تقرير البورصة المصرية الأسبوعى

[khatwamasreyya]

السلام عليكم ورحمة الله وبركاته


أقدم لكم التقرير الأسبوعى للمحلل الفنى وائل يحيى محلل فنى معتمد دولياً وحاصل على شهادة CFT (مؤسسة خطوة مصرية كورسات تحليل فنى للأسواق المالية)


التقرير يصدر أسبوعياً وأطلب من الإدارة تثبيت الموضوع ليستفيد كل أعضاء المنتدى


لتحميل التقرير للأسبوع الثانى من ديسمبر 2011 (18 ديسمبر 2011 )


*يتناول التقريررؤية فنية للاّتى وقريباً مزيد من الأسهم كل أسبوع إن شاء الله

1- مؤشرات البورصة المصرية

2- قطاعات البورصة المصرية

3- أسهم قطاع البنوك

(التجارى الدولى / الأهلى سوستيه جنرال / الوطنى للتنمية / البركة / التعمير والأسكان /كريدى أجريكول / المصرى الخليجى)

4-أسهم قطاع الإنشاء والصناعة

(أوراسكوم للإنشاء والصناعة / الصعيد العامة للمقاولات / الجيزة / ليفت سلاب / العربية للمحابس )

* ورجاءً مشاهدة فيديو كيفية قراءة تقرير البورصة المصرية لتستطيع اتخاذ قرارك .

* ولمشاهدة فيديو مؤشرات وقطاعات البورصة المصرية

بالتوفيق ومع تحيات فريق خطوة مصرية

[khatwamasreyya]

فيديو كيفية قراءة تقرير البورصة المصرية

[khatwamasreyya]

لا أعلم يرفض المنتدى لينك للميديا فاير الذى يوجد به التقرير http://www.**************/?olilrg808lqy3za

[khatwamasreyya]

لينكات الفيدويوهات والتقرير

تقرير البورصة المصرية 18 ديسمبر 2011

http://www.4shared.com/office/3XzXJVMP/18_DEC_2011_2.html

فيديو كيفية قراءة تقرير البورصة المصرية

http://youtu.be/xcF5EPN7U60

فيديو مؤشرات البورصة المصرية لشهر ديسمبر

http://youtu.be/J4bqA5qU4lw

فيديو قطاعات البورصة المصرية لشهر ديسمبر

http://youtu.be/K8s-pgnuq1Y

[khatwamasreyya]

السلام عليكم ورحمة الله وبركاته

السادة أعضاء المنتدى

هنتكلم هنا عن ثورة 25 يناير وطبعاً مش هنتكلم فى السياسة نهائياً وعايزين نعرف هل الثورة هيه اللى أثرت على البورصة يوم 25 يناير 2011 ولا أساساً البلد كان فيها ضعف اقتصادى مش عايزين نتكلم فى السياسة , ناهيك كمان عن خسارة مستثمرين كبيرة جداً وتجار وسماسرة اتأخروا فى الخروج جداً ده غير اللى قاعد فى السوق لغاية دلوقتى

, غير اللى دخل السوق برده قبل الثورة وبعدها كمان بنتكلم عن شهر يناير بالذات .

يعنى نسأل نفسنا سؤال هو السوق كان مكمل صعود مثلاً والثورة اللى قضت على صعوده .

كلامنا كله هيكون عن علم التحليل الفنى وازاى كان لازم أتجنب كله الهبوط اللى حصل ده .

وكمان كان فى اشارات خروج من مؤشرات البورصة وحتى الأسهم القيادية التى تقود كل قطاع مهو الناس بقى بتقولك ( الثورة هيه اللى خسرتنا كنا ماشيين كويس منهم لله اللى فى التحرير , شوية عيال ضيعوا البلد ) وأصلاً البلد كانت ضايعة من غير أى ثورة .

والبورصة أساساً كانت خروج نهائياً وانتظار وهنثبتلكم بالرسوم البيانية كانت فين اشارات الخروج الواضحة ورؤية السوق كانت ايه قبل حدوث الثورة .

وهنفترض مع بعض ان احنا رجعنا بالزمن للوراء / والمفروض كنا نعمل ايه.

يا جماعة أى سوق مالى فى العالم مش فهلوة ولا قمار ولا حظ , والتحليل الفنى هو علم دراسة الرسوم البيانية بغرض التنبؤ بالأسعار المستقبلية .

