الفزعة من اهل الرياض ...

[dalaal]

السلام عليكم ورحمة الله وبركاته ..

اعتزم السفر الى الرياض لاجراء جراحة خطيرة لابنة أخي في المستشفى التخصصي ..

واحتاج مشورتكم لأقرب فندق من المستشفى .. او اجنحة مفروشة مخدومة .. للسكن بها ..

ارجو من المشرفين الابقاء على الموضوع هنا .. وعدم نقله للاستراحة ..

اسأل الله تعالى ان يشفيها ويعافيها وان يثبَتها ويرضيها .. فمصابها ولله الحمد كبير ..

اختكم
دلال

[سنع الاسهم]

اللهم يشفيها يارب

فيه شقق مفروشه قريبه جداً من المستشفى

وهي الاقرب بتوقعي

لكن نسيت اسمها

لكن بعطيك الوصف اخوي

وانت بطريق التخصصي وانت بأتجاه الجنوب تجيك العزيزية وعندها مطعم ماك دونالدز بعدها لف يمين

وخلي العزيزية ع يمينك ومستشفى التخصصي ع يسارك وانت بالخدمه بتجيك شقق مفروشه

وبالضبط جنبها ( جون للحيوانات )

ويا رب اكون نفعتك

اتمنى ذلك

[عـــــــزام]

لا تعلييييييييييييييق

[dhem]

الله يشفيها ويقومها بالسلامه يارب

[abdallahhammada]

اختي شارع التخصصي فيه شقق كثيره مفروشه وقريبه من المستشفى اسال الله العظيم
ان يشافيها ويعافيها ويخليها لكم امين (خاصة بين الملك فهد والتخصصي فنادق وشقق)

[نجدية]

ماتشوف شر بنت اخوك يادلووول
وان ماشالتك الرياض تشيلك عيوننا

الله يشفي مريضتكم ويخليها لوالديها ومن يحبونها

[ehtmam]

الله يشفيها ويعافيها يارب

اعانكم الله

[سحابه خير]

الله يشفيها ويقومها بالسلامه يارب

[dalaal]

احبتي الكرام ..

جزاكم الله خيرا على التفاعل والمشاركة ..

اشكر كل من دعى لها .. وكل من تكرم بمعلومات السكن ..

وارجو مزيدا من الدعواات .. ابنة اخي ذات الثلاث والعشرون ربيعا مصابه اجاركم الله بسرطان اللسان

عمليتها خطيرة .. وعواقبها حسب الأطباء وخيمة ..

لكن املنا في الله كبير .. هو الذي انزل بها البلاء وهو الذي يخيب ظن الأطباء ويرفع مابها .. وينعم

عليها بالصحة والعافية ..

قولوا آآآآآ مييييين

[inizi]

اسال الله العظيم رب العرش الكريم ان يشفيها ويعافيها وان يرفع عن كل كرب
وان تعود لاهلها سالمة معافاه باذن المولى عز وجل