للتسجيل اضغط هـنـا
أنظمة الموقع تداول في الإعلام للإعلان لديـنا راسلنا التسجيل طلب كود تنشيط العضوية   تنشيط العضوية استعادة كلمة المرور
تداول مواقع الشركات مركز البرامج
مؤشرات السوق اسعار النفط مؤشرات العالم اعلانات الشركات الاكثر نشاط تحميل
 



العودة   منتديات تداول > تداول الآداب والشعر > تداول الشعر الشعبي



إضافة رد
 
أدوات الموضوع
قديم 17-09-2008, 06:26 AM   #1361
نمولة
متداول نشيط
 
تاريخ التسجيل: May 2004
المشاركات: 428

 
افتراضي مدري ( تفو ) هي مدح ولاّ شتيمـة

هذه قصيده للدكتور محمدبن نصيف





مدري ( تفو ) هي مدح ولاّ شتيمـة







[poem font="Simplified Arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
البارحة جاني مـن الحـب مرسـال =من عقب ما بينـي وبينـه خصيمـة



وانا ترى في الحـب مانيـب فعّـال =ولا بعـد ولّـع بقلبـي هشيـمـه



ولا بعد غنّيت فـي ساعـة وصـال =ولا بعد ذقـت الفـراق وجحيمـه



ولا جرى دمعي على الخـد همّـال =ولابعـد جربـت مــرّ الهزيـمـة



حتى وردنـي تالـي الليـل جـوال =وانا على شاهي وبسكـوت ديمـة



الرقم بايخ لكـن الصـوت قتـال =كنه مثل صـوت المذيعـة حليمـة



قالت مساء الخير يـا طيّـب الفـال =قلـت ارحبـي ترحيبـةٍ مستديمـة



بالعود والصفـري ودلـة وفنجـال =واجبك يا بنت الأصـول الكريمـة



ردت بضحكة ثم قالت وش الحـال؟ =قلت اشهد إن الحال عقبك سقيمـة



قالت وهي تضحك بعد مثل الأطفال =وانـا بعـد كنـي بدونـك يتيمـة



من يـوم قالتهـا تزلزلـت زلـزال =من فجعتي كنـي مسـوي جريمـة



قلت ارفعي صوتك ترى مابه ارسال =كـذاب لكـنّ المصيبـة عظيمـة



قالت أقول اسمع ترى هرجنـا طـال =ممكـن تصاحبنـي ترانـي وسيمـة



واسمي الحقيقي أول حروفـه الـدال =لكـن يسمّونـي البنـات الزعيمـة



صحيح أحب الفخفخة واعشق المال =لكـن ترانـي طاهـرة مستقيـمـة



ما عندي امغازل ولا (لعب يهّـال) =ما عندي إلا في الشرف والحشيمـة



بس الصراحة قلبي لشوفتـك مـال =واصبحت وحدك جالسٍ في صميمه



فكّر بعقلك واترك القيـل والقـال =واحذر تطيع اهل العقـول العقيمـة



وارسل علي الحين خمسميـة ريـال =أشحن بهـا جـوال أختـي غنيمـة



أو طقم غالي فيه خاتـم وسلسـال =أروح بـه فـي عـرس ولاّ عزيمـة



قلت الحقيقة مانيب رجـل أعمـال =ولانـي بتاجـر والمـوارد عديـمـة



أنا الصراحة شبـه عطّـال بطّـال =وعلاقتـي بالفقـر جـداً حميـمـة



والراتب الله يرحم الحـال مـا زال =محـدود والمصـروف ربـي عليمـه



والدين بـالآلاف والبنـك شغّـال =ياكـل فلوسـي بالربـا والظليمـة



والسوق طايح والغلا ضيّـق البـال =والموت والله صايـر اكبـر غنيمـة



قالت تحمّل بـس والحمـل ينشـال =خلك شديد الباس صلـب العزيمـة



ياخي تصرّف جعلك اتصيـر نشّـال =أهـم شـي إن النوايـا سليـمـة



لابد تفهمني علـى كـل الأحـوال =ما دمت من أهل العقـول الفهيمـة



قلت إيه والله فاهم اللي على البـال =لكن تـرى هـذي علينـا قديمـة



يا بنت هـذا صايـر اليـوم مـوال =للي تبي تلعب علـى ابـن اللئيمـة



يا بنت ما تدرين كـم فيـه محتـال =يلعب على الحبلين وانتـي غشيمـة



يا بنت كم من جاهلة دمعها سـال =من عقب ما جات العواقب وخيمـة