والبورصة مرآة لأقتصاد أى دولة فى العالم وعن طريق علم التحليل الفنى احنا ممكن نتنبئ بما سوف يحدث فى أى سوق مالى فى المستقبل سواء سلبياً أو ايجابياً وبغض النظر عن ما هو السبب المؤثر لأن كل الأسباب دى هتنعكس على الرسوم البيانية .

* وتعالوا نحلل مؤسرات البورصة المصرية والأسهم القيادية ونشوف ما هو القرار بناءً على أننا قبل حدوث الثورة .

ونشاهد ما هى رؤية المحلل الفنى وائل يحيى ( محلل فنى معتمد دولياً وحاصل على شهادة ال CFTe ).

أولاً :- مؤشر EGX30

المؤشر فى اتجاه عرضى بين 5800 دعم و 7300 مقاومة ولم يستطيع المؤشر كسر المقاومة فى شهر أكتوبر 2009 وشهر مايو 2010 والنهارده المؤسر وبعد مدة أسبوعين لا يستطيع اختراق المقاومة ومش قادر حتى يقفل فوق المستوى وكمان عندنا رؤية لمدة سنتين مش قادرين نكسر مستوى ال 7300 .

اذن فما هو العذر لبقائك فى السوق حتى ذلك اليوم .

وده تشارت للمؤشر EGX30 حتى يوم 16/1/2011 قبل الثورة .

طبعاً كلنا شايفين التشارت ومكان الخروج فين عند المربع الأحمر على اليمين فوق وطبعاً احنا دلوقتى لافى ثورة ولأى حاجة واضح جداً ان لازم كنت تخرج النهاردة لأن بكرة ده اللى حصل بعد كده .

لو كنا خرجنا عند المقاومة كنا تجنبنا الخسارة اللى حدثت فى المؤشر لاحظ أننا نتحدث بالرسوم البيانية يعنى لم نقول لو بس الثورة مطلعتش ولكنا قولنا ( لو أننا خرجنا عن المقاومة مستوى ال 7300 )

ثانياً:- مؤشر EGX70

المؤشر أساساً فى اتجاه عام هابط طويل الأجل والاتجاه الصاعد اللى كلنا شوفنا من يوليو 2010 الى أول يناير 2011 هو اتجاه صاعد متوسط الأجل ضد الاتجاه العام الهابط تصحيح يعنى وأى اتجاه صاعد بيكون شراء على خط الاتجاه وبيع عند خط القناة زى ما موجود على التشارت وطبعاً كلنا شايفين ازاى كل مرة بنروح عند خط القناة وننزل تانى ومن عند خط الاتجاه بنصعد تانى وهكذا .

وواضح جدا ان احنا النهاردة 16/1/2011 وصلنا لخط القناة من يومين كمان قبل كده يوم 12/1/2011
ويوم 13/1/2011

طبعاً كل اللى مخرجش من السوق شاف الهبوط ده اللى كلنا شفناه لاحظ هنا أن احنا بنقول مخرجش عند خط القناة مش بنقول ثورة لأن لسه الثورة محصلتش .

النهاردة 16/1/2011 وبقالك من 12/1/2011 مخرجتش فايه هو السبب اللى مخلكش تخرج النهاردة .

ثالثاً:- قطاع السياحة

1- المنتجعات السياحية ( السهم الرائد لقطاع السياحة )

اتجاه عام هابط طويل الاجل أساساً وأداء سىء جداً للسهم قبل الأزمة العالمية من عام 2007 وبعد كده دخل السهم اتجاه عرضى .

نضيف على ذلك أن السهم مش قادر يكسر مستوى ال 2.20 ج وجرب على المستوى

فى يونيه 2010
وفى أكتوبر 2010

السهم قبل يوم 16/1/2011 وما الرؤية على التشارت

وكانت اشارة الخروج أوتاموتيك 16 يناير 2011 والسبب واضح جربنا مرتين على مستوى 2.20 ج ومكسرناش لأعلى .

بنقول هنا قبل ما الثورة تحدث احنا النهاردة كنا المفروض نخرج لعدم تجاوزنا مستوى ال 2.20 واللى حصل بعد كده للسهم .

