أنظمة الموقع | تداول في الإعلام | للإعلان لديـنا | راسلنا | التسجيل | طلب كود تنشيط العضوية | تنشيط العضوية | استعادة كلمة المرور |
|
||||||||||||||||||||||||||
|
10-12-2010, 07:36 PM | #151 |
متداول نشيط
تاريخ التسجيل: Feb 2008
المشاركات: 873
|
سلمت اناملك وابداعك
اعجبتني جدا فجائه على الجوال جاني اتصال وهناك تناقض على القصيده الثانيه ربعي وردني تاللي الليل جوال مبدع وشامخ تشدني قصائدك فيها الفكاهه |
10-12-2010, 10:02 PM | #152 | |
فريق المتابعة اليومية
تاريخ التسجيل: Sep 2010
المشاركات: 6,277
|
اقتباس:
كان فيه خطاء أملائي يا الاخت الغاليه الماجده وهنا تصحيح للبيت الاولي من القصيده مشكوره على المتا بعه والتنبيه كوني كذلك موجه ومعلمه جزاك الله كل خير وعا فيه تحيتي وأحترامي (( حــتــى وردنـي تالـي الـليـل جــوال)) |
|
11-12-2010, 10:30 AM | #153 | |
متداول نشيط
تاريخ التسجيل: Feb 2008
المشاركات: 873
|
اقتباس:
الف شكر على تواجدك وطرحك |
|
11-12-2010, 12:48 PM | #154 |
فريق المتابعة اليومية
تاريخ التسجيل: Sep 2010
المشاركات: 6,277
|
الاخت الغاليه الماجده
مشكوره على المتا بعه والتوضيع أختي لا بد أن يكون فيه أختالف في القصائد وإلا كانت ضمن المتشا بهات التي ذكرتها في الكتا ب الذي جمعه الاستاذ فهد العريفي وكان له دور في الفصل بين القصائد التي تتشا به في قا فيتها مما كان يخلط الرواه بين القصيدتين وكان تنسب لشاعر واحد بينما القصائد كانت لعدد من الشعراء ولكن كانت على قا فيه واحده مما حدى بالمؤف المذكور أن يفصل بينهما عن طريق الرواه كبار السن كما قال في الكتاب في المتشا بهات من القصص والقصائد أرجو أن أكون وفقت في التوضيح تحيتي وأحترامي للجميع |
11-12-2010, 12:49 PM | #155 |
فريق المتابعة اليومية
تاريخ التسجيل: Sep 2010
المشاركات: 6,277
|
هذا واحد حاول يرقم وحده ومارضت تقول هذا بدوي يا بنت ياللي بالعليا تمشين = على الشبح يابنت ليل ونهاري نوبن على الشعله تروحين وتجين = ونوبن على طيبه ونوب صحاري ونوبن اشوفك راكبه بين ثنتين= فالتحليه مابين غادة وساري ونوب اشوفك بالمطاعم تعشين= في مطعم يابنت مكشوف عاري اللبس خالع كان يابنت تدرين= والبنطلون الجنز بين مواري لبسك كما هيفاء وروبي ومدلين= اللي على الشاشات هز الخصاري ابوك ضايع بين لبنان والصين= وامك مع السايق تلف الحواري واخوك فالمقهى معسل وتدخين= واختك على النت اللعينه سهاري وعمك يخزن داخل البيت تخزين= وخالك يدق العود يالليل ساري وانتي تسبين البدو ياملا الشين= اهل الكرم متحفظين العواري انا بدوي يابنت كانك تخبرين= البدو حنا خط ميتين ناري انا بدوي قبل امس واليوم والحين= ماينحني راسي ولا فيه طاري يا بنت ياللي بالعليا تحومين= ترا الصقور تحوم لجل الحباري |
11-12-2010, 12:51 PM | #156 |
فريق المتابعة اليومية
تاريخ التسجيل: Sep 2010
المشاركات: 6,277
|
يابنت ياللي بالقصايد تغنين
