يا متداول الأسهم، هل صنّفت نفسك؟

شيرز · 07-10-2003, 07:16 PM

يقال - والعهدة على الرّاوي - أن المضاربين ( أو بالأصح متداولي الأسهم ) 3 أنواع:
الأول: الجبان

وهو اللي إذا شاف السهم بدا ينزل باع اللي عنده على طول و مابين عيونه ان السهم يبي يدحدر إلى الحضيض والسهم مانزل الا 1% ،، و إذا بدأ يطلع إشترى وهو يقول هذي الفرصة.
الثاني: المتردد :confused:
وش رايك يابوفلان أبيع وإلا اصبر .. هاه .. أبيع ،، لا لا ابصبر شوي أغديه يرتفع يرتفع... والله يابوعلاّن نزل زود،، هاه أبيع وش قلت "أبيع" لا والله ابصبر شوي محاريه محاري طلعه.... ونفس السالفه بالشراء ،، هاه يابو فلان أشتري ،، لا شوي،، مواريه مواري نزله،، ويروح السوق ماشرا ولا باع!
الثالث: الواثق (اللي بايعها) :cool:
إذا نزل السهم مايبيع اذا قل عن راس المال،، يخلّيه الى ما شاء الله حتّى يرتفع ويغطي راس ماله مع مكسب المده اللي حجز فلوسه فيها.. وإذا إرتفع السهم وبدأ يمشي 1%، 2%، 3% وشاف التصاعد "مع قلة العرض" توكل على الله وإشترى بدون تردد. يعني بيع "بيع الآن" .. إشتر "إشتر الآن" مافيه ثلث لثلاثه كم، حارّ بحارّ.

هل صنّفت نفسك من بين الثلاثة الآن؟ حسنا .. حسنا .. حسنا..
النوع الأول، دائما مايضيع،، ولا يروح فيها إلا - المساكين - أصحاب النوع الأول من المتداولين. وهم أكثر المتداولين خساره، يعني يروحون فيها طعم جحوش يعني "طعم هوامير" والحقيقة ان الهوامير - إذا بدوا يلعبون بالسهم - عايشين من لحم كتوف هاالمساكين.
النوع الثاني تصدف معهم أحيانا،، لكن يفوّتون عليهم فرص الى أبو موزه، لكنهم يسوون قلق للهوامير.
النوع الثالث، اللي بايعها (أكثرهم من الهوامير) لإن الدّراهم عندهم مثل العبس "الفصم" لا نزل السهم ، نام عليه

مادري ان عنده شي،،، و إذا كان من غير فئة الهوامير، لو يحتد على السلف ما يبيع الين يرجع سعر السهم على ماحسب حسابه عليه .. وهم أكثر المتداولين نجاحا (بعد توفيق الله)

بالنسبه لي انا أصنّف نفسي من النوع الرّابع "4" لأني طفران، يعني ماهنا عبس "فصم" تسوى الشغل،، يالله 20 سهم المكيرش،، لا وبالدّف (حق الضحية).

وأخيرا،، النصيحة تقول: لا تضع كل البيض في سلّة واحدة.. لو طاحت تفقّش كل اللي عندك،، يعني رحت فيها. (الله يحفظ الجميع)

والله أعلم

saleh5005 · 07-10-2003, 08:47 PM

كلام واقعي ويمثل حال المساهمين

السعودي · 08-10-2003, 12:36 AM

طيب اخوي وش رايك باللي حاط له مبلغ معين خاص بالاسهم يشري من ذا وبيع هذا حسب السوق والسوق يبين من اول نصف ساعة اذا والله كسب له ريال والا ريالين باع حسب الكمية ولو ينقص نص ريال باع واستفاد من القروش لغيره لان هالايام السهم اللي اليوم كسبان بكرة يكون هو اول واكثر واحد خسارة وكأن السوق فيه واحد يلعب الناس على كيفه يعني لا فيه ارتفاع مستمر ولا فيه انخفاض مستمر
مثل اللي تفكيره وشغله كذا يكون من اي صنف

الكناني · 08-10-2003, 02:01 AM

طيب وايش رايك بالنوع الخامس
اللي يشتري اول السنه ويبيع بعد ما ياخذ الارباح

شيرز · 08-10-2003, 05:04 PM

اقتباس:

كاتب الرسالة الأصلية السعودي
طيب اخوي وش رايك باللي حاط له مبلغ معين خاص بالاسهم يشري من ذا وبيع هذا حسب السوق والسوق يبين من اول نصف ساعة
.
.
مثل اللي تفكيره وشغله كذا يكون من اي صنف

الحبيب السعودي،، أخطر أوقات السوق أول نصف ساعه،، ماتنفعك الا بالبيع "نصيحة لا تشتري أول السّوق".

الصراحة التصنيف اللي ذكرته قريت عنه في مجلة متخصصة بالأسهم الدوليه،، وهذا وانا أخوك بعيد كل البعد عن سوقنا الحاليّة للأسهم ( لأن السوق يحركها كبار مالكي الأسهم .. تدوير السهم ).. وأنت اذا شفتهم بدوا باللعب بأي سهم ادخل معهم اذا وصلوا - تقريبا - أخر مرحلة لتنزيل سعر السهم اشتر،، بعدها مباشره يبدون برفع السهم ،، بيع اذا وصل لسعره الأساسي يعن " قبل مايبدون لعبتهم بتنزيل سعره " هذي تطلّع منها شيء ( بعد توفيق الله ) لكن يبيلك تعرف ايّ الأسهم المملوكه أكثريتها من قبل 3 الى 5 مساهمين ( هوامير ) .. وهذي يبغالها معرفة جيّده بأحد وسطاء التداول بالبنوك.

