فرصه ذهبيه للبيع ثلاث مراكز صيانة سيارات بالخرج مربح جدا ....

[مفلح]

السلام عليكم ورحمة الله وبركاته
عندي ثلاث مراكز صيانة سيارات بالخرج بالصناعية الجديده للبيع لاني اريد تغيير النشاط
الاولى ايجارها 50400 ريال على الشارع العام الرئيسي علما ان المراكز التي بجانبها
ايجاراتها من 5000 الى 7000 الاف ريال مساحتها حوالي 450 متر
نشاطها ميكانيكا وميزان ومخرطة هوبات وعليها زحمه لانها على الشارع العام
انا سمح والعمال يحولون لي الايجار قبل
الشهر ما يكمل وانا قانوني اللهم ارزقني وارزق مني .....
الصراحه اللي مخليني ما ارفع الايجار لان التحويل شهريا يكون بحسابي
من اربع سنوات لم ارفع الايجار عليهم
علما ان العمال ليس على كفالتي وانا مؤجر الورشه على رجل من اهل الخرج وانا بالرياض

الثانيه مؤجره 38000 الف ريال بالسنه والتي بجانبها حوالي 45000 الف قريبه من الشارع العام
والمركز زحمة طول العام ومقسمها الى ميكانيكا وسمكره وميزان ويوجد بها
محل كهربائي على الشارع 4 في 4 ما ادري كم المستأجر مؤجره ولاكن عليه زحمه الله يرزقه
ومساحتها 580 متر
الثالثه مؤجرها ب 30000 الف فقط .
والدفع شهري 2500 ومحل الكهربائي مؤجره ب 500 ريال شهريا
المجموع 36000 الف
والله عارف انه مضحوك علي ولاكن السماحه
زينه نشاطها ميكانيكا وسمكره وميزان ومحل الكهربائي كنت مؤجره على فلبيني شايب مسلم ب500 ريال بالشهر فقط والحين مسافر يرجع بأذن الله لانه حبوووووب اسمه وليد الجميع يعرفه
بالصلاه والامانه الورشه كلها شغاله وزحمة طول العام ولله الحمد
مساحتها 645 عرضها 15متر وطولها 43 متر كبيره مررررره يقولي مدير الورشه نريد قسم مخرطه تكسب ذهب
لان الصناعيه تحتاج مخرطه وقسم هيدروليك لاكن انا موظف
ولاني فاضي لها راضي بالمقسوم

للعلم :
كل مركز من المراكز اللي املكها فيه مطبخ وثلاث غرف نوم كبيره للعمال ودورة مياه وخزان ماء
وبيارة للصرف الصحي اكرمكم الله .

ملاحظه مهمه "
الصناعية تملكها البلدية ومؤجره ارضها على شركة خططتها واجرتها علينا وبنينا الورش على حسابنا
مقابل ايجار 16 ريال للمتر لمدة 20 سنه راح منها تقريبا
6 سنوات وباقي 14 سنة ندفع ايجار رمزي للشركة بدون رفع الايجار علينا حتى
اكمالها وبعد ذلك تعود الملكيه للبلديه ومثل ماهو معمول في باقي المحافظات يكون
المتر تقريبا بريال بعد نهاية العقد لانها املاك دوله ومن يشتريها يدفع ايجار رمزي فقط
وايجارات الورشات ال 3 عندي كلها بمبلغ (( 124400 )) الف ريال
ويخصم منه مبلغ 27300 ريال سنوي للشركه التي خططت الارض يدفع بتاريخ 6/1 من كل سنه
يبقى لي ( 97100) سبع وتسعون الف ومائة ريال
هذا دخلها السنوي الصفاااااااافي
علما اني عارف ان المفروض يكون فوق المائة والعشرين الف

انا كتبت بالارقام حتى يعرف من يريد الشراء كل صغيره وكبيره

اليوم هذا انا عندي فكره تجاريه ما ادري تنجح والا تفشل العلم عند الله ولاكن تحتاج مني راس مال وانا متعلق بالاسهم من ايام طيحتنا الاولى وفكرت اني ابيع الورشات على شان المشروع الجديد
مع اني ولله الحمد المشروع هذا ناجح وكل مره الاسعار تزود والسيارات تكثر مع تكاثر الناس
واسعارالسيارات اصبحت غاليه جدا والقليل يقدر يشتري الجديد والقديم يحتاج صيانه بأستمرار
وكل من عنده ولد خلص الثانويه لا بد من سياره
سوى للوظيفه او للجامعة والخرج مدينه كبيره وتتوسع بأستمرار وفيها كثافة سكانيه كبيره جدا
والصناعية مرتبه ومخططه على احسن تخطيط ومستقبلها مشرق بأذن الله
ولاكن فكرة المشروع اللي براسي جعلتني افكر في البيع واي سؤال عن الصناعية او الورشات
انا حاضر الشراء مني شخصيا مباشره بدون وسطاء والله يوفق الجميع ويرزقهم من واسع فضله

للامانه :
شغل صيانة السيارات مربح بشكل مستمر وطول العام سوقها ماشي والخساره فيها معدومه بأذن الله
ومن يستقدم عمال فلبينيين ويحضر جهاز فحص كمبيوتر للموديلات الحديثه ومخرطه يكسب ذهب
لو اقولك ان المربح اليومي اكثر من الف ريال ممكن ما احد يصدق
خصوصا بالخرج سوى اشتروا مني او من غيري
الارزاق بيد الكريم .
المهم النيه الطيبه ومراقبة الله سبحانه

من له رغبه بالشرا المراسله على الخاص
او يطلب رقمي ارسله له او اكتبه هنا .
او اعطيه رقم المركز لان جميع المراكز تحمل ارقام على اللوحات بجانب الاسم
وشوارعها مرقمه ومرصوفه ومنظمه ....


شكرا لكم .....