جوزي عن الاشعار وش لك بالاشعار خليك بالمطبخ وغسل المواعين صعبه ترى يابنت تتغير الادوار خليه لاهل الشعر يابنت تكفين وانتي لك البكله .. وروج .. واستشوار تدرين ولا كان مانتي بتدرين ترى قصايدكم طماطم مع خيار شعر مكسر خالي من المضامين ذوق جماهير الشعر طعم الامرار والبيض عند الشاعرة اسمه التين ولاشافت الجربوع تقول ذا فار والشاعرة لو عمرها بالثمانين تكذب وتعلن عمري بعمر الازهار تستخدم الميك اب وتكحل العين واصغرهن اللي عمرها عمر سنجار الشعر وين وشاعرات الغثا وين طاحن بكبد الشعر لين الشعر ثار وهذا رد عليه : المشكله ياخوي احلى الدواوين تحلى بوصف البنت والقاف يحتار الله عطاها وصخر الشعر للزين والبنت ماتنعاب في مطبخ الدار العيب في بنت(ن)تقود الشياطين ماتعرف المطبخ ولاتعرف الجار تعرف تمشى وسط الاسواق وتبين في لبسها في زولها ونظرة العار تلبس عباه مخصره والهدف شين تضحك على الرايح وتعاكس المار تاخذ رقم مسكين مخدوع بالعين وتجمع رصيد ارقام والكاش تختار وتصد عنه لعلن افلاس أو دين وماهما ذيك الهدايا والأسوار تامر على السواق وتعطيه الفين من شان مايسئل ولايقول ماصار عطني وانا اعطيك من كاف او سين اسرق تسلف لو بعد تلعب اقمار هذي الصراحه بينتها العناوين مابين بنت وبنت وانهار وابحار بنت(ن)لعنها الله شرفها على ثنين وبنت(ن)رفعها الله مع الناس مقدار بنت الرجال الي على العهد وافين اليا نخيته ياو فلانه00 يالاحرار ابشر بعزك جاك لو اخره وين مايرتخي عزمه على الضيم صبار لو قلت ثم قلت من حين لي حين صعب(ن) أوفي حقهم حق الابرار تبي الصراحه الفرق مابين ثنتين ناس تبلى الشعر والشعر مشوار وناس سوالفهم شعر وسط بيتين بيت المشاعر وبيت الاحساس جبار في شعرهم طيب وكرم وكلمة اهلين في شعرهم معنى وحكم تمنع اضرار مثل الجمل لاطاح مثل المسنين كثرت سكاكينه وحاطوه الاشرار و لاتامن الخاين وربع(ن)ملاعين الي يخونك يرجع يخون تكرار والاوله راعيه مايلحقه شين لو ترخص الغالي وتفديه الاعمار تدري وعود الحر ياصاحبي دين والي بدا بالشرط تاليه أنوار والشعر بحر(ن)فيه لافي ومقفين مايحكمه بنت ورجل وشبك وجدار الشعر ماهو طبخ أو قطع سكين ومكوناته ماهي ابزار واصرار الشعر احساس وانفاس دافين غيمة وسط صحرى ومشاعرها امطار البنت شوفتها شعر يامجانين والشعر لولا البنت مامثل أدوار كم ليلة(ن)شعارها ناس واطين دخان 00 ضيق انفاس واحساس00 في بار وكم ليلة (ن)شعارها والمقيمين من نسل قوم(ن)مايهابون الاخطار وكم منتدى فيه العجب والمحبين وكم ذيب وسطه لاعوى يلفت انظار وكم قسم يرسم في رسالة وليفين وكم كان كم وكم خانات الاسعار واحد ثلاثه اربعه والثلاثين بليون ميه واحد ثنين أصفار وكم فرقت وجهة نظر بين شخصين وكم ود باقي في خلافات وحوار الله يديم الود ويعين ويعين من هو يعاني من صواديف الاقدار ارجو السموحه كان بالهرج تطعين شديتني واشتد هرجي والاشبار |
11-12-2010, 12:52 PM | #157 |
فريق المتابعة اليومية
تاريخ التسجيل: Sep 2010
المشاركات: 6,277
|
يابنت ياللي بالهواتـف تسليـن
عصر الهواء والحب يابنت ولّـى لاتسهرين الليل والناس ممسيـن مـع غشيـمٍ بالمحبـه تسلّـى اليوم يخضعلك وزين على زيـن وليا تمكـن منـك قـام يتغلّـى ان كان يطلب منك ماحرمه الدين وإليا رفضتي راح منك وتخلّـي مجهول صوته ماتعرفينه من وين يومٍ غرامه فـي فـؤادك تعلّـى هذي الحقيقه كان ودّك تعرفيـن طيش الصبا لابد عنـك يتجلّـى وش فايدة لو باخر الامر تبكيـن مايرجع اللـي راح دمـع يهلّـى تكفين يابنـت الاجـواد تكفيـن البنت دايم فـي شرفهـا تحلّـى |