ممكن واحد يسأل ويقول أن الثورة أثرت على السياحة أكثر ومبقاش فى سياحة طب ما كلنا شايفين السهم على التشارت من 2007 واحنا فى اتجاه عام طويل الأجل ( خلاص الثورة هيه اللى أثرت!!! لكن الاتجاه العام طويل الأجل الهابط ده مش هو السبب ,السهم عمال ينزل يا جماعة ويفقد من قيمته وده دليل أن القطاع كان سىء جداً من غير ما تيجى ثورة وتأثر عليه نهائياً)

2- رامكو

السهم أساساً من أواخر 2009 مكسرش ال 7.50 ج وكمان هو فى اتجاه عام هابط طويل الأجل وبيختبر مقاومة عند ال 5.30 ج فى شهر أكتوبر 2010 وبينزل تانى من المقاومة .

وده السهم قبل الثورة وكان لازم نخرج عند المقاومة 5.30 فى أكتوبر 2010 .

السهم برده أدائه كان سىء للغاية وطبعاً اللى مخرجش عند المقاومة 5.30 ج مش عذر يقول أن الثورة أثرت على السهم ده حتى كمان كان بينزل من قبل الثورة طب كمان هنقولكم على حاجة السهم كسر مستوى تانى اللى هو خط القناة وهو عمال يجرب عند مستويات ال 4.20 ج الى 4.50 ج ومش قادر يكسر خط القناة ويرتد لأعلى وبقاله شهر بالكامل مش قادر ينفذ فوق خط القناة .

كان عندنا فرص كتيرة ووقت كبير عشان نخرج لكن بنجيب اللوم على الثورة ومش عايزين نعترف بكل اللى ذكرناه قبل التشارت .

وعشان مخرجناش عن خط القناة المسكور ده لومنا الثورة وده الهبوط فى السهم .

4- مينا للأستثمار السياحى والعقارى

السهم فى اتجاه عام هابط طويل الأجل يعنى أداء سىء من غير ثورة وكمان لمدة سنة السهم مش قادر يكسر مستوى ال 4.50 ج وكانت خروج فى شهر أكتوبر 2010 .

رابعاً:- قطاع الموارد الأساسية

حديد عز

السهم كان أدائه كويس كان فى اتجاه صاعد ولكن تم كسر هذا الاتجاه فى شهر مايو 2010 ودخل فى اتجاه عرضى بين دعم 17 ج ومقاومة 20ج وجربنا على المقاومة مرة ومقدرناش نكسرها ده كان فى شهر أكتوبر 2010 وكمان جربنا على المقاومة تانى فى شهر يناير وبالتحديد يوم 16/1/2011 اذن ما هو السبب الذى يدعوك لعدم الخروج من السهم مكنش فى أى دلالات على أنهم السهم سيواصل لأكثر من المستوى ده ( أى اتجاه عرضى شراء على الدعم وبيع على المقاومة واحنا وصلنا للمقاومة فما هو القرار !!!!! لكم الحكم والقرار .

مع العلم كان عندنا وقت نخرج فيه كافى جداً 6 يناير ,16 يناير ,23 يناير .

خامساً:- قطاع المنتجات المنزلية

كابو

السهم فى اتجاه عام هابط طويل الأجل من منتصف عام 2009 السهم نازل من 2.90 ج فى عام 2009 الى 1 ج وده أقل سعر وصله فى مايو 2010 .

خامساً:- قطاع الخدمات المالية

بايونيرز

ملحوظة اتجه السهم للصعود بعد الثورة

السهم أيضا كان فى اتجاه عام هابط طويل الأجل لاحظ بعد يوم 24/3/2011 أن السهم حقق مكاسب أكثر من 100 % السهم وصل من 2 ج ال 5 ج يعنى الثورة هنا ملهاش علاقة خالص .

ازاى السهم يعمل المكاسب دى بعد الثورة !!!

سادساً:- قطاع الإنشاء

1-أوراسكوم للإنشاء والصناعة

السهم فى اتجاه عرضى طويل الأجل من أكتوبر 2009 حتى الأن ومعالم الاتجاه مقاومة 280 ودعم 218 ج نفتكر أن احنا بنتكلم عن رؤية وكأننا فى شهر يناير قبل الثورة .

السهم فى أكتوبر 2009 لم يتخطى مستوى ال 280 ج
وأبريل 2010 لم يتخطى مستوى ال 280 ج
ونوفمبر 2010 لم يتخطى مستوى ال 280 ج
وأول أسبوعين من شهر يناير 2011 لم يتخطى مستوى ال 280 ج

السهم قبل الثورة

أعتقد أنه سب كافى جداً أن احنا كنا نخرج عند المقاومة زى ما السهم عودنا على ال 280 ج.

