للتسجيل اضغط هـنـا
أنظمة الموقع تداول في الإعلام للإعلان لديـنا راسلنا التسجيل طلب كود تنشيط العضوية   تنشيط العضوية استعادة كلمة المرور
تداول مواقع الشركات مركز البرامج
مؤشرات السوق اسعار النفط مؤشرات العالم اعلانات الشركات الاكثر نشاط تحميل
 



العودة   منتديات تداول > المنتديات الإدارية > اســــتراحـة الــــمســاهــمين



إضافة رد
 
أدوات الموضوع
قديم 09-04-2011, 12:13 AM   #1
خطوات أنثى
متداول نشيط
 
تاريخ التسجيل: Mar 2010
المشاركات: 2,959

 

افتراضي %رجال بحاجه الى درس في المرجله %

واهني الصخره اللي مايحرقها سموم
الزمان اللي يهد العزم ما هدّها

الزمان اللي تحدا قويين العزوم
لين مشّاها على ود ماهو ودّها

والمجامل بعض الأحيان ما يقضي لزوم
لابو النفس الضعيفه ولابو جدّها


مير تجبرنا العوايد وتجبرنا السلوم
نكتم الأسرار يالين تاصل حدّها

الردي لا طاح جعله يطيح ولا يقوم
باح سدّه والنشاما ما باح سدّها

كل ماكبرت وضاقت على عيال الرخوم
نحتزم لأكبر مصيبه وناطا خدّها

جعل قسمي عند ربي من خيار القسوم
واحدٍ يعطي العطايا ولا يرتدّها

ياعيال آدم وحوّا تراها ما تدوم
دورة الأيام لابدّها لابدّها


ياوليد البط وشلون ماتقدر تعوم
وانت ابوك يعوم جزر البحور ومدّها

وانت ياحلمٍ حلمته مهو مثل الحلوم
ياضحيّة مزح الأحلام مدري جدّها

ادري ان فالناس معطى وفالناس محروم
ايه يابيض النوايا ويامسودّها

وياضميري لا يهمك من الدنيا هموم
الصعيبه حلّها والبسيطه عدّها


جات في سد الشوارب وفي سد الخشوم
كبّر الضيفه وعش الضيوف وغدّها

والمراجل ماتوفى بضافية الهدوم
كود بسيوفٍ يشوق النواظر حدّها

والردي لو درّس المرجله في كل يوم
المراجل عند اهلها يذعذع ندّها


يعتبر قسمه مثل قسم زاهية الرقوم
يوم تكحل رمشها والقرون تكدّها

ماكسبت الا رضا اهل النمايم والعلوم
يارسول الحكي هات العلوم وودّها

الصفوف اثنين هذا دفاع وذا هجوم
وانت اظنك لانت معها ولا انت بضدّها


شرهة الطيّب تعداك للغوج العزوم
وانت صلفات المشاريه ماانت بقدّها

وانت في سود الأظله تريّح ومخدوم
وان ذبحك الجوع كد التكاسي كدّها
خطوات أنثى غير متواجد حالياً   رد مع اقتباس
قديم 09-04-2011, 12:39 AM   #2
خطوات أنثى
متداول نشيط
 
تاريخ التسجيل: Mar 2010
المشاركات: 2,959

 
افتراضي

مـاعــاد فـيـنـي للـصـبـر ايّ مـثـقـال ".." والضيـق فـي صـدري كـوانـي بـنـاره

مـن الغشيـم اللـي غـداااا زول رجـال ".." سمّوه ( ساري ) لكن الحق ( ساره)

ياما جعلـت الطيـب مـن شانـه اظـلال".." ولاضــاع دربــه شافـنـي لــه مـنـاره

كنت اسنـده واخفـي عيوبـه اذا مـال ".." كــم ليـلـةٍ فـيـهـا جـبــرت انـكـسـاره

اسقيته امن الطيـب فنجـال... فنجـال".." لكـن خسـاره , ماسقيـتـه.. خـسـاره

ويـنـه ودرب الطـيـب واكـبـار الافـعـال".." لا صـار مـالـه فــي السـمـوّ اقـتـداره

ماعـنـده إلا سـالـفـة قـيــل أو قـــال ".." تـايــه وراهـــا يحسـبـنـهـا شــطــاره

