للتسجيل اضغط هـنـا
أنظمة الموقع تداول في الإعلام للإعلان لديـنا راسلنا التسجيل طلب كود تنشيط العضوية   تنشيط العضوية استعادة كلمة المرور
تداول مواقع الشركات مركز البرامج
مؤشرات السوق اسعار النفط مؤشرات العالم اعلانات الشركات الاكثر نشاط تحميل
 



العودة   منتديات تداول > المنتديات الإدارية > اســــتراحـة الــــمســاهــمين



إضافة رد
 
أدوات الموضوع
قديم 06-06-2002, 05:31 AM   #1
تداول
خبير اسهم
 
تاريخ التسجيل: May 2002
المشاركات: 1,069

 

افتراضي العطله بين لندن وابها

جت العطله ونشبنا

ما ندري وين نروح لندن والا ابها

كلهم نفس الأسعار ويمكن ابها اغلى شوي ..

يا زين قضبت الأرض .

والا وش رايكم
تداول غير متواجد حالياً   رد مع اقتباس
قديم 06-06-2002, 12:49 PM   #2
عاشقة
متداول جديد
 
تاريخ التسجيل: Jun 2002
المشاركات: 39

 
توضيح سلام عليكم..

شف يا اخ تداول..

***بالنسبه للندن-والله لو ياخذونني ويربطونني ويجدعونني(شعر صار)
بلندن ببلاش..
يعني مادفعت ولا شي من مخباتي..
ارجع هنا وانا اركض على رجليني..
ياناس هالديره والله شييييييييييينه..اهلها ثقيلين دم...وتغم القلب...a3
لا احد يروح لها بليز..

(شكل الملكه اليصابيص تبي ترسل لي من الحرس اللي لابسين قبعات كبيره ويخوفون يسطروني اليوم)...

***ابها...والله صراحه مدري عنها..بس كني سمعت انها غاااااااليه نار..
(تسمع واحد من الجمهور يقول اجل لاتفلسفين ان كانك ماتعرفينها) :confused:

لكن هذي وجهات سياحيه حلوه ورخيصه حسب تجربتي....

1-اندونيسيا...
عن جد ماتصدقون جمال هالبلد...
مليون مره احلى من اوروبا وامريكا..
وماراح يكلفكم اكثر من تذكرة السفر...لانه المعيشه هناك ببلاش
يعني الواحد ياخذ معه مبلغ صغير مره..ويعيش ملك...
يعني ممكن تسكن بالشيراتون والماريوت(وصراحه مستوى اكثر من راقي-على 100 ريال)

لكن نصيحة هامه-هامه0هامه بالمره...

لاتجلسون بجاكرتا-لانكم تبي تشوفون مناظر تثير الاشمئزاز للاسف من شبابنا هناك...
عندكم مناطق بالمره رهيبه...
بونتشاك...باندونق...بوغور...سيريايتر...بالي
<-----توها مستلمه رشوه من السفاره الاندونيسيه علشان تكتب المعلومات ذي;)
(ولاتنسون تاخذون معكم كيس رز هناك..لانه مافيه الا اندومي)

2-دبي (دانة الدنيا)
لكن لاتتعدون سياراتكم المكيفه والا السيتي سنتر
ليش؟؟
علشان ماتنشوون وتكرهون ساعه جيتوا فيها لهالديره




التعديل الأخير تم بواسطة عاشقة ; 07-06-2002 الساعة 02:37 AM
عاشقة غير متواجد حالياً   رد مع اقتباس
قديم 06-06-2002, 03:34 PM   #3
تداول
خبير اسهم
 
تاريخ التسجيل: May 2002
المشاركات: 1,069

 
افتراضي

ما شاء الله عليك اختي عاشقه

عارفه اندونيسيا زين

اخاف ان عندك مكتب استقدام وحنا ما ندري

على فكره حلوه ( بليز )
تداول غير متواجد حالياً   رد مع اقتباس
قديم 06-06-2002, 03:53 PM   #4
ابوفهد
متداول نشيط
 
تاريخ التسجيل: May 2002
المشاركات: 4,498

 
افتراضي بسم الله الرحمن الرحيم

بالنسبه لأبها انا سبق وزرتها قبل سنتين
مدينه جميله( طبيعه) و(أمطار) و(الجو أكثر من رائع) بس عيبها غلاها
يعني مثال:- السكن في فندق خمس نجوم يكلفك الليله تقريبا 650 ريال للفرد
اذا تبي شقه عائليه مرتبه ما لااح تاخذها يوميا اقل من 700 ريال
وأشتهرت ابها بمقوله اطلقها السياح( مرحباً ألف والشقه بألف))

عموما انا أفضل أبها على لندن
لكن بالنسبه لدول شرق آسيا مثل أندونيسيا و ماليزيا فهي مناطق رائعه طبيعه وجمال واحترام للسائح لكن ماليزيا اغلى شوي من اندونيسيا


تحياتي

ابوفهد
ابوفهد غير متواجد حالياً   رد مع اقتباس
قديم 06-06-2002, 11:15 PM   #5
abo hamad
متداول جديد
 
تاريخ التسجيل: Jun 2002
المشاركات: 31

 
افتراضي راييى 00000

مسا الخير جميعا
اتشرف بممدا خلتى معكم حيث وجدت انكم خفاف دم 0 ولى راى بوجهتكم هالسنه 0 وش را يكم تعسكون رتم سنينكم الما ضيه وتصيفون بالحماد والا
بحرة الحره والا بالصمان يجب ان يكون لديكم المام بجميع الاجوا -
شكرا لكم 0


