للتسجيل اضغط هـنـا
أنظمة الموقع تداول في الإعلام للإعلان لديـنا راسلنا التسجيل طلب كود تنشيط العضوية   تنشيط العضوية استعادة كلمة المرور
تداول مواقع الشركات مركز البرامج
مؤشرات السوق اسعار النفط مؤشرات العالم اعلانات الشركات الاكثر نشاط تحميل
 



العودة   منتديات تداول > تداول الآداب والشعر > تداول الشعر الشعبي



إضافة رد
 
أدوات الموضوع
قديم 31-03-2008, 12:37 AM   #851
دانة الاسهم
كاتبة مميزة
 
تاريخ التسجيل: Jun 2005
المشاركات: 5,635

 
افتراضي

[grade="00008B FF6347 008000 4B0082"]تلاعب بالغلا باسلوب باهــر *** غرورك يجذبك لعيون غيــــري

تنام الليل والمجروح ساهر *** يناجي الليل بالدمع الغزيري

عشقتك للأسف بإحساس طاهــر *** أحسب إنك بهالدنيا عشيـــري

اشيل الجرح وأضحك واتظاهر *** سعيد الحال والخافي خطيــري[/grade]
دانة الاسهم غير متواجد حالياً   رد مع اقتباس
قديم 31-03-2008, 08:39 AM   #852
مضارب وهارب
متداول نشيط
 
تاريخ التسجيل: Feb 2007
المشاركات: 2,415

 
افتراضي

صـدفنـا الصـلـف تسـعيـن كيـلـو عـن الدمام
...................... الاخـلاق شــانـت والخـوي قــل تـقـديـــــره
مضارب وهارب غير متواجد حالياً   رد مع اقتباس
قديم 31-03-2008, 11:01 AM   #853
اشراقة قلم
اشراقة قلم
 
تاريخ التسجيل: Feb 2006
المشاركات: 10,646

 
افتراضي ذائقة رائعة كالعادة، شكرا جزيلا للجميع..



[poem font="Simplified Arabic,6,purple,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
اللي يتيه الليل يرجي النهارا=واللي يتيه القايلة من يقديـه !!?

(مويضي البرازية)[/poem]
اشراقة قلم غير متواجد حالياً   رد مع اقتباس
قديم 31-03-2008, 12:20 PM   #854
بنـــــدر
مشرف
 
تاريخ التسجيل: May 2004
المشاركات: 10,387

 
افتراضي

من الفرحة نسيت إني عليك البارحة زعلان

نسيت أقول لو تسمح تكرم لا تكلمني

أهلي بك مثل ما إنت تهلي بي وأنا الشفقان

أحس إني أنا الغلطان وفرصتك ما تعلمني

ذكرت إنك علي أخطيت لكن نعمة النسيان

تنسيني خطا الغالي وترجع له تسلمني

حبيبي ما تمكن داخل فؤادي ولا إنسان

ألومك يومك إنت أخطيت وإذا أخطيت أنا لمني

حبيبي لو يطول العمر أو يقصر أبد خلان

تراك إنت الوحيد اللي يشتتني ويلملمني

حبيبي دايم قلبي مشتاق لك ولهان

غيابك عن عيوني طول هالمدة يألمني
بنـــــدر غير متواجد حالياً   رد مع اقتباس
قديم 31-03-2008, 02:07 PM   #855
دانة الاسهم
كاتبة مميزة
 
تاريخ التسجيل: Jun 2005
المشاركات: 5,635

 
افتراضي

[grade="00008B FF6347 008000 4B0082"]أتعبت قلبي من جفاك وتغليك
وتاهت بي الشرهة ولاأحد ذكرها
المشكله قلبي حلف مايخليك
ومدري متى ظروفك توقف ضررها
قلبي وعقلي والمشاعر تباريك
روحي هوت وروحك وحبك سحرها
الذنب ذنب الحب ماهو خطا فيك
هذا خطا نفسي وقدرها[/grade]
دانة الاسهم غير متواجد حالياً   رد مع اقتباس
قديم 01-04-2008, 02:55 PM   #856
ولد الهيلا
متداول نشيط
 