11-12-2010, 12:52 PM | #158 |
فريق المتابعة اليومية
تاريخ التسجيل: Sep 2010
المشاركات: 6,277
|
يابنت ياللـي تلبسيـن الفرنسـي ii" " وتمسسينـه فـوق ...... iiمسّـا
حمستي قلوب المساكين حمسـي ii" " واللي يشوفك طال ليله ولا iiامسـا الناس ترها يـا البنيـه تحسّـي ii" " لا تحسبين ان العرب مـا iiتحسـا وانتي عرضتي والبضاعه تعسّـي ii" " واللي يطب السوق مثلـك iiيعسّـا ابديتي اللـي كـان لازم يدسّـي ii" " اللي عن عيون الخلايـق iiيدسّـا واليوم قدمتيه في وسـط تبسـي ii" " وقلتي لجمهور الجويعيـن iiكبسـا لين اجتمع وايل وهيثم وعبسـي ii" " مثل البساس اليا اروحت ريح iiبسا وجيههم مثـل المرايـات ملسـي ii" " وعيون مـرطٍ والمناخيـر iiفنسـا لاما التفت كنه مجبّـس بجبسـي ii" " خايف على الغتره تعطّف iiوتقسـا كنه مربّط فـوق علبـاه حلسـي " " ودك تسوقه بين الاسنـان iiبقسـا بنت الرجال اللي على الخيل ترسي " " اللي وراهم يشبع الذيـب iiفرسـا قامت تغنّج بين كدلـك وجمسـي ii" " واحمس قلبي من فعايلـك حمسـا شومي عن اهل الدندنه والمجسي ii" " اللي ليا ذكروا هل الطيب iiيخسـا ذولاك ما يسوون يابنـت فلسـي " " لو جتهم الهيئه يروحـون دعسـا نسيتي ان اللي خلق جن وانسـي ii" " يمهل ولا يهمل ولا هـوب iiينسـا قادر على انه يحبس الروح حبسي ii" " في ساعةٍ كل المخاليـق iiخرسـا ارخي العبايه خلّي العود مكسـي ii" " حتى يجي عندك عريسٍ iiوعرسـا تبنين جيلٍ يغرس الطيب غرسـي ii" " جيلٍ خذا في سلم الاجـواد iiدرسـا |
11-12-2010, 12:53 PM | #159 |
فريق المتابعة اليومية
تاريخ التسجيل: Sep 2010
المشاركات: 6,277
|
يابنت ياللي لك من الطهر عاده
سموك باسمك لانك اطهر من الغيم الله عطاك الزين حكم واشاده لامن ظهرتي تذهلين المعازيم الحزن يومه يغتصب هالسعاده ماخلفو غير الوجع لحظه الضيم لكن شعورك ما اداني بعاده لاغاب صوتك اسرد السين والجيم ويومك تقول ان الوصل لا اراده وان القصايد في كتابك مهازيم منتا نصيب القلب ولنتا مراده انا عشقت وعاشقي زاد تعتيم على شعوري وانصدمت فبلاده كنه وطن ضيقه على جوه يخيم يحكم على قلبي ذبول و إباده وانا شعوري بحاجه شوي ترميم يابنت صوتك شرب قلبي وزاده لا تقتلين بيوت عاشن مظاليم هاتي يدك صوب الامل واعتماده لا مايخيب الظن يانشوه الديم نرحل لبعد الشوف لابعد مداده واعيش انا وياك خلف الاقاليم لان الوصل حلمي وشوفك حصاده وانتي بجمبي والقصايد محازيم لاقلت احبك مايبيلك شهاده شوفي عيوني تحتضن دمعه يتيم |
11-12-2010, 12:54 PM | #160 |
فريق المتابعة اليومية
تاريخ التسجيل: Sep 2010
المشاركات: 6,277
|
يابنت ياللي عمرها صدر وردوف بيض محاجرها وحلو نباها ودي بشوفك مير يوم اقصر الشوف عيني بعد هاك الرمد قل ماها سويت لي يابنت بالعين معروف بأسباب رجل بعدتها خطاها والا ترى قلبي ليا اصطك بالجوف اومى بحالي لين تابس عصاها |
مواقع النشر (المفضلة) |
|
|