أعتقد .. بإذن الرحمن .. ممكن نقول مبروك

[الداخل]

أشرح لنا علاقة الذهب بسوق الأسهم (الداو)

وشكرا

[! محفظه صغيره !]

يعطيك العافيه ماقصرت

[كريم_كرم]

المشاركة الأصلية كتبت بواسطة كريم_كرم

لو الناس فاكرة كويس .. البترول .. وهو بيطلع .. تقريباً .. أيام ما كان بـ 138 - 140 دولار ..

الدنيا كلها .. كانت بتقول خلاص .. إحنا شايفين فيه 200 إلى 250 دولار ..

حصل أيامها .. إن المملكة العربية السعودية .. أعلنت إنها بقالها شهر وهي بتصدر نصف مليون برميل زيادة عما تعلنه ..

وبالتالي .. كان واضح إن صعود البترول كان بفعل المضاربات مش بفعل ضغط الطلب ..

كويس .. بعد ما المملكة أعلنت .. إيه اللي حصل ؟؟

البترول فِضِل يطلع برضه أربع أيام .. البهوات " اللي كانوا بيصَرَّفوا " أرجعوا الصعود لحرب أمريكا مع إيران ..

رغم إن أمريكا عمرها ما ها تحارب إيران .. بس هو كان فيلم هندي .. مين بقى البهوات ؟؟

البهوات هما .. ديك تشيني .. وتابعه .. جورج بوش .. على فكرة .. أنا كاتبها صح .. ديك تشيني .. وتابعه جورج بوش ..

ديك تشيني .. هو اللي إمبراطور البترول .. هاليبرتون .. وأدب هاليبرتون ..

وبوش جاي معاه .. خدوا البترول من 23 دولار أيام بدء العدوان على العراق .. لحد 147 دولار .. تخيلوا ؟؟

وطبعاً الإمبراطور وتابعه .. ماشيين .. سايبين الليلة وماشيين .. يبقى خلاص .. مش لاعب .. هامشي وآخد كورتي معايا ..

هما عملوا كده .. فجأة اتضح إن صور إيران قديمة .. وخلاص الحرب بَح .. ما فيش

قام سوق البترول اتطربَق .. وده اللي مخلي والواحد مقتنع إن الأسواق لازم تتعدل ..

لأن البترول والنمو الاقتصادي العالمي .. يمشوا عكس بعض ..

البترول يغلى .. النمو الاقتصادي يقل ..

البترول يرخص .. فرص النمو تزيد ..

الشارت ده .. أيام ما كان بـ 133 .. شوفوا النماذج السلبية .. كتير



رغم كده السوق اتخطف في يومين لفوق طلعوه فوق الـ 140 .. صرفوا اللي عاوزينه ..

وبعدين تعيش إنت يا حاج ..انهار البترول زي ما إنتو شايفينه .. طيب .. أنا بأقول الكلام ده ليه ؟؟

يا ترى تدخل الحكومات بالشكل ده ليييييييييييييييييه ؟؟؟؟؟؟

وليه الملك عبد الله تدخل .. وليه النهاردة تحديداً ؟؟ .. هل صدفة إن تدخل الملك جاي بعد جلسة إسمها المطرقة .. وهي مغيرة للاتجاه بامتياز ؟؟

طبعاً مستشاري الملك هما اللي محددين التوقيت

المستوى اللي السوق الأمريكي بيلعب فيه دلوقتي كان أول مرة يوصل له سنة 1999 ..

يبقى كان لازم حماية المستوى ده .. بأي شكل ..

زي ما البترول قعد 4 أيام بعد الخبر السلبي علشان يغير اتجاهه و ينهار ..

ليه الأسواق ما تاخدش كام يوم بعد الخبر الإيجابي (( أو الأخبار الإيجابية )) علشان تغير اتجاهها وتطلع ؟؟

الصناديق السيادية .. مش هاتدخل الأسواق تزَكـِّي عن صحتها وعافيتها ..

