نظام مساكن من المؤسسة العامة للتقاعد ( كامل وبالتفصيل )... قبل النشر في الصحف

[الاسهم الثروة]

المشاركة الأصلية كتبت بواسطة الاخطبوط745

يا اخــــــــــــــــوااان ارجوا عدم الاستعجال بالكلام والقيل والقال

صندوق المتقاعدين ما اخذ الا حقـــه !! وانتم احسبوها بروسكم !! الفائده السنويه

تقريبا 4% بينما القروض البنكيه اللى على الراتب ودخلنا فيها بسوق الاسهم كانت

تتراوح بين 6 و 7% ايهما ارحــــــــــــــم ولا تنسوا ان المده طويلة الاجل يعني قسد

على راحتك وش صار ياخذون ثلث الراتب بشي مضمون لك ولعيالك والا تنتظر صندوق التنميه العقارى

عشرين سنه !! تمحطك الاجاراة وكل يوم وانت بشقه !! وغدا لناظره قريب شرط اول من يقدم عليهم

هاللى يهايطون ويتحسبون الله وانا اولكم !!

لاهنت ياراس الرجاجيل لاهنت وصح لسانك وعداك العيب

[العمارية]

المشكلة في تأثيرالسلبي جدا على السوق لعدة اسباب منها
لن يتم اقراض اي مواطن لديه قرض سظابق لدى البنوك والمعلوم ان البنوك توسعت في القروض قبل انهيار السوق واصبح نسبة كبيرة من السعوديين مقترضين
والي يبي يستفيد من قرض مساكن يجب عليه تسديد تلك القروض
يعني لازم يبيع كل اسهمه ويتسلف عشان يسدد القرض
ويفكر المسكين في بيت ويترك سوق الاسهم بلا رجعه
يعني الحذر واجب من السوق
يعني كل تغيير يستغله الاقطاعيين الجدد لمصلحتهم واخذ اسهمنا باقل الاسعار
يعني اتوقع ان المحافظ ستقل عن مليون محفظة
يعني مافيه شراء مافيه ثيران ما فيه الا دببه
بتاكل الاخضر واليابس
يعني السوق سيمر ببيات شتوي
يعني الله المستعان
والحمد لله

[الفهد 2000]

المشاركة الأصلية كتبت بواسطة الاسهم الثروة

بسم الله الرحمن الرحيم
روعتنا يا راعي حائل الله يهديك
أخواني في هذا المنتدى أبشركم بعلوم جديدة وتفرح ومن مصدر ثقة من موسسة التقاعد
من ضمن الشروط
1- نسبة الخصم من الراتب 33 %
2- يحق لجميع المواطنين المسجلين في مصلحة التقاعد من الاستفاده من التمويل سوى موظف على راس العمل اومتقاعد
[blink]3- نسبة الارباح ستكون من 1.5% الى 2 % حسب المدة التي يطلبها العميل[/blink]
4- من لديه قروض بنكيه لايستطيع ان يستفيد من هذا التمويل
5- سعودي الجنسيه.
6- موظف على رأس العمل أو متقاعد ولديه معاش تقاعدي.
7- لم يسبق له الاقتراض من بنك التسليف.
[blink]4- لا يملك إي عقار ( يعني أتركو الطمع الي عنده منزل واعطو فرصة لغيركم)[/blink]
8- إحضار ما يثبت أنه من سكان (المدينة الموجود بها )منذوا مده لا تقل عن سنتين.
9- لايحق لمن حصل على قرض من موؤسسة التقاعدأن يحصل على قرض مره ثانيه للغرض نفسه حتى وأن سدد المبلغ كامل وكاش.


تقبلوا تحياتي الموضوع ليس بهذه الصعوبة بل بلعكس [blink]سوف ترون موقع مساكن على الانترنت قريباً وبامكانك التقديم من بيتك[/blink] وهذا الكلام حسب المصدر وأخيراً تفألوا بالخير تجدوة

ونعم يا بعد حيي.............هذي البشارة.......انت من جد شايفها بشاره؟ يا خوي اقرأ زين الله يهديك ...

من ضمن الشروط ان الموظف على راس العمل مايستفيد ليش؟؟؟؟؟؟؟ حاسدينه على هالكم مليار اللي يستلمها ..........والا مهو مسلم غلبان ومحتاج مثل غيره سكن يأويه وعياله؟ والا شايفين والرأي الاتم لهم انه يجب سحله طالما على رأس العمل لحين تقاعده ومن ثم يحق له طلب قرض الغبن والاجهاز عليه تماما.