ابو حمــــــــــــدa1
abo hamad غير متواجد حالياً   رد مع اقتباس
قديم 06-06-2002, 11:49 PM   #6
المتفائل جدا
متداول نشيط
 
تاريخ التسجيل: May 2002
المشاركات: 1,516

 
افتراضي

ماشاء الله عليكم ...تبون تصيفونى وتخلونى فى الحر
بالنسبة لاندونيسيا شغالتنا تقول زينة (يعنى ان عندنا شغالة) ...اندونيسيا اللى زينه مهوب الشغالة..انتبهو
وبالنسبة لابها يبي لها جمعة لاتروح لحالك تاكلك القرود
وبانسبة للحماد والصمان ....عقارب وديبان ...بسم الله عليكم
اما لندن فحسب مرئياتى وتجاربى الكثيرة فالريف ممتاز وما ينقصه الا انى اروح واشترى (حياله) وازرعها نخل ولومى وبردقان وبيدجان واعزمكم كلكم ..على مريقية بالقرع

هاه ....تجون ولا لاتخسرونى ...وترى ماعندنا حلوف على كيفكم ؟
المتفائل جدا غير متواجد حالياً   رد مع اقتباس
قديم 07-06-2002, 01:55 AM   #7
العنـود
متداول جديد
 
تاريخ التسجيل: Jun 2002
المشاركات: 8

 
افتراضي

مافيه خيارات...............
يأخ تداول وراك ياشيخ ضيقت الوسيعه

يا لندن ولا ابها؟

بالنسبة لندن يقولون انك ان رحت تسنك بطرف الرياض ..ولا جده كله عرب يعني اللي انت هاج منه قدامك

اما ابها فالصدق عاد انه تهبببببببببل بجد ان من زمان يعرض علي السفر لابها لكن السنة الماضية وفقت على مضض(لا تفوتكم مضض)<====تراها ماتعرف معناه

والله يوم رحت ؟؟؟؟؟؟؟؟؟؟جنان هو الجو ولا الامطار ولا المهرجانات كنك بمصر سيرك وعرض دلافين ومناظر طبيعيه خلاااااابة<===حتى خلابه ماخذته من كتاب المطالعة

اقول عاشقة (وربي ما لاق عليتس هالاسم)<===غيور

متى رحتي لاندونيسيا(شكلتس قوم جحده)


وبعدين انا ابي اروح لمكان عشان اغير مناظر واشكال ووجيه..............صح
وين التغيير بروحتي لاندونيسيا ؟؟؟؟؟؟؟؟؟؟ان صارت جاكرتا هي حارتنا ؟ <===شارعهم عين سواق
واتصبح بوجه سمياتي وتيني ...................
العنـود غير متواجد حالياً   رد مع اقتباس
قديم 07-06-2002, 02:03 AM   #8
عاشقة
متداول جديد
 
تاريخ التسجيل: Jun 2002
المشاركات: 39

 
افتراضي اقول يالعنود..

رحنا لاندونيسيا يوم انتس بابها تناظرين الدلافين...


هههههههههههههههههههههه
اجل الدلافين زينه؟؟؟
وربي اني انام لمين يخلصون...قمة الملل..

بعدين تعالي...تتعلمين (مضض) و(خلابه) من ورانا؟؟؟

صدق مالتس خاتمه...a3
كم تعطينني وما اعلم اهلك انك تطلعين بالمنتديات وانتي تقولين (مضض وخلابه)؟؟;)

التعديل الأخير تم بواسطة عاشقة ; 07-06-2002 الساعة 02:26 AM
عاشقة غير متواجد حالياً   رد مع اقتباس
قديم 07-06-2002, 03:32 AM   #9
تداول
خبير اسهم
 
تاريخ التسجيل: May 2002
المشاركات: 1,069

 
افتراضي

تصدقون ماجيت للبيت الا الساعه ثلاث الفجر

ويوم شفت سواليفك يالعنود انتي والعاشقه

تقطعت مصاريني من الضحك مع اني ما ودي اضحك بس ما قدرت

بعدين حلوه منك يالعنود ( قوم جحده ) هههههههههه

تكفين يا اخت عاشقه لاتعلمين احد انها قالت (مضض وخلابه )

ابروح انام احسن لي
تداول غير متواجد حالياً   رد مع اقتباس
قديم 07-06-2002, 01:10 PM   #10
المتفائل جدا
متداول نشيط
 
تاريخ التسجيل: May 2002
المشاركات: 1,516

 
افتراضي

ياحليلكم يالفقارى ..والله ضحكتونى ...وانا ودى اضحك
الناس قربوا يرجعون من السفر وانتم بتقعدون تفكرون اليمن تنتهى الاجازة ,,,,كالعاده
المهم ماحد رد على عزيمتى شكلكم نفوسكم عزيزة كعادة الفقراء....اجل قطه نتقاطط قطية
ونروح لبو حدرية والا السفانية نصيد فقع ونلقط ضبان ....شكل راعية كتاب المطالعة ..ارتعدت فرائصها من الخوف (سجل) اتحداها تلقى هالكلمة فى كتابها
اما انت باستاذ (تداول) وش طلعك برا البيت فى هالقوايل بهاالليول ماتخاف تمسكك العسة ويتمردسون فى بطنك
واحب اجاوبك ولو انك ماسألتنى انا ..واقولك السنبوسة قدام عيونك جنب اسم عاشقه بس انت تطلع بهالقوايل فى الليل وماعاد تشوف الله يستر عليك
المتفائل جدا غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:13 AM. حسب توقيت مدينه الرياض

Powered by vBulletin® Version 3.8.3
Copyright ©2000 - 2020, Jelsoft Enterprises Ltd.