(جوال كاميرا ) انتبهوا...أصحاب محلات الجوال يرجعون الصور حتى بعدالمسح@

[هيمو]

كل الي معاهم جوالات بكاميرا ... ومصور فيها اهله او خواته او بناته .... او البنات الي يصورون بعضهم بجوال الكاميرا خاصة في المناسبات العائلية الصغيرة يعني اقارب عيال عم او غيره .. وبعده يمسحون الصور من الجوال .. ترا ما تنمسح نهائيا !!!
وفعـــــــــــــــــــــــــــــــــــــلا هذا الي صار معاي .. انا معي جوال نو كيا 6600 وفجئه اشوف شاشة الجوال والقى كلام بالانجليزي وفيه كلمة ERR يعني بالعربي خربان .. فقلت اروح لمحل زميلي عنده محل جوال في مجمع كبير ... وقلتله يافلان وش السالفة قال جوالك يبغاله اعادة تهيئه يعني سفت وير من جديد يعني بيحملي اصدار الباندا من جديد ... قلتله الله يخليك الا الارقام ما حفضتها لا بذاكره ولا غيره .. فقالي لا يهمك احاول اسحبها لك ...المهم حط جوالي بتوصيلات عنده موصله بجهاز الكمبيوتر .. وبعد نصف ساعه حملي اصدار الباندا الجديد وقالي خذ رجعت لك الارقام ما خليتها تروح مع التهيئة .. وحمدت ربي .. لكن تفاجأت لمن رحت للقائمة ورحت للاستديو .... حصلت الصور الي انا مصور به عيال اختي في البر العيد الماضي والله صور كثيرة فوق الاربعين صورة .. وانا كنت ما سحها من زمان ولا بقيت ولا صورة بالجهاز .... اندهشت وقلت له هذي الصور انا ما سحها قال ايه مو قلت لك ما ني مخلي ارقامك تروح قلت له .. الحمدلله ارقامي رجعت بس معقولة الصور ترجع ... قال لي ايه ترجع .. وقالي ياعمي شوف هالمحلات كلهم يحترون بس بنت تجي ومعها جوال الباندا او اي جوال بكاميرا وتبغى له صيانة ينبسطون يقولي والله فلان الي بعد المحل الي جنبنا لاقي صور بجوال وحده له ولخواتها اظهار كلهم حلوين ويشبهون بعض .. ويقول ومصوره نفسه وهي لابسة كذا لبس ..... قلت والله المسكينه الحين بتنتشر صورتها وصورة خواتها بالنت لو نشرها صاحب المحل ....... وقالي غيرهم كثير...........

________________________

فانـــــــــــــــــا اقول نصيحة لكل واحدعنده جوال بكاميرا لا تصور احد من اهلك بالكاميرا نهائي ولو على سبيل الضحك او اختك تبي تشوف وشلون بيطلع شكلها بالصورة وتروح تصورها تــــــــــــــــــــرا فيه ناس ما تخاف الله ........ فنصيحتي اذا بتصور لا تصور الا اطفال اطفـــــــــــــــــــــــــــــــــــــــــا ل وبس ................


منقوووووووووول للفائده وحرصا على حرمة بناتنا الله يحفظهم انشاءالله

[2حسن]

بارك الله يك اخي على حرصك وعلى التنبيه

[الديم]

بارك الله فيك أخي هيــــمو أيها المسلم الغيور على محارم المسلمين


تحياتي للجميــــــــع

[الدره]

ونعم الانسان انت , والله اجزاك الف خير .

[صيـــــــاد]

الله يجزيك خير وبارك الله فيك

[ms2001]

الحمدلله الجاوال له هدف وهو الاتصال والاطمئنان وما الى ذلك من الامور المشروعة

ثم اتخذ بعض السفها ء والصغار الرسائل لااغراض تسلية ومن ثم تطور لاغراض غير شرعية واصبحت التقنية التي في الجوالات مرغوبه عند الكبار فضلا عن الصغار
والغرب يهدون لنا اساليب الانحلال والتفكك والرذيله في وسائل مختلفه
وخير دليل اي رجل عاقل يهدي او يسمح لإبنته او زوجته اقتنا جوال بكمرة
مالهدف من ذلك؟؟؟؟؟؟
واي رجل عاقل يقتني الجوال ثم يقوم بتصوير بناته وزوجته واخواته
يا جماعه الجوال خرج عن دوره ونحنوا ( بذلنا المال ) لافساد ابنائنا وازواجنا
لا لا تقل الثقه موجوده اقول لك الفتن موجوده
لالا تقل الله مغنينا خل الاسرة تقتني جميع الوسائل اقول لك انتظر المفاجاه في اتصال
يحدث بقصد او بغير وانتظر قظيه تجعلك تتندم طول عمرك
اخواني كلكم راع وكلا.....
النصيحه الان ببلاش وغدا تعض اصابع الندم فكن رجل لك القوامة
فولله ثم والله ثم والله تفكك اواصل الاسر وتباعد الابناء عن الاباء سواء بالطلاق
او بغيره وعزف البنات عن الزواج كل ذلك باسباب هذه الوسائل الهدامه

[هيمو]

اعزائي شكرا لمروركم الكريم واثابكم الله

ارجو نشر الموضوع لتعم الفائدة