للتسجيل اضغط هـنـا
أنظمة الموقع تداول في الإعلام للإعلان لديـنا راسلنا التسجيل طلب كود تنشيط العضوية   تنشيط العضوية استعادة كلمة المرور
تداول مواقع الشركات مركز البرامج
مؤشرات السوق اسعار النفط مؤشرات العالم اعلانات الشركات الاكثر نشاط تحميل
 



العودة   منتديات تداول > تداول الآداب والشعر > تداول الشعر الشعبي



إضافة رد
 
أدوات الموضوع
قديم 02-02-2007, 01:23 AM   #261
بنادول اكسترا
فريق المتابعة اليومية - ابو تغريد
 
تاريخ التسجيل: Dec 2004
المشاركات: 8,302

 
افتراضي

اقتباس:
المشاركة الأصلية كتبت بواسطة بنادول اكسترا
وهذه الرائعه في مدح الرسول صلى الله عليه وسلم


والله مااعرف القائل ولكن بيض الله وجهه على هذه الرائعه وهي قليله في حق اشرف الخلق






[frame="7 80"]فعت سمر الجدايل وانتخت بالقذلـة الهلّـة................................تبي مني عروسٍ للقصيد ازريت لاغويهـا

ويوم اني لقيت لْها الخلوج وجيت ابا اوصله.............................تنحرك الكـلام اللـي فهقهـا دون مغليهـا

خضع لك راس مسبوق القصايد وانحنى كلّه.............................وانا بك شاعر الدنيـا ومشغلهـا وماليهـا

يذكرني رحيلك مجلـسٍ باقـي علـى حلـه................................مداهيل الرجال اللـي تنومسنـا مواطيهـا

هنا سليت سيفٍ يوفي الثارين مـن سلّـة................................هنا علقت رمحٍ يطعـن الجـوزا ويطفيهـا

هنا بينـت مصحفـك الكريـم ودلنـا دلّـه....................................معك نبدا مواعيـد الكـلام وننتهـي فيهـا

هنا ساقيت غصنٍ من غلا كنّا تحـت ظلـه................................نسولف بالغنـا يابايـع الدنيـا وشاريهـا

هنا كان الرجل جبال ما تقبـل خنـا الزلّـة...............................عمايمها سحـاب وابلـة باقـي مواضيهـا

رجالٍ لو تشوف الما غدر مـا شربتـه لله.................................نبت عشب الرضا ياسيدي بـأول مغازيهـا

هل التوحيد وكنوز العلـوم ونصـرة الملـة...............................رجالٍ يضحـك التاريـخ لاولهـا وتاليهـا

هنا ماضيك ورياض الخليل اللي رعى خلـه.............................شربنا عذبها مـدري لعبنـا فـي مغانيهـا

هنا..تخنقني العبرة وانا اكتب يارسـول الله..........................على قبرك نسيت الناس حاقدهـا وحانيهـا

وهو قبرٍ يتيه مـن الفخـر بالبيـد وتجلّـه.................................على حسدٍ تبين مـن سمايمهـا وصاليهـا

ويهناك الوفا قبرٍ يضمك فـي ثـرى تلّـه...............................مدامه بين فردوس الجنان وبيـن منشيهـا

وانا لامن ذكرت فراقك اللي في يدي غلّـة............................نسيت ان الليالـي شيبتنـي مـن بلاويهـا

على بعد الزمان اللي يعقد الحبـل ويحلّـه.............................الى مني ذكرتك طاحـت الدمعـة وراعيهـا

سـلام الله ماهـز الصبـا نسرينـه وفلّـه..................................على الطفل اليتيم اللي عطا الدنيـا معانيهـا
[/frame]

فقط لأعطاء كل ذي حق حقه


قائل هذه الرائعه هو الرائع المبدع الشاعر : خالد محمد الدعجاني العتيبي
بنادول اكسترا غير متواجد حالياً   رد مع اقتباس
قديم 02-02-2007, 08:30 AM   #262
اشراقة قلم
اشراقة قلم
 
تاريخ التسجيل: Feb 2006
المشاركات: 10,646

 
افتراضي



السلام عليكم ورحمة الله وبركاته


[poem font="Simplified Arabic,6,royalblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
من حل دار النـاس حلّـوا ديـاره=لابـد مـا تسكـن ديـاره ويغبـن

ومن شق ستار الناس شقوّا ستـاره=ومن ضحك بالثرمان ضحك بلا سن


شالح بن هدلان[/poem]

اشراقة قلم غير متواجد حالياً   رد مع اقتباس
قديم 02-02-2007, 04:57 PM   #263
سعد الجهلاني
مشرف
 