ملحوظة هامة جداً ( بعد الثورة السهم صعد مرة ثانية لمستوى ال 280 ج وبرده محدش خرج وفى ناس أشترت برده تانى .

لا تعليق على سهم أوراسكوم للإنشاء والصناعة فى شهر يونيه 2011

2-الصعيد العامة للمقاولات

السهم برده اتجاه عام هابط طويل الأجل من منتصف 2009 حتى شهر مارس 2011 ولاحظ هبوط السهم من 2.30 ج الى 0.80 قرش وستجد بعد الثورة صعود السهم الى 1.60 ج يعنى مكسب 100 % وده بعد الثورة . هل من الممكن أن نسأل أنفسنا أن الثورة لها تأثير على أسهم معينة أعتقد بالطبع لا !!

يوجد جزء ثانى للموضوع بعنوان سبب هبوط البورصة عام 2011 هل الثورة ولا ( تدهور مصر اقتصادياً ) الجزء الثانى

لمتابعة كل الأسواق المالية والعالمية والعملات تابعونا على
أكبر قناة للتحليل الفنى فى الشرق الأوسط

http://www.youtube.com/user/khatwamasreyya/videos

بالتوفيق ومع تحيات فريق عمل خطوة مصرية

[khatwamasreyya]

سابعاً:- قطاع الخدمات ولمنتجات الصناعية

القناة للتوكيلات الملاحية

السهم أيضاً كان فى اتجاه عام هابط طويل الأجل ولكن لاحظ صعوده بعد الثورة فى شهر مارس 2011 السهم من 5 ج الى 12 ج فى شهر يوليو .

ثامناً:- قطاع العقارات

طلعت مصطفى

السهم من فبراير 2009 فى اتجاه عام صاعد طويل الأجل الى مايو 2010 وبعدين دخل فى اتجاه عرضى دعم 6 ج ومقاومة 8.50 ج ولم يستطيع كسر المقاومة فى مايو 2010 وبنختبرها الأن فى شهر يناير 2011 .

ملحوظة كان عندنا أسبوعين نخرج فيهم لأن التداول كان حوالين مستوى ال 8.50 ج خلال أول أسبوعين من شهر يناير ولكن رفضنا الخروج .

تاسعاً:- قطاع البنوك

البنك التجارى الدولى

السهم فى اتجاه عام صاعد طويل الأجل قبل الثورة فى مارس 2009 حتى ديسمبر 2010 .
وفى الاتجاه الصاعد بنشترى على خط الاتجاه وبنبيع عند خط القناة وفى ديسمبر 2010 قبل الثورة وصلنا لخط القناة .

كان عندنا فترة منتصف شهر ديسمبر 2010 الى أول يناير وحتى منتصف يناير 2011 برده للخروج من السهم نهائياً وتجنب الخسارة دى .

عاشراً:- قطاع الأتصالات

1-سهم أوراسكوم تيليكوم

ياريت نركز فى التشارت ده كويس ونشوف قد ايه ياما السهم وقع من مستويات كثيرة لمستويات أقل منها كمان السهم فى اتجاه عام هابط طويل الأجل حاولوا كده تركزوا فى الرسم وتشوفوا هبوط السهم بسبب الثورة هبوط قليل مقارنة بأنه كذا مرة ينزل من مستويات تانية أكتر .

السهم نزل من 4.50 ج الى 3.26 ج فقط لاغير ولكن هنلاحظ من الرسم أن أساساً السهم نازل من 7.50 ج غير قبل كده كمان .

2- موبينيل

السهم بقاله خمس سنوات مش قادر يكسر مستوى 230 ج وفى شهر يناير 2010 وصلنا لمستوى ال 230 ج والسهم نزل تانى اذن احنا دلوقتى فى جولة الهبوط من مستوى ال 230 يعنى احنا فى اتجاه عام هابط طويل الأجل .

السهم قبل الثورة

نستطيع من الرسم تحديد مكان تداول السهم قبل الثورة وسنجد مرحلة الهبوط التى يمر بها السهم من 230 ج .

ملحوظة ( السهم قبل الثورة خسر من قيمته 80 ج وبعد الثورة 60 ج ).

3-المصرية للأتصالات

السهم من مايو 2009 فى اتجاه عرضى دعم 16 ج و مقاومة 19 ج وهنلاحظ من السهم أنه حاول خمس مرات يكسر ال 19 ج ولم يستطيع وأخر مرة كانت فى أول شهر يناير حتى يوم 16/1/2011 .

