هزّيت الراس ما عندي تقول اني من البنقال

ابوراكان · 03-08-2002, 03:07 PM

الا يالله عفــوك لا معي بيجــر ولا جــــوال

ولا عندي وضيفه والتجـــاره فاشــلٍ فيها

ولا عندي شهـــادات ولا حــرفه تسد الحـال

ولا حــظ كبير لا اخـطـت الجــره يقــديها

مخابي الثوب تومي ما دخلها من زمان ريال

بها فاتورة الكهــــرب ولايمـد يني اقضيها

على ذيك العـراوي تتعب الحادي مع الجمّال

ثلاث اشهـور فالورشه وشهــــــرينٍ مغطيها

ابيها لو تجمــّـل يوم واجلبها على الـدلاّل

يجيها واحــد حظـه مثل حـظي ويشـــريهـا

نصيت العسكــريه يوم قالو للنظام رجـال

وقدمـت الملــف وصــورة متشـخـّص فيـهـا

خـذا الاوراق مني واحــدٍ ما عند ابوه دلال

سلوم الناس واهل المعرفه والطيب مخطيها

قراها في دقيقه والتفت عجـــلٍ علي وقال

شهاد تك العظيمه ياولد وين انت مخفـــيها

هزّيت الراس ما عندي تقول اني من البنقال

وقمت احـب خشــمه واطلبـه بالله تمشيّــها

نطلها من يده شين الطبيعه والنبا والفال

وقال ازيّن تعـوّد صـوب نوقـاتك تعشــيّها

تناوشته من الكرسي وعفت الحل والترحال

وظربته بالبيـاله عقـب ما بيّحت شاهيـها

خــذوني للسـجن لا نيب لا ظـالم ولا محـتال

مجـرد واحـدٍ جـا يكــحل عيـونه فيعمـيها

ويوم اني خرجت اقفيت لارض الله وسيع الجال

على بـرٍ هـــواه يـداوي العـله ويبــريها

ادوّر قصعة الجــربوع والضب الفتي يختال

والارنب يا شفاة الروح ما احلاها وطاريها

بلا كهـرب ولا بيجـر ولا غــازٍ ولا نقــال

قوانين الحضـــاره لا تبي شوفي ولا ابيها

حنون · 03-08-2002, 04:29 PM

الله يعطيك العافيه ويخليك لعين ترجيك
اخي الكريم ابو راكان تحيه خاصه لك يا الغالي
اخوكم
حنون

ابوراكان · 04-08-2002, 12:57 PM

هلا بالغالي حنون ، والله يكون في عون الجميع

اخوك ابوراكان

03-08-2002, 03:07 PM	#1
ابوراكان متداول نشيط تاريخ التسجيل: May 2002 المشاركات: 770	هزّيت الراس ما عندي تقول اني من البنقال الا يالله عفــوك لا معي بيجــر ولا جــــوال ولا عندي وضيفه والتجـــاره فاشــلٍ فيها ولا عندي شهـــادات ولا حــرفه تسد الحـال ولا حــظ كبير لا اخـطـت الجــره يقــديها مخابي الثوب تومي ما دخلها من زمان ريال بها فاتورة الكهــــرب ولايمـد يني اقضيها على ذيك العـراوي تتعب الحادي مع الجمّال ثلاث اشهـور فالورشه وشهــــــرينٍ مغطيها ابيها لو تجمــّـل يوم واجلبها على الـدلاّل يجيها واحــد حظـه مثل حـظي ويشـــريهـا نصيت العسكــريه يوم قالو للنظام رجـال وقدمـت الملــف وصــورة متشـخـّص فيـهـا خـذا الاوراق مني واحــدٍ ما عند ابوه دلال سلوم الناس واهل المعرفه والطيب مخطيها قراها في دقيقه والتفت عجـــلٍ علي وقال شهاد تك العظيمه ياولد وين انت مخفـــيها هزّيت الراس ما عندي تقول اني من البنقال وقمت احـب خشــمه واطلبـه بالله تمشيّــها نطلها من يده شين الطبيعه والنبا والفال وقال ازيّن تعـوّد صـوب نوقـاتك تعشــيّها تناوشته من الكرسي وعفت الحل والترحال وظربته بالبيـاله عقـب ما بيّحت شاهيـها خــذوني للسـجن لا نيب لا ظـالم ولا محـتال مجـرد واحـدٍ جـا يكــحل عيـونه فيعمـيها ويوم اني خرجت اقفيت لارض الله وسيع الجال على بـرٍ هـــواه يـداوي العـله ويبــريها ادوّر قصعة الجــربوع والضب الفتي يختال والارنب يا شفاة الروح ما احلاها وطاريها بلا كهـرب ولا بيجـر ولا غــازٍ ولا نقــال قوانين الحضـــاره لا تبي شوفي ولا ابيها

03-08-2002, 04:29 PM	#2
حنون الخيال العلمي تاريخ التسجيل: Jun 2002 المشاركات: 1,826	ههههههههه شكله مثلي هذا مسكين الله يعطيك العافيه ويخليك لعين ترجيك اخي الكريم ابو راكان تحيه خاصه لك يا الغالي اخوكم حنون

04-08-2002, 12:57 PM	#3
ابوراكان متداول نشيط تاريخ التسجيل: May 2002 المشاركات: 770	هلا بالغالي حنون ، والله يكون في عون الجميع اخوك ابوراكان