تاريخ التسجيل: Oct 2003
المشاركات: 52,139

 
افتراضي

حبٌ يغيب وصاحـــبه ما غــــاب ..... وحبٌ يدوم وصاحبه في غيابه

وحبٌ يذوب خافـــقٌ ما بعد ذاب ..... وحب يداوي صاحبه من عذابه

وحبٌ حياته كلها لوم واعـــتاب ..... وحبٌ حقيقي ما يضرك عتابـه

وحبٌ بلا معنى وحب بلا أسباب..... يبدأ غريب وينتهي في غرابه


سعد الجهلاني غير متواجد حالياً   رد مع اقتباس
قديم 02-02-2007, 05:09 PM   #264
يد النجر
فريق المتابعة اليومية - عضو مميز
 
تاريخ التسجيل: Jan 2006
المشاركات: 15,043

 
افتراضي

أخذت من ديناي ياعالم أدروس
عرفت فيها صاحبي من عدووي
دنيا تعز نفس وتذلل نفوووس
رأيي بقوله عقب صمت وتروي
يد النجر غير متواجد حالياً   رد مع اقتباس
قديم 03-02-2007, 06:10 AM   #265
اشراقة قلم
اشراقة قلم
 
تاريخ التسجيل: Feb 2006
المشاركات: 10,646

 
افتراضي



[grade="808080 4B0082 808080 4B0082 800080"]بسم الله الرحمن الرحيم

والحمدلله رب العالمين

والصلاة والسلام على اشرف الانبياء والمرسلين صلى الله عليه وسلم[/grade]


[poem font="Simplified Arabic,6,gray,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
الله يجمع يالمــلا قلوب الأحباب= اللي بهم من بعد الأيام اصـابه
اذا العيون دموعها فوق الاهداب= قلوبنا جمر المفارق اذابه
ياللي جعلت القلب له عدة اسباب=كل واحد يقراه يلقى جوابه
هذاك له قلبي مثل حرف وكتاب= واحيان يتعدى حدود الكتابه[/poem]

[grade="800080 800080 808080 4B0082 808080"]اللهم اغفر لوالدي وأسكنه فسيح جناتك وجميع المسلمين

الاحياء منهم والأموات[/grade]


اشراقة قلم غير متواجد حالياً   رد مع اقتباس
قديم 06-02-2007, 03:10 AM   #266
ابوالبيان
متداول نشيط
 
تاريخ التسجيل: Feb 2005
المشاركات: 1,074

 
افتراضي

إشراقةحرف أملنا كبير وثقتنا أكبر بجهودكي بارك الله فيك وفيها ,لانريد لهذه الإشراقه أن تبتعد عن الصفحة

الأولى :

صفحه بديتيها ابمجهود واحساس ......................... حرام بيدك عقبها تقلبينه

__________________________________________________ ____________________________________


.الشعر ليس لكل الناس وإن أعجبهم
ابوالبيان غير متواجد حالياً   رد مع اقتباس
قديم 06-02-2007, 05:00 AM   #267
اشراقة قلم
اشراقة قلم
 
تاريخ التسجيل: Feb 2006
المشاركات: 10,646

 
افتراضي

[frame="14 80"]





[grade="000000 A0522D 000000 D2691E A0522D"]السلام عليكم ورحمة الله وبركاته

أخي الفاضل أبو البيان زادك الله علما وبيانا

هذه الزاوية لنا جميعا

انتظر منكم الكثير الكثير

وان تغيبت عنها لابد أن للغياب أسبابه

شكرا لإطلالتك الكريمة وبإنتظار عودتك الميمونة[/grade]


[ALIGN=CENTER][TABLE="width:70%;"][CELL="filter:;"][ALIGN=center]****[/ALIGN][/CELL][/TABLE][/ALIGN]
[poem font="Simplified Arabic,6,chocolate,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
سألت النفس ليه الناس ذا حاسـد وذا محسـود=ووهّاب الملا واحـد وعدلـه سابـق احسانـه