ولا تعليق أخر على المصرية للأتصالات .

بعد تحليل كل تلك الأسهم عن طريق الرسوم البيانية وتحليل مؤشرات البورصة نستنتج أن مصر كانت فى حالة تدهور وضعف اقتصادى كبير وهذه الرؤية انعكست لنا عن طريق الرسوم البيانية التى قمنا بتحليلها .

نتعلم من هذا الدرس أنه لا علاقة لنا بالإشاعة أو الخبر أو ما يحدث حولنا وثق تماماً أنك سوف ترى كل شىء منعكس تماماً على الرسم البيانى بغض النظر عن ما هى الأحداث ولقد أثبتنا لكم أن أسهم كثيرة صعدت بعد الثورة .

الموضوع بعيد عن السياسة نهائياً هو موضوع عن علم التحليل الفنى وقدرة تنبؤه بالأسعار المستقبلية عن طريق دراسة الرسوم البيانية .

ورجاءً مشاهدة فيديو براءة الثورة من دم البورصة المصرية مع المحلل الفنى وائل يحيى

http://www.youtube.com/watch?v=symhgeD3AnM

لمتابعة كل الأسواق المالية والعالمية والعملات تابعونا على

أكبر قناة للتحليل الفنى فى الشرق الأوسط

http://www.youtube.com/user/khatwamasreyya/videos

بالتوفيق ومع تحيات فريق عمل خطوة مصرية

Facebook Official Page

http://www.facebook.com/KM.khatwamasreyya

[khatwamasreyya]

السلام عليكم ورحمة الله وبركاته

هنتكلم فى الموضوع ده عن علاقة بورصة أمريكا ومؤشر الداو جونز والبورصة المصرية

سنتحدث بالرسوم البيانية بغرض معرفة ما يحدث داخل وول ستريت وهل هو فعلاً مؤثر للغاية على المدى القصير أو على المدى الطويل أو بمعنى أخر ما هو الدافع الذى يجعلنا نربط بين وول ستريت وما يحدث بالبورصة المصرية !!!

خطأ شائع جداً بين كثير من المستثمرين وتريدرز وموظفين بشركات الوساطة المالية
يتحدثون مراراً وتكرارً عن ما يحدث بأمريكا ويعكسوا ذلك على ما يحدث يومياً بالبورصة وكأن اذا صعد مؤشر الداو جونز ستكون الرؤية صاعدة بالبورصة والعكس صحيح .

بعض من الأقاويل بين مستثمر لمستثمر أخر الساعة 10 صباحاً
( اووف بس يعم أمريكا امبارح واقعة والدنيا بايظة خالص بره ده النهاردة هيبقى أحمر اسمع منى أنت بس,ربنا يسترها بقى ) ويقولك كمان بيع يعم , وممكن اليوم كان هابط فعلاً ويعتقد أنه أصبح محلل بسبب توافق ربطه للسوقين , وممكن بعد أسبوع يعمل العكس بس شراء بقى على الصعود .

مثال أخر فى وسط الجلسة
(تريدر يسأل هى الشاشة عاملة كده ليه اليوم أحمر من أوله ويقول لزميله هو فيه ايه بالظبط ويسأل زميله هو الداو جونزكام يا باشا )

مثال أخر تريدر هيأخد قرار فى الجلسة ويقول المستثمر
( بص يا باشا أمريكا نازلة 500 نقطة وأديك شايف اليوم أحمر المستثمر يقوله ينهار أسود 500 نقطة بيع بيع عوضنا على الله )

وأمثلة كثيرة وعذراً لهذه الأمثلة ولا نوبخ أى فرد نهائياً ولكن لننقل لكم الصورة كما هى وما يحدث بالظبط .

* ملحوظة هامة جداً كثير من العملاء أتخذوا قرارتهم بناءً على هذه العلاقة وخسروا مبالغ كثيرة !!!!

ولنتحدث الأن بالرسوم البيانية على الأطار الأسبوعى لكلاً من مؤشر الداوجونز ومؤشر البورصة المصرية egx30 .

التشارت الذى أمامنا على اليمين ( مؤشر الداو جونز) وعلى اليسار ( مؤشر EGX30 ) من عام 2002 الى عام 2006 .