طبـعـه مـثـل طـبـع الغرانـيـق حـيّــال".." يـاخـذ امــور الـجـد.. ضـحـك وعَـيَـاره
مـو ناقـص اخبالـه ولا نـاقـص اهـبـال".." تــاره يجيـنـي الـشــر ويـعــود تـــاره

صـدري شمالـي لكـن الضيـق قـتـال".." والشـر اشوفـه فـي يمينـه.. يسـاره

المـرجـلـه مـاهــي غـنــاوي ومـــوّال".." الـمـرجـلـه دربٍ طــويـــلٍ مــســـاره

مثل التجاره , خص لو تشري إرجـال..".."..تَسْـنـدْك لامـــن زاد وقـتــك مـــراره


بــس ان هـــذا غـيــر.. يـنـبـاع بـريــال".." ناقص.. وفرقـى شـروى هـذا تجـاره

لابــد مــن كـبـوه عـلـى كــل خـيّــال".." واللـي يـعـرف أَخـطـاه.. دلّ انتـصـاره

مو عيب من يخطي على كل الاحوال".."الـعـيــب تـكـريــر الـخـطـايـا يــاجــاره

عـز الله انـه صِـدْق يــوم المـثـل قــال".." الطيـب فـي بعـض الخلايـق خسـاره
خطوات أنثى غير متواجد حالياً   رد مع اقتباس
قديم 09-04-2011, 12:43 AM   #3
خطوات أنثى
متداول نشيط
 
تاريخ التسجيل: Mar 2010
المشاركات: 2,959

 
افتراضي

ما كل ما يسمع من الناس ينقال
اشكل كلام الناس مثل الدعابه

اسمع ودع تسلم من القيل والقال
لوقلت كلمة طوروها حكايه

السر خله من وراء سبعة اقفال
وراقب مفاتيح الضمير بعنايه

لا تحسن الظنات في كل الاحوال
خلك حريص ولاتسوي كمايه

ماكنت افرق بين طيب وبطال
حتى جمعت من التجارب كفايه

ورتني الايام في كل رجال
علامة ما تكتشفها المرايه

ورتني الايام في الناس عقال
ماتنخدع بين الفتن والوشايه

ورتني الايام في الناس جهال
دار الزمان ولالهم به درايه

ولقيت في الدنيا تجاريب وامثال
ميزت فيها صاحبي من عدايه

لقيت بعض الناس صاحب ومحتال
يضحك معي ويسبني في قفايه

ولقيت بعض الناس للهرج نقال
تلقاه نقل الهرج عنده هوايه

بعض البشرشيطان في ثوب وعقال
وكل شيطان دواه القرايه

هذا دواه البعد لو عشت رحال
حيث الردي فرقاه غاية منايه


دار بها يمسي الفتى خالي البال
ودي بها لو كان ما القى عشايه

وان كان مال الوقت والوقت ميال
اصبر على جرحي وادور دوايه

واشيل همي في ضميري ولو طال
رجاي في اللي مايخيب رجايه

رب كريم يبدل الحال بالحال
ويطيب جرحي من خلاي بخلايه

وليا زبنت ازبن على طيب الفال
اللي يهلي يوم يسمع ندايه

ارفع مقام النفس عن كل الانذال
واشوف لي ناس على مستوايه
خطوات أنثى غير متواجد حالياً   رد مع اقتباس
قديم 09-04-2011, 01:07 AM   #4
خطوات أنثى
متداول نشيط
 
تاريخ التسجيل: Mar 2010
المشاركات: 2,959

 
افتراضي

× مايخلّي حالة الرجـّـال حاله .. غير بنت في مواقفها رجــوله×
خطوات أنثى غير متواجد حالياً   رد مع اقتباس
قديم 09-04-2011, 07:34 PM   #5
فارسة الكلمه
كاتبة مميزة
 
تاريخ التسجيل: Dec 2008
المشاركات: 11,643

 
افتراضي

عزالله انك بنت رجال واخت رجال يحي اصلك والله ماعاد بها رجولة الا من رحم ربي
وانا بعد انطيك هذا القصيد مني طازج
قلبت الرجال كلهم على كف ومزاج ومجلاس++++لقيتهم هذور الكلام والرجال افعال ودروس تدرس
فارسة الكلمه غير متواجد حالياً   رد مع اقتباس
قديم 10-04-2011, 12:18 AM   #6
خطوات أنثى
متداول نشيط
 
تاريخ التسجيل: Mar 2010
المشاركات: 2,959

 
افتراضي اسعدني مرورك يالغاليه ..