قسم بالعدل بين الخلق لاضاهـد ولا مضهـود=وتفضيل الورى بالرزق مـن حقـه وذا شانـه

بسط كفه لبعض الناس واغناهم عظيـم الجـود=وناس حالهم مستـور فـي ضفـه وسلطانـه

مريح البال من يقنع بحظه لـوه كسـرة عـود=غني النفـس ماهمـه ثـرا غيـره وحرمانـه

يعيش براحة الإيمان راضي والرضى محمـود=قريـر العيـن مايغبـط ولاكسـرى بايوانـه

إلى ضاقت رفع طرفه وكفـه للسمـاء ممـدود=ولايجزع مـن اقـداره وحكـم الله وميزانـه

ترى بعض العوز رحمه على العابد من المعبود=ومن يدري لعل القـل يحجـب عنـه نيرانـه

وترى بعض الثرا شر(ن) على الغافل ولابه فود=ولايضمن ثرّي الحـال عفـو الله ورضوانـه

وترى طبع الحسد والظلم من طبع القلوب السود=واهلها عن سبيل الخيـر مصروفـه وعميانـه

جميع اعضاك ياابن ادم وكلماتك عليك شهـود=وكل خطـاك يحسبهـا عليـم السـر سبحانـه

تذكر قول مـن ذكـره وقرآنـه يهـد الطـود=ألا ياويل من غـره هـوى نفسـه وشيطانـه

كبير الحظ من حافظ على نفسـه مـن المنقـود=وعن جملة جميع الناس كـف ايديـه ولسانـه


الامير الشاعر خالد بن سعود الكبير[/poem]




[/frame]
اشراقة قلم غير متواجد حالياً   رد مع اقتباس
قديم 06-02-2007, 11:19 PM   #268
عاشق ترابها
متداول نشيط
 
تاريخ التسجيل: Oct 2005
المشاركات: 895

 
افتراضي

ارجوك بعض المشاعر لاتهزهزها



ترى المشاعر تألم عنـد راعيهـا



وترى النفوس العزاز الها حواجزها



وحواجز النفس سترٍ من خوافيهـا



لا تقول لك كلمةٍ تحسبك تحرزهـا



وتطيح لاقمت منها منـت قاويهـا



وان قلت لك كلمةٍ حاول تركزهـا



ولا ترى الصمت خيرٍ من حكاويها



ودعواك لاصار ما تقـدر تنجزهـا



ازبن على واحدٍ ساعـه وينهيهـا



ولا تجـود علـى صبـرٍ يعجزهـا



وتجيك في وسط بيتك مـا تناديهـا



وكم واحدٍ حاجتها بالصدر يكنزهـا



من قل من يستمعله يـوم يبديهـا



يخشى من اللي يهمزهـا يلمزهـا



يضحك بعض ناس لاكن ناس يبكيها



وشكواك لابن الردي حذرٍ تعنزهـا



يفضحك وتروح فيها وانت كاميهـا



وعليك تكبـر ولا تقـدر تميزهـا



وتضيع في طوشةٍ تبلـش بتاليهـا



والسالفه يقـدر الواحـد يلفزهـا



ويقدر على ناس من شكله يمشيها



ولاتشغلك حرمةٍ منـت متجوزهـا



تطرد وراها وغيرك يهتنـي فيهـا



ولا يفرحك شوف الارنب لو تنقزها



مادام ما شفتهـا بالنـار شاويهـا



ولاتحسبٍ الذهب بـاي يـد يزهـا



ترى الذهب ما يغير لـون اياديهـا



والنفس حاول بحد اقصى تعززهـا



نفسٍ بلا عزهـا مانـي مداريهـا



والناس لاتقوم بعيونـك تخززهـا



احمد على العافيه واسلك مماشيها



ومن طاوع النفس تشقيه بغرايزها



ومن طاوع العقل يسلم من بلاويها



والمرجله ماتحب اللـي يهاوزهـا



تبي لهـا واحـدٍ دايـم يحاضيهـا



واللي عيونه مع الظلمـا يغمزهـا



ماحدٍ درى عن عيونه لـو يعنيهـا



ونفيستك وانت فانـي لاتغزغزهـا



المقبره بأنتظـارك وانـت ناسيهـا



والناس دورات قادرهـا بعاجزهـا



ماخلق جنه ونـار وزعـوا فيهـا



وناسٍ مع الله وناس ابليس ناغزها



سبحان من ظل ناس وناس هاديها



وناسٍ تعلـت وعلتهـا مراكزهـا



وناسٍ تبي الطيب مير الطيب فاحيها



وناسٍ تحفـز ومعـروفٍ تحفزهـا



وناسٍ تبي من يشيمهـا ويعطيهـا



وناسٍ تلعوز وتسلم من تلعوزهـا



وناسٍ مع اللعوزه تبطـي لياليهـا



وناسٍ تبي نبز ناس وناس تنبزهـا



نابز ومنبوز ليـن المـوت يفنيهـا



وناسٍ عجز رزقها يكمل عوايزهـا



لاهي فقـارا وهـي مالله مغنيهـا



حتى العجايز تبي نـاسٍ تهمزهـا



العافيـه والظنـا ماهـو مكفيهـا



وان قمت اعاند تفاكيري وابارزهـا



صارت حجاوي وانا ماني محجيهـا
عاشق ترابها غير متواجد حالياً   رد مع اقتباس
قديم 07-02-2007, 04:08 PM   #269
اشراقة قلم
اشراقة قلم
 
