فتاه تعرض نفسها للزواج وتقبل زواج المسيار (صوره ورقم هاتف)

[أ بوفهد]

هذي قصة زواج حقيقيه أقدمها لكم ممكن تغيرو رايكم في المسكينه

بعد جهد جهيد .. وتعب تعيب .. ومحاولات الوالد والوالده.... وافقت اني اتزوج !!!

وبعد ماصارت الخطبة والملكة جاء العرس وكنت كاشخ احسن شي بس الغريب فالموضوع انهم كانوا يسلمون على الي يصب القهوة ويقولون له مبروك ويجحدوني ..!! ..

وبعد مانتهينا من العرس وانا اخذ مرتي وانا كلي شوق اني اشوفها لأن ابوها رفض اني اشوف بنته ..!!

واجلس بجنب زوجتي وهي مستحيه مره ومنزله راسها ..
قلت وانا ادقها بكوعي((الله من زين هالاسلوب)) يله فصخي العبايه وشفيك مستحيه ترانا صرنا متزوجين .. ونزلت العباية وبدى يوضح لي جسمها ولاحظت انها منتفخة .. مديت يدي ونزلت شرعتها وبعدين قمت اضحك وقلت لها يله عاد وش هالحيا الي فيك فصخي القناع الي عليك عاد .. قالت اي قناع انا ماني لابسه قناع ويوم ناظرت لوجهها وهو تنسد نفسي مره وحده .. الحين عرفت ليش ابوها كان رافض اني اشوف بنته وقت الملكة

وبعد مانتهى شهر البصل رجعت للدوام ..
وصار علينا يوم ضغط ونبي نتأخر فالعمل الين الساعة ثلاث العصر ..
شفت زميلي فالعمل يدق على بيته ويكلم مرته بشويش عشان مانسمعه .. هلا حبي .. لا ياقلبي لاتنتظريني على الغدا شكلي بتأخر فالدوم شوي ..
وانا الي انقهر منه وادق على مرتي واقولها هلا حبيبتي شوفي عمري لا .. وهي تقاطعني وتقول غلطان فالنمرة لو سمحت .. وتسكر الخط فوجهي ..!! وصرفتها وسويت نفسي اكملها عشان الفشيلة قدام اخوياي .. << الله يلوم الي يلومها انا اذا جيت ادلعها اقولها يالشينه تعالي ..!!

بعد مده كنت جالس اتفرج على التلفزيون .. وقاعد اتفرج على برنامج .. وجيه تفتح النفس .. الشقرا والسمرا والزرقا مهوب الي عندي الي وجهها تقل كنه دعاية لا للمخدرات .. وانا منسدح على بطني قدام التلفزيون وقاعد احرك رجولي زي الاطفال .. وكل شوي ازحف على بطني لم التلفزيون عشان اشوف الموذيعات اكثر..!! وشوي زوجتي تجي تبي تجلس معي وانا الي اكشر واقرف .. قالت لي وش فيك كشرت يومنك شفتني قلت لها لا والله بس جتني حموضه من وجهك ..!! قالت وليه قاعد تتفرج على المذيعات قلت يارووووحي لاتكونين غرتي ياحياتي بس ؟ قالت ايه اغار مهوب من حقي قلت ايه من حقك ونص بس لاجيتي تغارين غاري من شي من فصيلتك او شي يشبهك مثل صخان المويه حق الحمام .. اسطوانة غاز .. فيله .. قالت انت ليه كذا تحاكيني انا زوجتك .. قلت اقول قومي روحي البسي بنروح عند خويي عازمني عنده على العشاء لا نتأخر عليه ابي اروح اتروش واطلع القاك جاهزة قالت جاهزة ولا تفصيل وانا الي اشيل الريموت واصفقها فجبهتها وقلت تنكتين انتي وجهك قالت وشفيك انا بس ابي اضحك .. قلت لها اقول اخلصي مادام النفس طيبة معك ..!!


راحت ولبست وهي الي تجيني وتبتسم لي مثل ابتسامة بسيط الي مع افلام كرتون .. واخذت لفه حول نفسها وقالت وش رايك اهبل صح قلت لها ايه تهبلين وتجننين وتاخذين وتطيرين العقل مثل ماطيرتي عقلي .. نعن ابو بليسك وش الي مسويته فوجهك انتي؟! .. قسم بالله ماناقص الا تكتبين تحت وجهك عمل الطالب ياسر ..لأن وجهك طالع كنه صحيفة مسويها طالب في رابع جيم .. قالت والدموع تنزل من عيونها ماعجبك مكياجي حبي قلت لها بالله ذا تسمينه مكياج الي يشوفك يقول انك صابغه وجهك عند دهان من فروع الجزيرة .. وبعدين وش هاللون الي مختارته .. احد يلبس اصفر ومادريت الا وهي تبكي وتركض للغرفه ..!! وجلست ساعة اترضى فيها الين ماسامحتني ..وبعد ماخلصنا العشا عند خويي جات مرته تطق الباب وتقول قل للرجال الي عندك ان امه طلعت ((تحسب ان مرتي امي ..!! ))

احيان كنت اشك بجنسية زوجتي واسألها هو انتي سعوديه .. تضحك وتقول لا ليش لهدرجة اشبه الاجنبيات انا قلت لها لا قالت اجل وشو قلت الحين بناتنا يشتهرون بالجمال وانتي احترت فيك لانتي صوماليه ولاتكرونيه ولا نيجيريه


المهم مره من المرات سوت لي صينية حلا تبي تسويها لي مفاجأة ويوم اكلت وخلصت جيت ابي اشكرها على الي سوته قلت لها تسلمين يالشينه .. قصدي يامروحه .. أقصد يامقرفه ((نعن ابوها وجهها مايساعد عشان اقولها كلمة حلوة ..!! )) .. وجهها يقول لا للكلام الحلو ..