ثانيا ياكبرها اللي متسلف من بنك التسليف ما يستفيد اساسا؟!!! اللي تسلف دليل على انه غلبان والا هم شايفين انهم اعطوه مليون وما يستحق......... وقروض بنك التسليف قبل يسمونه بنك الزواج وش كانت كانت لا تتجاوز 20الف ريال........

يا خوي هذولا فيهم شر الله يكفينا شرهم ولا شك ان هذا من علامات الساعة حين يوكل الامر لغير اهله وين عايشين هذولا اللي حاطين النظام ذا ؟............ لابارك الله فيهم ولا في اللي عينهم.........

وربي الهجرة لبلد عربي في ظل هذي الانظمة اكرم واحسن من العيش وسط غابة اللصوص اللي شغالين فواتير ورسوم وفائدة يستحي اخوان القردة والخنازير من فرضها .... على الاقل يحتفظ الانسان في اخر عمرة ببعض الكرامة لا يضطر لمد يده والا يشوف اثار الفاقة والذل على عياله واعتقد والله اعلم انه ممتعمدين هذي الحركة حتى يضطرون الناس للجوء للبنوك من جديد خاصة بعد توقع انخفاض مداخيلها بعد الهبشة الاولى وانتم ما يحتاج تعرفون من يملك هذي البنوك......... وحسبنا الله ونعم الوكيل.....ولا تؤاخذونا

[مد عبد العزيز]

المشاركة الأصلية كتبت بواسطة مد عبد العزيز

.







ليعلم الأخوة المتفائلون أنه من المهم النظر فيما يستتبع من إقرار هذا البرنامج :

الشراء لمساكن قائمة وذلك يعني :
1- الموضوع في حقيقته تسويق للعقاريين
2- نتيجة البرنامج ارتفاع في الأسعار ( ربما ترتفع من 20% إلى 50 % )


والنتيجة النهائية أن من سيتم إقراضه يعتبر خسران جداً ومن لن يتم إقراضه يعتبر خسران جداً جداً

لأن من ستم إقراضه من هذا البرنامج سيدفع فائدة ارتفاع الأسعار ثم فائدة البرنامج
ومن لم يستفد منه ويلجأ للبنوك سيدفع فائدة ارتفاع الأسعار ثم فائدة بيع التقسط من البنك



في الأخير من المستفيد الحقيقي من البرنامج ؟؟؟؟؟؟؟؟؟؟؟؟؟؟؟؟

أصحاب العقار + تجار المقاولات والبناء والتشييد


وأما صغار المواطنين فلن يجدوا من يحميهم كصغار المستثمرين بالسوق

وربما هذا هو قدر الصغار في بلدنا الكريم

أزيدكم من الشعر بيتاً


ربما بعد هذا البرنامج ( الاستثماري ) لا يتم دعم صندوق التنمية العقاري كما يتطلب الأمر


عشان ما يأثر على برنامج الاستثمار الآمن لموسسة التقاعد !!!!

وأيضاً المواطنين الضعوف اللي مو عاجبهم انتظار قرض صندوق التنمكية العقارية يكفيهم برنامج التقاعد فليش نخسر وندعم الصندوق ما هنا عجلة !!!!



(حساب الفائدة المركبة لزيادة الأسعاربسبب برنامج التقاعد وكذلك فائدة البرنامج )

سنفترض أن زيادة الأسعار 30 %
وسنفترض أن فائدة البرنامج هي 40 %
المعادلة النهايئة هي

1.3 × 1.4 × قيمة العقار الحالية = 1.82 × قيمة العقار الحالية


يعني الفائدة ( الزيادة ) هي 82 %


مع ملاحظة أن الأرقام تقريبية وتختلف في الواقع أما زيادة أو نقصاً بحسب اختلاف الأحوال


الأخوة اللذين بيطلع لهم قرض صندوق التنمية العقاري الله يعينكم على قيمة الأرض ثم على تكاليف البناء في ظل زيادة الأسعار

أتمنى أن نردد دائماً في صلواتنا وغيرها

حسبنا الله ونعم الوكيل على كل من يريد الإضرار بهذا البلد لمصالح شخصية

[/QUOTE]