تاريخ التسجيل: Feb 2006
المشاركات: 10,646

 
افتراضي



[poem font="Simplified Arabic,6,royalblue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
احذر يجيك بساعة الضيق خفـه= وباللي مضى للنـاس يالادمي شـف
والراي حطّـه بين كفه وكفه=وفكر وقدّر للخفيّـات واعرف
سدّك بسر الغيب خفّـه ولفّـه= ومن لا يـودك عنه لازم توقّـف
واليا انتحا خاطرك هف بمهفه= بلكي يكون بماقف العز تاقـف !![/poem]

الأمير الشاعر محمد بن أحمد السديري غفر الله له
اشراقة قلم غير متواجد حالياً   رد مع اقتباس
قديم 08-02-2007, 12:24 PM   #270
عاشق ترابها
متداول نشيط
 
تاريخ التسجيل: Oct 2005
المشاركات: 895

 
افتراضي

حبيت اقدم لكم قصيدة التوبه لسعد بن علوش واللي اعلن فيها اعتزاله الشعر

وذلك بعد اداءه مناسك العمره ...


من كل حرف , وكل شهوة صبابه ...

اســتغفر الله وأتعــوذ من ابليـس ...

أعوذ باللي آوى عبد وسرا به ...

لاجي نهار الحشر خلف امرئ القيس ...

يارب , يارب الكرم والمهــابه ...

يالي لك أعلام الأوادم مناكـــــــيس ...

جردني من النابـيه والسـبابه ...

ولبسني من دروع هديك متاريــــس ...

تعبت من مسك القلم والكتابه ...

والشعر وفتن النســــــا والأباليس ...

والمدح في عزوة وشـيخ قرابه ...

واللاء, لدعوات الرضيين والليـــس ...

والحب, وماحوله,وماله , وهابه ...

والدمع لاهـبت عـلـي النســــانيس ...

والشوق وغفال العقل وانغلابه ...

والليل وخطط الدها ... والجواسـيس ...

والشهرة وحكي العرب واللبابه ...

وزملوق شف ماتعسه عواســيس ...

وحصر اسمي فشاعر فسحاة غرابه ...

شعارها فيهم رخوم وملاحيس ...

وانا لعطاش الأودام ســــــحابه ...

ومن خلقتي ماقد وطيت الدنافيس ...

تاكي على ارث الاسم بالنيابه ...

واقطف خلاصة ماغرسوه الغواريس ...

احسبني فايز بالرضا والذرابه ...

واثري مثل من يحصر النور في كيس ...

اقفي من الله والأمل والرضا به ...

واروح أدور من ورا ابليس أحسايس ...

قلبي لعــــزاف الاوادم ربــابه ...

وراسي لخطوات الشــطانه دواعيس ...

تقودني نفسي والا اشعر ولا آبه ...

مالت عليها عاصــيات الهـــواجيس ...

من عنده ان كل الشـــعور يتشابه ...

روس مع اللي في الدحـادر مراويــس ...

الاثم ما حاكه خفوق وخفا به ...

والخير ماشاعته روس النوامــــــــيس ...

كم شي صار وصار مايندرا به ...

وكم نومة ماكدرتها كوابيـــــــــــس ...

ترى ما أحد له في رقبتي طلابه ...

بس الصــــراحه من شيم الفواعيـــــس ...

والرجل اذا مايعتبر في شبـابه ...

يعيب قبل يشيب ويشيب ويخـــيس ...

ياراجي ارجي اللي ماينصك بابه ...

لاترجي الوهبات ومن هـيس ابن هيـس ...

اســـــتغفر الله واتتقى عـــذابه ...

اللي فرقـني عن حـياة المتاعـــــيس ...

من قبل لا اعرف الهدى واعنا به ...

أنا وهمي والحزن Face to Face ...

والحين لله .. الفضل والانابه ...

متعافي .. ويمشي على زندي التيس ...

هادي .. يشوشني طزيز الذبابه ...

لاعد لايام الغبيه ولا اقــــــــيس ...

شريت عقلي في سؤال واجابه ...

أنا أعبد الله ... والا أعبد الوساويس ؟ ...

لذة خفوقي وانجلاية ضبابه ...

سجدات ليل ظالمينه مناعـــــــــيس ...

فـ اجواء مكه والحــرم والرحابه ...

لايابعد رومـا ولـندن وباريــــــــــس ...

هذي ديار المصطفى والصـحابه ...

وهذيك دار ابلــيس وعويل ابليــــس .
عاشق ترابها غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:14 PM. حسب توقيت مدينه الرياض

Powered by vBulletin® Version 3.8.3
Copyright ©2000 - 2024, Jelsoft Enterprises Ltd.