الصناديق .. صناديق استثمارية .. الهدف منها الربح .. يبقى ليه تدفع أكثر .. لما ممكن تدفع أقل ؟؟

هايلعبوا بالناس اللي هي مستوية أصلاً من البهدلة اللي شايفاها .. ويشتروا منهم بأرخص الأسعار ..

وفجأة .. هانلاقي بن برنانكي اللي لسه قايل إن الدنيا ضلمة والكساد على الأبواب .. بيقول إن الدنيا ربيع والجو وبديع .. وقفل لي على كل المواضيع ..

ما لهومش مَسكة .. هما عصابة .. ماسكين الأسواق زي أي طفل ما بيمسك حَصَّالتُه ..

يجيبها .. من تحت لفوق .. يقلبها من فوق لتحت .. براحته .. ما هي في الآخر .. حَصَّالته !!

قولوا يا رب

المشاركة الأصلية كتبت بواسطة كريم_كرم

علشان تعرفوا إنها عصابة ..

إمبارح .. إيه اللي نزل بالسوق الأمريكي .. رغم بدايته المبشرة .. كلام بن برنانكي .. مدير الاحتياطي الفيدرالي ..

طيب .. والنهاردة .. شفنا مع بعض الخناقة اللي عند 9530 في الشارت الأخير فوق ..

دخل المعلم بولسون .. وزير الخزانة .. و عَكـَّها على دماغ المتعاملين ..

رغم إننا كنا خلاص .. فاضل تـَكـَّة ونكسر الترند السميك .. طبعاً راحت الجلسة نازلة نزلة محترمة ..



الشارت باين فيه بولسون إتكلم إمتى .. أقول لكم إتكلم ليه ؟؟

لأن العصابة .. بتشتري .. يبقى لازم الأسعار تنزل .. علشان يشتروا بالرخيص ..

ما حدش فيكم فكر .. الفلوس اللي خرجت كسبانة من سوق البترول .. هاتروح فين ؟؟

لو دخلت الأسواق المالية ساعتها .. كانت هاتخسر ..

يبقى نبهدل الأسواق المالية .. علشان الأسعار تبقى لوز .. لوز .. لوز ..

ونشتري بفلوسنا اللي طالعة من البترول .. وبعد ما الناس تكون باعت لنا ..

يتفرجوا علينا وإحنا بنطلع بالأسواق .. ونفس اللي كانوا بيقولولهم فيه ركود وحاجات من دي ..

هُمَّا هُمَّ .. هايقولوا .. إن ما فيش ركود .. وإننا كنا حاسبينها غلط ..

صدقوني .. الكلام ده جايز يكون بدري شوية .. بس هو اللي بيحصل ..

ربنا يكرم

سبحان الله ..

الحمد لله الذي هدانا لهذا .. وما كنا لنهتدي لولا أن هدانا الله ..

بعد جلسة الجمعة مباشرةً .. سيبوكم من مباشرةً وخُدوا بالكم من (( بعد )) دي ..

إيه اللي حصل .. ومين اللي عمله ؟؟

خبر إيجابي جداً .. مقتطفات منه باختصار

" US to buy ownership stake in a broad array of banks for the first time since Depression

WASHINGTON (AP) -- The government will buy an ownership stake in a broad array of American banks for the first time since the Great Depression, Treasury Secretary Henry Paulson said late Friday, announcing the historic step after stock markets jolted still lower around the world despite all efforts to slow the selling stampede.
The administration received the authority to take such direct action in the $700 billion economic rescue bill that Congress passed and President Bush signed last week.

A sign of how bad things have gotten: A drop of 128 points in the Dow Jones industrials was greeted with sighs of relief after the index had plummeted much further on previous days. The week ended as the Dow's worst ever.
"

الحكومة الأمريكية تشتري حصص ملكية في عدد كبير من البنوك للمرة الأولى منذ الكساد الكبير

واشنطن : سوف تقوم الحكومة الأمريكية بشراء حصص ملكية في عدد كبير من البنوك الأمريكية للمرة الأولى منذ الكساد الكبير ، هذا ما قاله هنري بولسون وزير الخزانة ، جاء القيام بهذه الخطوة التاريخية بعد تهاوي الأسواق المالية رغم كل الجهود المبذولة للحد من الذعر السائد.