تاريخ التسجيل: Nov 2007
المشاركات: 1,414

 
افتراضي

ياوجودي كل ماهب نسناس الشمال
وجد من حدّه زمانه على اللي ما يبيه
وياوجودي كل مااغفيت ثم مال الظلال
لاغفت عيني ولاذقت شيٍ مشتهيه
وجد من قفّى وهو في رجا كلمة تعال
والتفت من عقب مااقفى ولحدن لدّ فيه
وياعذابي لادنا الليل من روس الجبال
وانتهى يومٍ من العمر ماعاد ارتجيه
وانتي ابعد من سما الحلم ووصالك محال
يابعد من هلّ دمعي ضحى الفرقا عليه
ياغناتي لاتحسبين دمعي يوم سال
ضعف والاّ خوف والاّ كذا والاّ كذيه
والله اني من رجالٍ يضدون الرجال
لكن الحظ الردي ساق دمعي كلبيه
اووالله اني كل مادار حوليك الجدال
قمت كن الموت يشر على قبري ابيديه
ووالله ان قد لي وانا اصد لاجالك مجال
صدّت اللي لاتضايق تذّكر قبر اخيه
ومن سألني قلت مدري واذا عاد السؤال
قلتله تكفى سؤالك ترى ماهو وجيه
وش تبيني اقول عماََ ترى ذبحي حلال
والخطا منها علي صرت احبه واهويه
عذرها لو ماتعذر مثل واضرب مثال
واحدن مايعرف الحر الأشقر يشتويه
وان رجعنا للتواصيف لله الكمال
لا انتهى ليل المزايين جاتك تبتديه
كنها غفلٍ مع البدو طاويها الحيال
ما يميز وصفها الاّ نبيهٍ من نبيه
واهني اللي وصلها وذاق امن الزلال
رشفةٍ مع غفلة الناس من فيها لفيه
واعزتي للي سواتي عشق ما لا يطال
ويوم طاله ضيع الحلم بين أمه و ابيه
يااول احلام الطفوله على حد الخيال
الرجا باللي حمى البيت من حملة بريه
هيه يللي غرك الحسن واطغاك الجمال
والله ان اموت ماشفت لاوصافك شبيه
لو يسام الحسن والتيه بجنيه وريال
مابقى في سوق غيرك لا ريال ولاجنيه
كيف اهدك للمقابيل وانتي راس مال
راس مال ومال والماال مايعطى السفيه
حافظك حفظي لعيني ورمشي لك جلال
وانتي تشحّين بالما وانا شفّي مويه
شايفن ظلمك وساكت وطال الليل طال
لاتركتي طعن قلبي وانا ماقلت ليه
لو بقا للهيل صبرن على فوح الدلال
مابقى للقلب صبرن على شيٍ يجيه
كنت احسب ان الغلا زال واثره لايزال
في الحشا ماكنه الا دخيلٍ في وجيه
ساقني حبك على الموت وسنيني هزال
والظروف اقسى من الظلم للعرض النزيه
وانتي تسوقين عقلي على حد الهبال
تحسبين ان من بغى شي يقدر يشتريه
والاّ انا ياوجد حالي وجودن مايقال
وجد من ضحى بغاليه لرضا والديه
وياوجودي يااول العمر قبل ألبس عقال
وجد من باع آآخر العمر في رغبة ذويه
وياوجودي كل ماهب صوتك من شمال
وجد من حدّه زمانه على اللي مايبيه
ولد الهيلا غير متواجد حالياً   رد مع اقتباس
قديم 02-04-2008, 12:15 AM   #857
دانة الاسهم
كاتبة مميزة
 
تاريخ التسجيل: Jun 2005
المشاركات: 5,635

 
افتراضي

[grade="00008B FF6347 008000 4B0082"]أبطى جوابك ليه ياسلوة الـــــروح ....مـــــــــــــــاذي بحالة ياحلو لا عدمناك

وإن طعتني مالك من الهجر مصلوح ....خايف يطول الوقت والقلب ينساك[/grade]
دانة الاسهم غير متواجد حالياً   رد مع اقتباس
قديم 02-04-2008, 01:33 AM   #858
الهـــــارف
مشرف
 
تاريخ التسجيل: May 2005
المشاركات: 19,685

 
افتراضي

والله اني ماتنازل ولي راسٍ عنيد +++ لين اقابل غرة الشمس والثم خدها
الهـــــارف غير متواجد حالياً   رد مع اقتباس
قديم 02-04-2008, 02:39 AM   #859
الهـــــارف
مشرف
 
تاريخ التسجيل: May 2005
المشاركات: 19,685

 
افتراضي

في زمان كنه البرد .. شبيت القصيد قلت ابدفا والليالي تموت ببردها
في طريق كنه الموت والحالي وحيد قلت ابحيا والمنايا تبوح بسدها
أتقارب هقوة العمر لو كانت بعيد واتغني بالمقابيل واخطب ودها
لاقديم الجرح يقوى ولاجرح الجديد يخلف الناس العزيزه عن اللي ودها
والله اني ما اتنازل .. لي رايٍ عنيد لين أداعب غرة الشمس ..والثم خذها
وانزفي ياوردة الشعر .. من دم الوريد لاتجفي في عروقٍ .. تراجف يدها
ياقصيدي كان الأشعار سادات وعبيد والله انك من بحور ..غريبٍ جدها
ماتقاود مهرة الحرف للقلب البليد ياقصيدي خذ رسنها ..وخلك قدها
في طريق كنه الخوف سليت القصيد قلت ابحيا والليالي تموت ببردها
الهـــــارف غير متواجد حالياً   رد مع اقتباس
قديم 02-04-2008, 10:46 PM   #860
EFH
متداول نشيط
 