من الرسم نلاحظ صعود مؤشر EGX30 بقوة جبارة أكثر بكثير جداً من صعود الداو جونز والمقارنة فى الصعود لا تتطلب الخبرة لتلاحظ هذا الفرق لأنه واضح لأى شخص عادى يشاهد لأول مرة رسم بيانى .

أيضاً لاحظ كام مرة واجه الداو جونز تصحيح وكان يأخذ فترة أكبر بكثير من تصحيحات مؤشر EGX30 التى أخذت فترات أقل بكثير , طبعاً ناهيك عن الصعود الحاد .

أيضاً لاحظ قوة الصعود الجبارة فى مؤشر EGX30 بالتحديد عامى 2004 و 2005 فيما معناه صعود حاد فى البورصة المصرية وأداء سىء جداً للداوجونز .

( لاحظ أننا نتحدث عن فترة كبيرة 4 سنوات من عام 2002 الى عام 2006 صعود حاد فى البورصة المصرية وأيضاً فى الداو جونز ولكن بقوة مختلفة )

*********************************************

التشارت الذى أمامنا على اليمين ( مؤشر الداو جونز) وعلى اليسار ( مؤشر EGX30 ) هنتكلم من بداية عام 2006 .

من الرسم نلاحظ من بداية عام 2006 صعود فى مؤشر الداوجونز من شهر يناير إلى شهر مايو مقارنةً بهبوط فى مؤشر EGX30 من شهريناير إلى شهر يونيو .

*********************************************

التشارت الذى أمامنا على اليمين ( مؤشر الداو جونز) وعلى اليسار ( مؤشر EGX30 ) هنتكلم بداية من عام 2007 .

من الرسم نلاحظ أن كلاً من المؤشرين متوافقين فى الصعود ولكن هناك فرق كبير أيضاً وهو

1- مؤشر EGX30 من منتصف عام 2006 إلى الربع الأول من عام 2008 كان فى صعود ووصل الى قمة تاريخية أعلى مستوى وصل له المؤشر 12000 نقطة .

2- مؤشر الداو جونز من منتصف عام 2007 دخل فى إتجاه عرضى وبعد ذلك ظهر نموذج قمة ثلاثية وأعلنت عن انتهاء الأتجاه الصاعد ودخل المؤشر فى اتجاه هابط طويل الأجل .

( فيما معناه أن كل من اتخذ قراره خروجاً من البورصة المصرية بسبب هبوط الداو جونز نعتقد كلنا أنه قرار خاطىء 100% لأنه لم يستفيد من صعود البورصة المصرية ) .

*********************************************

التشارت الذى أمامنا على اليمين ( مؤشر الداو جونز) وعلى اليسار ( مؤشر EGX30 ) هنتكلم منتصف عام 2008 الى عام 2009 .

طبعاً كل الأسواق دخلت فى اتجاهات هابطة وبعد كدة حدث انعكاسات !!!! ولكن من الرسم البيانى نلاحظ

1- خرج الداو جونز من الأزمة العالمية بنموذج رأس وكتفين بالتحديد الأنعكاس حدث فى بداية شهر أغسطس 2009 بالظبط ودخل فى اتجاه صاعد طويل الأجل .

2- لاحظ جيداً هنا مؤشر EGX30 بالظبط فى منتصف شهر أبريل 2009 دخل فى اتجاه صاعد بعد ظهور نموذج قاع مزدوج .

هل لاحظت فرق التوقيت حيث كلنا نرى من الرسم أن مؤشر EGX30 دخل فى إتجاه صاعد قبل الداوجونز بأربعة شهور .

هام جداً من الرسم هيتضح لنا كلنا أن السوقين كانوا فى اتجاه صاعد تقريباً مع بعض

( لكن تذكر جيداً حدوث إنعكاس فى أى سوق ما لا يحدث فى يوم أو أسبوع أو فى شهر ولكن بداية من 3 شهور كحد أدنى وليس أقل من 3 شهور فيما معناه أن كل سوق حدث به انعكاس تام
بعد استيفاء كل الفلاتر و التأكد من أحجام التداول و التأكد من ظهور قوة شرائية / كل سوق على حدة )

الخلاصة من هذا الموضوع

من الرسوم البيانية السابقة نجد أنه

1- هناك فرق كبير جداً بين السوقين ورجاءً لا تبنى قرارك نهائياً شراءً أو بيعاً بناء على أى بورصة عالمية سواء أمريكا أو اليابان أو إنجلترا .