اقتباس:
المشاركة الأصلية كتبت بواسطة فارسة الكلمه مشاهدة المشاركة
عزالله انك بنت رجال واخت رجال يحي اصلك والله ماعاد بها رجولة الا من رحم ربي
وانا بعد انطيك هذا القصيد مني طازج
قلبت الرجال كلهم على كف ومزاج ومجلاس++++لقيتهم هذور الكلام والرجال افعال ودروس تدرس

ماعليك زود يالطيبه تحيي وتدومي .. هلا وسهلا نورتي صدقتي الا من رحم ربي

وصح لسانك لكن الرجال ماهم بس فعل الاااا قول وفعل وتراهم مخابر ماهم مناظر
خطوات أنثى غير متواجد حالياً   رد مع اقتباس
قديم 10-04-2011, 01:11 AM   #7
الهـــــارف
مشرف
 
تاريخ التسجيل: May 2005
المشاركات: 19,685

 
افتراضي

اقتباس:
المشاركة الأصلية كتبت بواسطة خطوات أنثى مشاهدة المشاركة

ماعليك زود يالطيبه تحيي وتدومي .. هلا وسهلا نورتي صدقتي الا من رحم ربي

وصح لسانك لكن الرجال ماهم بس فعل الاااا قول وفعل وتراهم مخابر ماهم مناظر
الهـــــارف غير متواجد حالياً   رد مع اقتباس
قديم 10-04-2011, 02:09 AM   #8
( ابوخالد )
متداول نشيط
 
تاريخ التسجيل: May 2005
المشاركات: 1,189

 
افتراضي

الله يعطيك العافية خطوات ..

في هذا الزمان صعب تحديد الرجل الحقيقي من غيره ولم يعد "للمرجلة "آي أساس قوي

ربما تمر شهور أو سنوات حتى تكتشف أن الذي أمامك رجل أو شبه رجل ..

في وقت مضى كان التفريق بينهم سهل .. فـ الوضـع "أول " كان يختلف .. كان هناك ..

( كرم .. حروب .. شهامة .. جوع .. خوف .. ) وهي أختبارات صعبة وحقيقية للرجل ..

أما في هذا الزمن .. صعب والله .. الوضع تبدل .. فـ المناصب لا تعرف المرجلة ..

والتجارة لا تعرف المرجلة .. والشهادة لا تعرف المرجلة .. يعني أختلطت المفاهيم ..
( ابوخالد ) غير متواجد حالياً   رد مع اقتباس
قديم 11-04-2011, 01:31 AM   #9
سحابه خير
متداول نشيط
 
تاريخ التسجيل: Nov 2010
المشاركات: 769

 
افتراضي

اقتباس:
المشاركة الأصلية كتبت بواسطة فارسة الكلمه مشاهدة المشاركة
عزالله انك بنت رجال واخت رجال يحي اصلك والله ماعاد بها رجولة الا من رحم ربي
وانا بعد انطيك هذا القصيد مني طازج
قلبت الرجال كلهم على كف ومزاج ومجلاس++++لقيتهم هذور الكلام والرجال افعال ودروس تدرس
كتاب مطالعه مهوب بيت شعر
سحابه خير غير متواجد حالياً   رد مع اقتباس
قديم 11-04-2011, 01:48 AM   #10
نجدية
كاتبة مميزة
 
تاريخ التسجيل: Mar 2005
المشاركات: 17,076

 
افتراضي

اقتباس:
قلبت الرجال كلهم على كف ومزاج ومجلاس++++لقيتهم هذور الكلام والرجال افعال ودروس تدرس
اشرحو البيت السابق مع استخراج معاني المفردات ومايستفاد



سحابه وشلون ظهرتس عقب التسقيط جعل حمولتس الصرصخ اللي يمسط بهم

نجدية غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:15 AM. حسب توقيت مدينه الرياض

Powered by vBulletin® Version 3.8.3
Copyright ©2000 - 2024, Jelsoft Enterprises Ltd.