[/COLOR] ::[/SIZE]


أشير إلى أن استعمال الشعار أول مرة شاهدته بمشاركات الأخ سما الشرقية رعاية لحقه الأدبي علي


وهو صوت قلب كل مواطن

[الاخطبوط745]

المشاركة الأصلية كتبت بواسطة العمارية

المشكلة في تأثيرالسلبي جدا على السوق لعدة اسباب منها
لن يتم اقراض اي مواطن لديه قرض سظابق لدى البنوك والمعلوم ان البنوك توسعت في القروض قبل انهيار السوق واصبح نسبة كبيرة من السعوديين مقترضين
والي يبي يستفيد من قرض مساكن يجب عليه تسديد تلك القروض
يعني لازم يبيع كل اسهمه ويتسلف عشان يسدد القرض
ويفكر المسكين في بيت ويترك سوق الاسهم بلا رجعه
يعني الحذر واجب من السوق
يعني كل تغيير يستغله الاقطاعيين الجدد لمصلحتهم واخذ اسهمنا باقل الاسعار
يعني اتوقع ان المحافظ ستقل عن مليون محفظة
يعني مافيه شراء مافيه ثيران ما فيه الا دببه
بتاكل الاخضر واليابس
يعني السوق سيمر ببيات شتوي
يعني الله المستعان
والحمد لله

كلامك عين العقل !! وهذى مشكله اخرى الله يخارجنا من الهوامير والبنوك

يبي يصير لهم عذر لانزال السوق للقاع المنتظـــــــر وجزاك الله خير

[saneur]

يا شماتة دول الخليج فينا

[رابحه]

جزاك الله خير
لكن وش الفائدة إذا كانت العمولة 50% يافرحة ما تمت إذا صدق ما يقال , الله المستعان 0

[vxr driver]

يا اخوان اي برنامج زي كذا بيطير اسعار الفلل والاراضي والشقق ومواد البناء والاثاث وكل ما له علاقة بالبناء وفوق ارتفاع الاسعار .... بيصير البناء غش في غش .... اذا الحين المجمعات السكنية الي تبنيها شركات التطوير العقاري انواع العيوب فيها ... اجل وشلون لو صار الموضوع بصورة اكبر والطلب على الفلل اكثر .... يعني بتصير شركات البناء بتحاول تبني اكبر قدر ممكن من الفلل بأسرع وقت ممكن يعني لو الود ودهم يبنون الفله في شهر ....

ما نقول الا حسبنا الله ونعم الوكيل .... وش فيها لو عطيت المقترض نقد وخليته يبني بكيفه ؟
وش فيها لو اقرضت المشترك وكسبت من وراه بدون ما تقص ظهره بالفائدة العاليه؟

[هامور على خفيف]

المشاركة الأصلية كتبت بواسطة vxr driver

يا اخوان اي برنامج زي كذا بيطير اسعار الفلل والاراضي والشقق ومواد البناء والاثاث وكل ما له علاقة بالبناء وفوق ارتفاع الاسعار .... بيصير البناء غش في غش .... اذا الحين المجمعات السكنية الي تبنيها شركات التطوير العقاري انواع العيوب فيها ... اجل وشلون لو صار الموضوع بصورة اكبر والطلب على الفلل اكثر .... يعني بتصير شركات البناء بتحاول تبني اكبر قدر ممكن من الفلل بأسرع وقت ممكن يعني لو الود ودهم يبنون الفله في شهر ....

ما نقول الا حسبنا الله ونعم الوكيل .... وش فيها لو عطيت المقترض نقد وخليته يبني بكيفه ؟
وش فيها لو اقرضت المشترك وكسبت من وراه بدون ما تقص ظهره بالفائدة العاليه؟

كلام سليم اخوي ما دام مافيه جهات رقابيه تشرف على البناء الدعوى بتصير غش في غش ومن اول شهر تطلع لك الشطوب والسباكه المضروبه

اما ليش ما يعطونك فلوس عشان تبني
فهم حاسبينها لصالحهم مظبوط

لو ما سددت وانت توك تبني عظم او في الاساسات
لو باعو البيت ما راح تجيب شي ولا توفيهم فلوسهم

لكن بيت جاهز لو تخلف ثلاث اقساط مباشره يبيعون البيت وياخذون فلوسهم كامله مكمله

[lmaa]

بارك الله فـــــيك>>