وبعد مده من كثر ماكنت اجحد مرتي واسهر باستراحة الشباب واحيان انام فيها ايام واسابيع غسلت مرتي يدها مني وصارت تقضي وقت فراغها بالقراية ومتابعة الدش .. مره دخلت عليها وهي تتفرج على برنامج نواعم فقرة المكياج وكنت توني جاي من الاستراحه سلمت عليها وردت السلام قلت لها العشاء جاهز قالت ايه تبيني اسخنة لك قلت لها وانا جايني القرف من وجهها ايه بس ماشاءالله اشوفك تفرجين على فقرات المكياج ناويه تقلدين .. نصيحة لا تهورين لايجيك شد عضلي فخشمك .. ماردت علي مشت عني وراحت للمطبخ تزهب العشاء وانا تركتها واخذ لي دش وعودت للصالة واخذت عشاي وجيت بروح للملحق عشان اكل لحالي قالت لي وين رايح ماتبي تجلس معاي صار لنا اسبوع ماشفنا بعض قلت لها مابي وجهك يسد نفسي وهي مسدوده خلقه قالت لي تكفى انت وخشمك الي والله لوني اشوفه وانا صايمه غير افطر على طول ((اخس قامت تسب بنت اللذينا )) قلت من زينك يالجرادة الي وجهك كنه وجه واحد يتمضمض قالت تصدق اول ماشفتك جاي تخطبني حسبتك جاي تسلف من ابوي انت وجههك الي كنه خريطة ساحل العاج ..!! قلت لا ياشيخة ((انكتم ماعرف وش يرد)) اقول اسكتي بس قالت انا الي اقول انقلع للملحق انت ووجهك .. ولا تدري انا الي رايحه وتاركتلك البيت ..!! قلت لها الباب ياسع جمل .. وهي الي تجهز شنطتها وتطلع من البيت وتركب لومزين وتروح لأهلها..!! انا طقتني العزة والكرامة وتركتها عند اهلها ولا حتى فكرت اني ارجعها وجلسنا على ذي الحالة يجي ثلاث شهور

المهم سوا الوالد عزيمه وكانت حاضرها وبينما انا جالس عند الرجاجيل والا ولد خالتي الصغير جايني يركض ويقول وعلى وجهه علامات الدهشة والاستغراب الحق الحق قلت له وشفيه قالي تعال شف نوره (زوجتي) شلون صارت قلت بنفسي لحول هذي مفضحتبي عند العالم وخلقه وقلت لولد خالتي وش سوت هالخبله ذي ياليتني مطلقها ومفتك منها قال ولد خالتي وهو مهوب قادر يتنفس من الدهشه : صارت حلوه .. تهبل .. قلت وشو قال منت مصدقني قلت له طير كل الناس لهم فرصة انهم يصيرون حلوين الي هي مستحيل انها تصير حلوة قال تعال معي واوريك من عند المقلط هي واقفه تساعد امي فالمطبخ وانا الي اقوم معاه واتسحب وادخل المطبخ واشوف بنت غريبه واصد عنها وهي تضحك .. الضحكة مهيب غريبة علي وتقولي ماكنت ادري انك حياوي لهدرجه .. الصوت طلع صوت مرتي والتفت لها واقوله .. نويييير!! قالت ايه نوره وشفيك مستغرب ؟! قلت لها مااصدق تغيرتي كثير نحفتي وصرتي .. وانا اسكت .. كملت هي كلامي وقالت قصدت يعني صرت حلوه .. صادق انت يوم تركتني قمت اهتم بنفسي وتفرغت اكثر وصرت استغل وقتي فالقراية والرياضة .. وانا الي انطم واسكت .. نوره من كثر ماهي صارت حلوه وجهها يقول للقمر (( أفحز شوي خلني أقعد معك .. أوووه لا تربع ترى فيه ناس غيرك بياكلون )) << وش يبي ذا :d

قربت من عندها وضميتها بين ذراعيي القويتين((الا قل المعصقلتين )) وقلت لها نوره لاتتركيني ومادريت على نفسي الا والقلايه مشمعه فوجهي وقلت لها ليش سويتي كذا قالت هو انت مطلقني؟؟ قلت لها لا بس استهبل اقلد الافلام المصريه وهي الي تنزل راسها وتستحي ويحمر وجهها((ماصار يخضر اذا استحت زي اول)) قلت ياقلبي يالي يستحون .. وقربت منها اكثر واكثر .. وكان ولد خالتي الصغير موجود فالمطبخ وانا ارفسه برجلي رفسة البغل ويطير برى الباب ويسكره معاه .. الين ماوصلت عندها ولانها مشمعه القلاية فوجهي مرة ثانيه قلتها طيب هذي المره ليش؟؟ قالت عشان تركتني ثلاث شهور فبيت اهلي

ورجعت نوير وتغيرت حياتنا بشكل جذري ومن احسن لاحسن .. وصرت احطها فعيوني واغار عليها اكثر من الاول