تلقت الإدارة تخويلاً بالقيام بالتصرف المباشر في فاتورة خطة الإنقاذ الاقتصادي التي أقرها الكونجرس ووقع عليها الرئيس بوش الأسبوع المنصرم.

كدلالة على سوء ما آلت إليه الأمور : تنفس الكل الصعداء حين أغلق مؤشر داو جونز الصناعي على انخفاض قدره 128 نقطة (( فقط )) بعد الهبوط العمودي الذي عاناه في الأيام السابقة. وأغلق الأسبوع كأسوأ أسبوع مر به الداو .. على الإطلاق.

انتهى الجزء المنقول من ياهو والمترجم بمعرفتي


ودلوقتي .. إيه رأيكم ؟؟ .. أظن كده .. يبقى بفضل الله اللي قلناه هنا .. عن العصابة .. بيتأكد أهو ..

يعني المعلم بولسون ده .. السلطة جاءته فجأة كده ؟؟ ..

مش كان فيه مفاوضات كان ممكن يهدئ بها الذعر اللي عند الناس ؟؟ ..

مش قلت لكم ؟؟ .. نفس الناس اللي خدوا السوق لتحت .. هما نفسهم اللي هايقولوا الكلام الجديد اللي ياخد السوق لفوق

بس زي ما قلنا ..

الخبر الإيجابي .. ميعاده بعد جلسة الجمعة ..

يبقى لازم يطلع بعد جلسة الجمعة .. مباشرة ..

وكل انهيار وإنتم طيبين

مبروووووووووووووووووووووووووووووووك

[الداخل]

جاوب على السؤال لو سمحت يافندم

:)

[tarek921]

رائع يا ابو كريم .. لا رهيب
طيب ايه رائيك فى اللى بيحصل فمصر

[كريم_كرم]

المشاركة الأصلية كتبت بواسطة الداخل

أشرح لنا علاقة الذهب بسوق الأسهم (الداو)

وشكرا

بص يا سيدي ..

هي العلاقة مش بين الذهب وسوق الأسهم .. لأ .. هي بين الذهب والدولار ..

العلاقة عكسية .. ليه ؟؟

لأن الاحتياطيات المالية للدول .. إما بتبقى ذهب .. أو بتبقى دولار ..

وده معناه إيه ؟؟

معناه .. إن فيه تعارض في الطلب على كل منهما ..

يعني مثلاً ..

دولة (( كوم الدكة )) مثلاً .. لو عاوزة تعمل احتياطي مالي ..

هاتعمل بحاجة من الاتنين .. يا إما ذهب .. يا إما دولار ..

طيب .. خلاص عملته .. وليكن من الذهب ..

تبقى اشترت ذهب .. يعني كان فيه طلب كبير على الذهب طول فترة شراء هذه الدولة للذهب ..

وكان فيه ذهب بيخرج من سوق تداول الذهب .. ليدخل في احتياطي هذه الدولة ..

يبقى طلب كبير .. وكميات بتخرج من سوق التداول (( حاجة زي أسهم الخزينة كده )) ..

يبقى سعر الذهب يطلع ..

طيب .. هي بتشتري الذهب .. بإيه ؟؟

بعملتها .. وعملتها .. لازم يتم تقييمها قدام الدولار .. لأنه معيار عملات العالم ..

يبقى سوق الدولار .. زاد فيه الموجود من الدولارات .. نتيجة إن الجهات البائعة للذهب لتلك الدولة .. أصبحت تمتلك دولارات ..

يعني الموجود في السوق من الدولارات .. (( المعروض يعني )) .. بيزيد .. يبقى سعر الدولار يحصل فيه إيه ؟؟

ينزل .. طالما فوليوم الطلب ثابت

ده لو إيه ؟؟

لو دولة كوم الدكة دي .. لسه بتكون احتياطي ..