والله أعلم

شيرز · 08-10-2003, 05:18 PM

اقتباس:

كاتب الرسالة الأصلية الكناني
طيب وايش رايك بالنوع الخامس
اللي يشتري اول السنه ويبيع بعد ما ياخذ الارباح

الحبيب الكناني، هذا لايمت للمضاربين بأي صلة ولكن يمكن تصنيفه من النوع " الملبد " ( بسكون اللام ) بمعنى أصح اللي ينام على السّهم وهذا يشتري كمستثمر وليس كمضارب

جعلي ( أنا واللي يبي منكم ) أنضرب كل يوم على راسي بحزمة خمسميّات، على شرط ماتعدّى العشرة آلاف ريال ( ماهو قل طمع، لكن علشان ما تفلق ). :)

ســبــر · 08-10-2003, 05:35 PM

اضف صنف المناحيس لو سمحت لانهم يتواجدون بكثره وانا اولهم
:cray:

07-10-2003, 07:16 PM	#1
شيرز متداول جديد تاريخ التسجيل: Apr 2003 المشاركات: 96	يا متداول الأسهم، هل صنّفت نفسك؟ يقال - والعهدة على الرّاوي - أن المضاربين ( أو بالأصح متداولي الأسهم ) 3 أنواع: الأول: الجبان وهو اللي إذا شاف السهم بدا ينزل باع اللي عنده على طول و مابين عيونه ان السهم يبي يدحدر إلى الحضيض والسهم مانزل الا 1% ،، و إذا بدأ يطلع إشترى وهو يقول هذي الفرصة. الثاني: المتردد :confused: وش رايك يابوفلان أبيع وإلا اصبر .. هاه .. أبيع ،، لا لا ابصبر شوي أغديه يرتفع يرتفع... والله يابوعلاّن نزل زود،، هاه أبيع وش قلت "أبيع" لا والله ابصبر شوي محاريه محاري طلعه.... ونفس السالفه بالشراء ،، هاه يابو فلان أشتري ،، لا شوي،، مواريه مواري نزله،، ويروح السوق ماشرا ولا باع! الثالث: الواثق (اللي بايعها) :cool: إذا نزل السهم مايبيع اذا قل عن راس المال،، يخلّيه الى ما شاء الله حتّى يرتفع ويغطي راس ماله مع مكسب المده اللي حجز فلوسه فيها.. وإذا إرتفع السهم وبدأ يمشي 1%، 2%، 3% وشاف التصاعد "مع قلة العرض" توكل على الله وإشترى بدون تردد. يعني بيع "بيع الآن" .. إشتر "إشتر الآن" مافيه ثلث لثلاثه كم، حارّ بحارّ. هل صنّفت نفسك من بين الثلاثة الآن؟ حسنا .. حسنا .. حسنا.. النوع الأول، دائما مايضيع،، ولا يروح فيها إلا - المساكين - أصحاب النوع الأول من المتداولين. وهم أكثر المتداولين خساره، يعني يروحون فيها طعم جحوش يعني "طعم هوامير" والحقيقة ان الهوامير - إذا بدوا يلعبون بالسهم - عايشين من لحم كتوف هاالمساكين. النوع الثاني تصدف معهم أحيانا،، لكن يفوّتون عليهم فرص الى أبو موزه، لكنهم يسوون قلق للهوامير. النوع الثالث، اللي بايعها (أكثرهم من الهوامير) لإن الدّراهم عندهم مثل العبس "الفصم" لا نزل السهم ، نام عليه مادري ان عنده شي،،، و إذا كان من غير فئة الهوامير، لو يحتد على السلف ما يبيع الين يرجع سعر السهم على ماحسب حسابه عليه .. وهم أكثر المتداولين نجاحا (بعد توفيق الله) بالنسبه لي انا أصنّف نفسي من النوع الرّابع "4" لأني طفران، يعني ماهنا عبس "فصم" تسوى الشغل،، يالله 20 سهم المكيرش،، لا وبالدّف (حق الضحية). وأخيرا،، النصيحة تقول: لا تضع كل البيض في سلّة واحدة.. لو طاحت تفقّش كل اللي عندك،، يعني رحت فيها. (الله يحفظ الجميع) والله أعلم

07-10-2003, 08:47 PM	#2
saleh5005 صالح - فريق المتابعة اليومية تاريخ التسجيل: Aug 2003 المشاركات: 5,087	كلام واقعي ويمثل حال المساهمين

08-10-2003, 12:36 AM	#3
السعودي متداول نشيط تاريخ التسجيل: Sep 2003 المشاركات: 320	طيب اخوي وش رايك باللي حاط له مبلغ معين خاص بالاسهم يشري من ذا وبيع هذا حسب السوق والسوق يبين من اول نصف ساعة اذا والله كسب له ريال والا ريالين باع حسب الكمية ولو ينقص نص ريال باع واستفاد من القروش لغيره لان هالايام السهم اللي اليوم كسبان بكرة يكون هو اول واكثر واحد خسارة وكأن السوق فيه واحد يلعب الناس على كيفه يعني لا فيه ارتفاع مستمر ولا فيه انخفاض مستمر مثل اللي تفكيره وشغله كذا يكون من اي صنف

08-10-2003, 02:01 AM	#4
الكناني الكناني تاريخ التسجيل: Jul 2003 المشاركات: 15,622	طيب وايش رايك بالنوع الخامس اللي يشتري اول السنه ويبيع بعد ما ياخذ الارباح

08-10-2003, 05:35 PM	#7
ســبــر متداول نشيط تاريخ التسجيل: Jun 2003 المشاركات: 539	اضف صنف المناحيس لو سمحت لانهم يتواجدون بكثره وانا اولهم :cray: