سوالف شعبيه

[سووواح]

الحين الخلق تمشي لقدام وانتي دايم ملقمه الريوس

قصص قديمه وابيات شعر ماخليتي ولا قصيده الا ملصقتها بالمنتدى مسويه لي قيس وليلى

على كل حال ماحبيت اكسر بخاطرك وقلت الصق مع اللي يلصقون
مشاركه بريئه كبرائة صاحبة الموضوع من الغبار اللي يجينا من مواضيعها ...!!



ابو صالح و أبو راشد قاعدين يطالعون الأخبار في مدينتهم ( بريدة) في القصيم بالسعودية

أبو راشد - وش قاعد تفكر فيه يا بو صالح؟

أبو صالح - أفكر بهالدين العظيم اللي انتشر من أقصى الأرض الى أقصاها. ناظر هالمسلمين الصينيين.

-و الله أنك صادق يا أبو صالح.

- بس ترى هذول ما يعرفون من الدين الا القشور. طبايعهم زي الأجانب، بس يصلون. المسلمين الصدق هم العرب الليي فهمون القرآن و الأحاديث.

و الله أنك صادق يا أبو صالح.

- و بعد ترى موب كل العرب مسلمين صحيحين. عندك هالشوام و المصاروه و المغاربه و الله حتى مايصلون صلاة ربي. ان بغيت المسلمين الصدق تراهم أهل الجزيرة و الخليج.

- والله أنك صادق يا أبو صالح.

- و موب بعد كل الخليج. ترى كل هالدول تسمح بالخمر و بالكنايس، الدين الصدق هو ديننا حنا يا أهل السعودية.

- و الله أنك صادق يا أبو صالح.

- بس عندك بعد أهل الشرقية فيهم شيعة و حريمهم مايغطون وجيهم، و أهل الغربية حريمهم بعد ما يتغطون و يشيشون، و أهل الشمال حريمهم مايتغطون عن رجالهم و يجلسون معهم و يضيفوهم. و أهل الجنوب مثلك خابر عندهم بدع واجد. الدين الصدق موجود هنيه عندنا في الوسطى و القصيم.

- و الله أنك صادق ياأبو صالح.

- بس ترى عندك هنا في الوسطى الناس يـتـتـنـون (يدخنون) و يسمعون موسيقى و العياذ بالله. الدين الصدق هنيه ببريدة.

- و الله أنك صادق يا أبوصالح.

-بس بعد بريدة موب كل حارة زي الثانية، ترى أكثر أهل بريدة مركبين دشوش و يشوفون القنوات الماجنة. ما فيه مثل حارتنا مافيه و لا دش واحد.

- والله أنك صادق يا أبو صالح.

- بس الله يهديهم جيراننا موب دايم تشوف عيالهم في المسجد، و لا تشوفهم دايم في صلاة الفجر. الصراحة يا بو راشد ما فيه في الحارة يصلون الفجر دايم في المسجد الا أنا و انت.

- و الله أنك صادق ياأبو صالح.

بس أشوفك يا بو راشد هالأيام ما تخشع زين في صلاة الفجر !!!

إنتهت القصة ......للامانه منقول
مع تقديري للجميع وللكاتبه: ن ج د ي ه