2- كنظرة اقتصادية عالمية لمؤشر الداوجونز من الممكن لكن ليس نهائياً ونهائياً مرة ثانية شراء أو بيع فى البورصة .

3- حذارى من الشراء أو البيع فى ذات الجلسة نهائياً بناءً على ما يحدث بأمريكا ( ملحوظة لم نتطرق لأى رسوم بيانية على الأطار اليومى لأنك ستجد كل سوق مختلف عن الأخر نهائياً وياريت لو نحاول بنفسنا ونفتح المؤشرين على الأطار اليومى ونشوف بنفسنا الفرق )

4- وول ستريت لها أيام تداول مختلقة / ساعات تداول مختلفة / أحجام تداول مختلفة / عملة مختلفة نهائياً / سوق أكثر من جبار / كل ذلك كلنا نعلم أنه فرق كبير بين السوقين .

5- حتى لو لاحظت مؤشر الداوجونز فى يوم أو يومين أو موجة تصحيحة لأعلى لفترة قصيرة مثلاً أسبوع / أسبوعين / شهر نكرر حذارى لا تتخذ قرارك بناءً على ما يحدث بالداوجونز .

فيديو تحليل السوق المصرى والداوجونز تحليل تفصيلى لكل من السوقين للمحلل الفنى وائل يحيى CFTe

http://www.youtube.com/watch?v=c8PriWdZIo8

قريباً قناة خطوة مصرية للتداول اليومى
اشارات دخول وشورت سيلينج

لكل من الأتى

1- أسواق العملات
2- الدهب والفضة
3- البترول
4- مؤشرات الأسواق العالمية

لمتابعة كل الأسواق المالية والعالمية والعملات اشترك على

أكبر قناة للتحليل الفنى فى الشرق الأوسط

http://www.youtube.com/user/khatwamasreyya/videos

بالتوفيق ومع تحيات فريق عمل خطوة مصرية

[Arabeya Online]

قال محمد عبد المطلب، خبير أسواق المال، "إن أجواء ليلة الاحتفال برأس السنة الميلادية، وإحياء الذكرى السنوية لشهداء كنيسة القديسين، وتقديم التحية لشهداء عام 2011، التى عمت ساحات ميدان التحرير، أمس السبت، تحت لواء المواطنة، من شأنها أن تؤثر إيجابياً فى أداء كافة القطاعات فى مصر، بشكل عام، والبورصة بشكل خاص".

وأضاف "عبد المطلب"، أن البث المباشر لمشهد احتفالات ميدان التحرير الذى احتل العديد من القنوات الأرضية والفضائية نقل صورة حية للعالم أجمع، تعبر عن مدى تلاحم الشعب المصرى بكل أطيافه وانتماءاته، وهو ما يحمل فى طياته من العوامل ما يعيد المستثمرين المتخارجين من السوق المصرية إليه مرة أخرى، وما يجذب المستثمرين الجُدد.

وبدأت احتفالات ميدان التحرير برأس السنة الميلادية قبل دق أول ساعات العام الجديد بساعات، فى مشهد لم تره مصر من قبل؛ حيث تلاحم كل من المسلمين والأقباط، وكونوا مسيرات جابت أرجاء الميدان مرددين شعار "مسلم ومسيحى إيد واحدة".

وشارك فى الاحتفالات عدد من رجال الدين المسيحى والإسلامى، وعدد من النشطاء السياسيين، منهم الشاعر عبد الرحمن يوسف، والإعلامية جميلة إسماعيل، والشيخ مظهر شاهين، والمستشار زكريا عبد العزيز، ووالدة خالد سعيد، وعلاء عبد الفتاح.

وأكد خبير أسواق المال، أن هناك العديد من المؤشرات الجيدة التى ظهرت فى السوق المصرية، فى ختام عام الثورة (2011)، والتى تبشر بأداء أفضل للبورصة المصرية، خلال العام الجديد، ومنها أن المستثمرين المصريين، خلال جلسات تداول آخر أسبوعين فى العام الماضى، أحجموا عن البيع واتجهوا أكثر للشراء.