طيب .. لو هي أصلاً عندها احتياطي ذهب .. وعاوزة تبدله بالدولار ..

هاتدخل تعرض الذهب اللي عندها .. في سوق الذهب ..

يقوم المعروض من الذهب هايزيد طول ما الدولة دي بتبيع .. يبقى سعره يقل .. طالما فوليوم الطلب ثابت

لما تبيع .. هاتاخد الدولارات .. تحطها احتياطي ..

يعني .. هاتخرج الدولارات دي .. من سوق التداول ..

يبقى المعروض من الدولارات قل .. يبقى سعر الدولار يحصل فيه إيه ؟؟

يطلع .. طالما فوليوم الطلب ثابت

يعني .. من الآخر ..

الذهب والدولار .. عاملين زي كفتي الميزان .. واحدة تطلع .. الثانية تنزل قدامها ..

وطالما الذهب هاينزل زي ما اتكلمنا النهاردة وحصل ..

يبقى الدولار هايطلع .. يعني هايبقى أقوى ..

وقوة الدولار .. قوة للاقتصاد الأمريكي .. وللبورصة الأمريكية بالتبعية ..

علشان كده أنا كنت مركز النهاردة على اللي بيحرك البورصة وممكن من خلال حركته تتوقع حركة البورصة .. وما كنتش مركز على البورصة نفسها ..

والحمد لله .. طلع الكلام .. صح

أرجو تكون الفكرة وصلت

[! محفظه صغيره !]

سووقنا وش وضعه؟؟

[! محفظه صغيره !]

طبعا السعودي :)

[أبوالعسل]

أستاذ كريم كرم الله يفتحلك ابواب الرحمه والمغفره ويحرسك ويحفظك من كل سوء ويعطيك حتى ترضى وجعلك الله من المسرورين اللهم امين

[كريم_كرم]

المشاركة الأصلية كتبت بواسطة ! محفظه صغيره !

سووقنا وش وضعه؟؟

الكلام ده .. أنا كتبته بعد انتهاء جلسة الجمعة في أمريكا بشوية ..

وبأؤكد عليه مرة ثانية ..

المشاركة الأصلية كتبت بواسطة كريم_كرم

قل بفضل الله .. وبرحمته .. فبذلك فليفرحوا .. هو خيرٌ مما يجمعون ..

الحمد لله ..

الآن ..

وبعد أن شاهدنا جلسة اليوم .. ( سواء للداو .. أو للذهب ) ..

أستطيع .. معتمداً على ربي .. ومتوكلاً عليه ..

أن أهنئ الكل ..

بنهاية دوامة هبوط كل الأسواق المالية على مستوى العالم وليس في دولة بعينها

أعتقد أن من تابع معنا الجلستين النهاردة ..

شاهَدَ التحكم الشديد في بداية الجلسة ونهايتها .. وشاهد أيضاً كيف كان الذهب صريحاً وهبط هذا الهبوط الشديد ..

جلسة الداو .. دوجي عنيف جداً ..

بصراحة ..

مكانها ..

بشكل يغيظ ..

أنا بفضل الله في أول الموضوع ..

قلت إن أوامر الملك عبد الله بالتدخل .. ماجتش بعد الشكل الفني الرائع بتاع جلسة الأربعاء في السعودية صدفة ..

المطرقة اللي اتكونت يوم الأربعاء .. شكل فني (( شموع يابانية )) مغير للاتجاه ..

وبكرة .. لو السوق السعودي .. مثلاً مثلاً .. أغلق عند الرقم 6767 ..

يبقى عمل نجمة صباح .. واضح من اسمها إنها شكل إيجابي ..

أما ليه بقى 6767 .. فـَ لو وقفنا بكرة عندها بإذن الله .. هاقول لكم أنا قلت الرقم ده ليه ..

مبرووووووووووووووووووووووووووووووووووووووووووووووو ووووووووووووووك ..

وبرضه ..

قولوا يا رب