افضل طريقه للمتاجره في الاسهم بدون خسائر بإذن الله (طريقتي الخاصه - التجميع)

[ib2003]

بارك الله فيك ، والله يقويك ، والله يعطيك الصحة والعافية
أخوك ابومحمد

[شاهي منعنع]

بارك الله فيك وجزاك الله فيك

كلام جميل ومفيد

[الشريفxp]

المشاركة الأصلية كتبت بواسطة ib2003

بارك الله فيك ، والله يقويك ، والله يعطيك الصحة والعافية
أخوك ابومحمد

وياك يالغالي
وحياك الله ابو محمد

[الشريفxp]

انصح الجميع بقراءة كتاب المستثمر الذكي لبنيامسن جراهام وهو اول كتاب قرأه اكبر مستثمر في العالم وورن بافيت وبعدها التحق بنفس الجامعه اللي يدرس فيها امؤلف الكتاب بنيامين جراهام ودرس ادارة اعمال على يده الكتاب مترجم للعربيه في مكتبة جرير.
*ايضا كتاب القواعد الخمس من أجل استثمار ناجح في الاسهم المؤلف شركة مورنينج ستار المتخصصه في ادارة الاموال والمحافظ .
*كتاب دليلك للتوقيت المناسب في سوق الاسهم لكولين الكسندر.
وهناك كتب كثيره مفيده في الاسهم وانصح المبتدئين بقراءة سلسلة كتب الاستثمار التدريبيه في الاسهم لشركة مورنينج ستار من اول كتاب اسمه (كيف تدخل عالم سوق الاسهم) والثاني (كيف تختار الاسهم الرابحه ) بصراحه هذول الكتابين من المفترض الكل يقراها لان فيها جميع الاسئله الي تدور بعقل المبتدأ وربما الخبير

[ظاهر]

جزاك الله خير ورحم الله والديك

[ام الغالي2008]

الاخ الفاضل / ابو تركي

كل الشكر لكـ على هذا الموضوع

الله يعطيكـ العافيه يارب

وتقبل خالص تقديري لجهدك المميز

[الشريفxp]

المشاركة الأصلية كتبت بواسطة ظاهر

جزاك الله خير ورحم الله والديك

وياك الخير اخوي
الله يرحم والدينك ويجمعكم في جنات الفردوس

[الشريفxp]

المشاركة الأصلية كتبت بواسطة الصارم2000

اخي الشريف
انا لي فترة متابع مشاركاتك وارائك وطريقتك بالمضاربة بالسوق.
وحسب الى فهمت منك انك مضارب شهري او ربعي اليس كذلك؟
هل ممكن ان تعطيني فكرة عن استراتيجيتك بالسوق وما تقييمك لها ؟
يعني كم نسبة الربح الشهري التى من المكن تحقيقها 5% 10%...
بالنسبه لي انا جربت المضاربه اليومية ولم انجح كثير فيها
بصراحة لم اخسر ولاكن لم يكن المكسب يستحق المخاطرة.
ولك مني دعوه بظهر الغيب
اخوك
مشاري المزيني
ابو عبدالله

آسف على التأخير في الرد ووذلك لوفاة جدي رحمة الله عليه يوم الجمعه الماضيه ولم استطيع الدخول للموقع

اخي الفاضل اريد ان تقرأ كلامي بدقه واترك كلمة كم تحقق في الشهر لانها هي سبب الخساره والضغط النفسي .
تخيل انك حاط براسك انه المضاربه الشهريه تدخل عليك ربح مقداره 5% شهريا وفي السهر الماضي حققت هذا الربح ولكن في الشهر التالي حققت 1% صدقني راح تكون نفسيتك مب تمام وبالذات لو الشهر اللي بعده حققت -1% راح يجيك ضغط نفسي وهذا اللي يأدي الى الخساره في نهاية الامر اخوي الاسهم يجب ان تضع فيها مال لاتستخدمه ابدا ابدا ابدا يعني عندك استطاعه انك ماتحتاج للمال 10 سنوات واكثر خلاصة الكلام لاتحدد كم راح تربح شهريا الا اذا انت وضعت استراتيجيه معينه انه في حالة وصلت ارباحي 3% ابيع حتى لو قبل نهاية الشهر هنا تقدر تطبق هالقانون بحذافيره وماتتجاوزه وهذا ينفع للناس الي العاطفه تتغلب على افعالهم اما انا عن نفسي ماابيع الا اذا رأيت ارباح تبيض الوجه وماعندي مشكله انه يرتفع ريالين ثم الاقيه خسران ريال ثم يرتد وعلى هذا الحال صدقني ماتحرك بنفسيتي شي ابدا وهذا الشي تعلمته من استراتيجية المستثمر وورن بافيت .
في النهاية ماذكرته بالموضوع هو استراتيجيتي ولكن اختصرها لك
الاستراتيجيه اللي اتبعها (متى ادخل ومتى اخرج يعني وقت الشراء والبيع)
انا دخولي وقت الفرص ومستجيل اشتري سهم ارتفع وصعد فوق ابدا مهما كانت المغريات مثل معادن هالايام وبترورابغ اما اذا هبط السوق ادخل على طول ودائما اشتري الاسهم اللي في القاع ومااخذت حقها في الارتفاع الزبده من هالكلام عندما اشو فالسوق احمر والناس متشائمه انا ميقن انه اللي افتعل هالتشائم هم كبار المضاربين حتى الناس تبيع اسهمها بخساره فأنا ادخل على طول وبكذا انا اشتريت مع كبا رالمضاربين .
متى ابيع : ااذ شفت السوق اخضر معناه انه كبار المضاربين يرفعون في اسعارهم ويصرفون والناس قاعده تشتري لانهم متفائلين اذا رأيت ارباح مجزيه وانا عارف انه راح يرتفع زود بس عندي شكك انه ماراح يوصل لها السعر غير بعد فتره وبينزل ابيع نصف الكميه .
قاعده مهمه : اذا رأيت السوق احمر والتشائم واضح على المتداولين فدخل في السوق فهذا وقت دخول كبار المضاربين والعكس صحيح.
صدقني اذا لزمت الصبر راح انت اللي تحدد سعر بكيفك وراح تبيعه بنفس ماتوقعت ان الاانكر اني استخدم برامج التحليل الفني مثل الميتاستوك ومشترك بوقع خاص للاستثمار لكن كل هذا ماينفع اذا ماكان عندك صبر ولله الحمد من اتبعت هالطريقه لم اخسر ريال بل هلله واحده ويشهد الله على مااقول .
في النهايه انا اعلم انه ودك ترتاح وتعرف كم اجني اراباح في الشهر اقولك احيانا 4% الى 5% واكثر لكن خساره ابدا ماشاءالله تبارك الله

[بدركريم]

جزاك الله خير،،،

[Opp. Picker]

الاسهم تجارة ويجب ان تكون محترف فى التجارة تستطيع ان تشترى الرخيص والذى يبشر بالخير ولا تشترى الغالى لانك لا تستطيع بيعه بسعر مناسب

والله الموفق وكل الشكر لابو تركى على المجهود والموضوع المميز