سوق يحكمه المساهمين...

[واحد طاير]

السلام عليكم. أنا لاحظت شي من خلال هالفتره اللي مرت. الناس للحين كثير منها مو فاهم اننا في سوق يحكمه المساهمين. حقيقه جت أخبار من هنا وهنا وأنعشت السوق بس شوفوا كثير منها بس أخبار وتوها ماصارت وتشوف السوق وصل تقريبا 4500 نقطه. هذا ما يعني لكم شي؟!؟! ترا ماوصل الا باذن الله ثم ثقتكم كلكم فيه. وهذا النزول عطوني مبرر واحد له. كلن بيقول شي من عنده بس ما أحد بيعطيك جواب هو مقتنع فيه. ترا السوق نازل صح بس اللي ساعده ينزل انه واجد قاعدين يبيعون, بس لو كلن مسك حلاله وما باعه بسعر هو اصلا مو مقتنع فيه, كان ما صار كذا وكان رجعنا المؤشر في الموجب, علشان كذا لا أحد يقعد ويصرخ الهوامير خسفوا فينا. تعلموا تمسكون حلالكم بعدين اتهموا غيركم. وفي النهايه ابي اقول ان ما كان قصدي تجريح لي أي واحد بس قلته غيره على اخواني وان شاء الله يحدث بعد عسر يسرا...
*** ملحوظه*** : أدري انه في ناس اللي حاطينه بالسوق هو كل حلالهم وبعضهم مستلفين علشان كذا هجوا وأنتم مو مقصودين بكلامي لاني ادري في ظروفكم لاحول لكم ولا قوه والله يعوض عليكم وعلى جميع المسلمين...