رجعنا وكل منا خالي الكفين... على كيف الدهر من وين مايمشيني يوديني ذبحني جرحي اللي ثار بي وأدمى من الصوبين.. بلاني وين أولي به لعب في حسبت سنيني خطاي إني وفيت ولا عرفت ألعب على الحبلين.. خطاي إني إذا حبيت أحب بكل مافيني نعم باقي من عيوني لعيونك ألف دين ودين... لو أجمعها جروح الناس قلبي ماتكفيني أبد ما أتبعه كذاب والله وصاحب البالين... وش اللي أذكره بالخير منك لجل تهديني أنا ادري ربي ماخلقني أتبع المقفين... وربي لو رجعت بكلمتي لأقطع شراييني |
مواقع النشر (المفضلة) |
|
|