وأضاف أنه من واقع جلسات التداول، نكتشف تراجع نسبة مبيعات المستثمرين الأجانب؛ حيث كانت نسبة البيع إلى الشراء لا تتجاوز الـ10%، لافتاً إلى أن العمليات الاستثمارية التى تمت فى السوق المصرية من قبل الأجانب كانت عبارة عن عمليات بيع تصحيحى فى نقاط كسر الدعم، وعمليات إعادة شراء فى النقاط التالية للدعم، خصوصًا فى الثلاثة أسهم الرئيسية: سهم أوراسكوم للإنشاء والصناعة، وسهم البنك التجارى الدولى، وسهم هيرمس القابضة.

وأشار خبير أسواق المال إلى أن نسبة المستثمرين العرب فى البورصة المصرية لا تمثل أكثر من 10 % من حجم التعامل اليومى، وبالتالى فإن تأثيرهم على أداء البورصة لن يكون مثل تأثير الأجانب، فضلاً عن أنهم يتداولون على أسهم قطاعات معينة، مثل قطاع المنسوجات وقطاع الأسمنت.

ولفت خبير أسواق المال إلى أن ارتفاع عدد المستثمرين الجدد الذين دخلوا فى السوق المصرية خلال العام الماضى، والذين وصل عددهم إلى 36 ألف مستثمر مقابل 35 ألف مستثمر عن عام 2010، يدعم التوقعات الإيجابية بشأن مستقبل البورصة خلال العام الجديد، ويعد مؤشراً على دخول أموال جديدة (Fresh Money)، ترفع سيولة السوق.

وقال التقرير السنوى للبورصة إنه رغم الظروف السيئة التى تعرض لها سوق المال خلال عام 2011، إلا أن عدد المستثمرين المسجلين فى السوق المصرى قد ارتفع بنحو 36 ألف مستثمر فرد جديد، مقارنة بنحو 35 ألف مستثمر فرد جديد فى 2010.

وأشار التقرير إلى أن ارتفاع عدد المستثمرين لم يكن متوقعاًً، بل كان المتوقع هو انخفاض عدد المستثمرين بسبب أحداث الثورة، مرجعاً الفضل فى ذلك الارتفاع إلى الحملات الترويجية للبورصة المصرية عقب ثورة 25 يناير.

[Arabeya Online]

قررت اليوم إدارة البورصة المصرية اعتبار يوم الاربعاء المقبل الموافق 25 يناير عطلة رسمية بمناسبة الاحتفال بالذكرى الاولى لثورة يناير.

وقالت مصادر بالبورصة المصرية إنه سيتم استئناف التداول اعتبارا من يوم الخميس الموافق 26 يناير.

وكان المشير حسين طنطاوي القائد العام رئيس المجلس الاعلي للقوات المسلحة قد أصدر قرارا بتسمية يوم 25 يناير من كل عام عيدا لثورة 25 يناير.

[Arabeya Online]

تراجع اليورو صباح، الاثنين، فى آسيا إلى أدنى مستوى له منذ شهرين مسجلاً سعر صرف بلغ 1.3185 دولار، وذلك بعد إقرار الأوروبيين، الأحد، خطة إنقاذ بقيمة 85 مليار يورو لصالح أيرلندا، واتفاقهم على إنشاء صندوق دعم دائم لمنطقة اليورو.

وبعد الساعة 10.30، سجلت العملة الأوروبية الموحدة سعر صرف بلغ 1.3185 دولار، فى حين أنها بلغت مستوى 1.3280 دولار فى ساعات الصباح الأولى، وكان سعر الصرف فى نيويورك، الجمعة، أقفل على مستوى 1.3240 دولار.

كما سجل اليورو تراجعاً طفيفاً أمام الين اليابانى، مسجلاً سعر صرف بلغ 110.98 ين مقابل 111.34 ين مساء، الجمعة، فى نيويورك.

وصادق وزراء المال الأوروبيين خلال جلسة استثنائية عقدوها فى بروكسل، الأحد، على برنامج مساعدة أيرلندا الذى أعده الاتحاد الأوروبى وصندوق النقد الدولى والرامى بشكل أساسى إلى تعويم المصارف فى هذا البلد. وأيرلندا هى ثانى بلدان منطقة اليورو التى تحصل على دعم مماثل بعد ستة أشهر على المساعدة التى أقرت لصالح اليونان.

من جهة أخرى، توافق وزراء منطقة اليورو، الأحد، على إشراك المصارف الخاصة "الواحد تلو الآخر"، فى صندوق دعم دائم لمنطقة اليورو، على أن يشكل بديلاً اعتباراً من عام 2013 من صندوق المساعدة الموقت الذى أنشئ فى الربيع.