تاريخ التسجيل: Jan 2007
المشاركات: 901

 
افتراضي قصيدة يشيب منها الرأس

قصيدة يشيب منها الرأس

لاحول ولا قوة إلا بالله

نعوذ بالله من عقوق الوالدين





الشاعر جحيش بن مهاوش قال قصيدته المرثية في عياله حيث دعا عليهم واستجاب الله دعوته ولم ينجبوا أولادا وقيل أنهم تزوجوا مرة ومرتين وثلاث من أجل أن يرزقهم الله ولكن أمر الله قد نفذ وانقطعت من ذلك الزمان ديارهم ....... (ولم ينجبوا أولادا) . والقصة وما فيها أنهم تنكروا لوالدهم حيث توفيت أمهم وهم صغار وقام بتربيتهم حتى كبروا وكان لهم بمثابة الأم والأب يسهر الليالي على رعايتهم وراحتهم وفي النهار يذهب لجلب طعامهم............. الخ وعندما كبروا تنكروا له وأصبح لا يريده أحد منهم مراعاة لخاطر زوجاتهم اللاتي تأففن من خدمته وصار كل واحد منهم يطرده من بيته فما كان من الوالد إلا أن سكن إحدى (الخربات) حتى صار لا يقوى على النهوض أو السير وضعف بصره فذهب زاحفا يتوسل ويرتجي أبناءة بأن يمكث عندهم حتى يقضي الله أمرة فلم يستجب له أحد منهم ...................... فقال فيهم الأبيات التالية :









قـال الـذي يقـرا بليـا مكاتيـب
ياللي تقرون العمـى مـن عماكـم
ياعيالـي اللـي تشرفـون المراقيـب
تريضوا لي واقصـروا فـي خطاكـم
خذوا كلام الصدق ما بـه تكاذيـب
مثل السند مضمـون للـي وراكـم
ياعيال لا صرتوا ضيوف ومعازيـب
ترى الكلام الزيـن ملحـة قراكـم
وتروا السبابة من كبـار العذاريـب
وهرج البلايس مـا يطـول لحاكـم
المذهب الطيب فهو مذهب الطيـب
والمذهـب الخايـب يبـور نساكـم
ياعيال مـا سرحتكـم باللواهيـب
ياعيال ما عمـر المعـزب ولاكـم
ياعيـال ماضربتكـم بالمشاعـيـب
ولا سمعـوا الجيـران لجـة بكاكـم
ياما توليـت القبايـل تقـل ذيـب
من خوف لاينقص عليكم عشاكـم
وياما شربت السمن من عرض ماجيب
يفـز قلبـي يـوم يبكـي حداكـم
أحفيت رجليني بحامـي اللواهيـب
وخليت لحم الريم يخالـط عشاكـم
ياعيال دوكم لحيتـي كلهـا شيـب
هـذا زمـان قعودنـا فـي ذراكـم
قمت اتوكا فوق عـوج المصاليـب
قصرت خطانا يوم طالـت خطاكـم
عطوني القرضـة عليكـم مطاليـب
عطوني القرضة جزى مـن جزاكـم
لابد يـوم عـاوي دونـي الذيـب
بالقبر ما افرق طيبكم مـن رداكـم
ماني بفاضحكم بوسـط الاجانيـب
باعمالكم يـدرون كـل اقرباكـم
لوكان تـدرون الـردى والمعاييـب
صرتوا مع المخلوق مثـل خوياكـم
خوالكم بالطيـب تـروي المغاليـب
ولو تتبعون الجـد محـدن شناكـم
وش علمكم يا تاركيـن المواجيـب
حسبي عليكم هالردى ويـن جاكـم
قصيتكم واسندت وادي سلاحيـب
ولقيت بالصبخـا مدافيـق ماكـم
ياعيال بعتونـي (بصفـر العراقيـب)
ما هـي حقيقـة سـود الله قراكـم
يالله عسى اعماركم شمسهـا تغيـب
يعتـم قمركـم ثـم تظلـم سماكـم
يا علكم فـي حاميـات اللواهيـب
ياللي على الوالـد خبيـث لغاكـم
شفت الجفا والحيف والغلب والريـب
بضلوعكـم لابيـض الله قـراكـم
عسى نساكم ما تحمـل ولا تجيـب
ولا حدن من البزران يمشي وراكـم
اخسوا خسيتوا يا كبـار اللغابيـب
اهبـوا هبيتـوا يقطـع الله نماكـم



منقوووول
EFH غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:32 PM. حسب توقيت مدينه الرياض

Powered by vBulletin® Version 3.8.3
Copyright ©2000 - 2024, Jelsoft Enterprises Ltd.