والبنت لا اقفى عرضها بيد الأنـذال =والله مـا يبقـى لهـا أي قيـمـة



قالت تبي ولاّ فخلّك علـى جـال =مهوب ناقصـني نصايـح حكيمـة



عز الله إنك للأسف منـت رجّـال =وانك قليل الذوق ما فيـك شيمـة



يا لعنبو اللي مـا يسطّـرك بنعـال =حتـى يعلمـك الغـزل يـا بهيمـة



( تفو ) عليك وصكّت الخط في الحال =مدري ( تفو ) هي مدح ولاّ شتيمـة[/poem]
نمولة غير متواجد حالياً   رد مع اقتباس
قديم 17-09-2008, 07:43 AM   #1362
دانة الاسهم
كاتبة مميزة
 
تاريخ التسجيل: Jun 2005
المشاركات: 5,635

 
افتراضي يسلمووووووووووووو نموله قصيده رائعه وتعبر عن واقع ملموس مع الاسف

اقتباس:
المشاركة الأصلية كتبت بواسطة نمولة
( تفو ) عليك وصكّت الخط في الحال =مدري ( تفو ) هي مدح ولاّ شتيمـة[/poem]

[grade="00008B FF6347 008000 4B0082"]والله (تفو)انا اشوفها مدحه لان الفكه منها هذي غنيمه [/grade]
دانة الاسهم غير متواجد حالياً   رد مع اقتباس
قديم 17-09-2008, 06:04 PM   #1363
الصقر هاني
متداول نشيط
 
تاريخ التسجيل: Jan 2006
المشاركات: 552

 
افتراضي



اعتزل ذكر الاغاني والغزل و قِل ِالفصل وجانب من هزل

وافتكر في منتهى حسن الذي انت تهواه تجد امرا جلل

واهجر المنكر ان كنت فتى كيف يسعى في جنون من عقل ؟

واتق الله فتقوى الله ما جاورت قلب امرئ إلا وصل

كتب الموت على الخلق فكم فل من جيش وافنا من دول

أين ارباب الحجى اهل النهى اين اهل العلم والقوم الاول

سيعيد الله كلا منهم,,,,,,, وسيجزي فاعلا ما قد فعل

اطرح الدنيا فمن عاداتها تخفض العالي وتعلي من سفل

فاترك الحيلة فيها واتكل انما الحيلة في ترك الحيل

قيمة الانسان ما يحسنه اكثر الانسان منه او اقل



الصقر هاني غير متواجد حالياً   رد مع اقتباس
قديم 18-09-2008, 09:42 PM   #1364
دانة الاسهم
كاتبة مميزة
 
تاريخ التسجيل: Jun 2005
المشاركات: 5,635

 
افتراضي

[grade="00008B FF6347 008000 4B0082"]في غربتي عارضت انا ركب الاغراب

اشـد وانـزل والليالـي ركـايـب

اضداد واقران وعـدوان واصحـاب

متناقضات الخلق ما غـاب غايـب

اسهر معي تهويم نجمات الاحبـاب

حتى يصير النجم بالصبـح غايـب

اصبح على فجر ضحـوك وعجـاب

وامسي على همسات ستر العجايـب

وقامت تجاذبني على درب الاسبـاب

نفس الشباب يحدهـا عقـل شايـب

مشيت في رمضاء وسندت بهضـاب

وعارضني سيـول وهبـت هبايـب

وامسيت في صحرا وقيلت في غـاب

ومن طاول الغربات شاف العجايـب

مرتني الدمعه بها الوجـد مـا ذاب

في غربة الاشواق راحـت هبايـب

مرتني البسمة تقل فوقهـا حجـاب

وراك خجلى يـا رسـول الحبايـب

والحب مريتي غريـب علـى بـاب

عقب القصور امست قصوره خرايب

بغيت اسلي خاطره عقب مـا شـاب

لقيت.. ماله.. بالتسلي . ....طلايب

اقفى مع المقفيـن وجـلٍ ومرتـاب

على عقوق الوقت بالحيـل عايـب

في غربتي مريـت رجلـي وركـاب

ارزاق من رب الخلايق .....وهايب[/grade]
دانة الاسهم غير متواجد حالياً   رد مع اقتباس
قديم 18-09-2008, 11:59 PM   #1365
كاوي كالعسل
د / ناصر
 
تاريخ التسجيل: Aug 2008
المشاركات: 1,794

 
افتراضي

اقتباس:
المشاركة الأصلية كتبت بواسطة اشراقة قلم
العسل اهلا وسهلا



قال:
وشفيهم اهل التراب اتنكروا منـّه = ما كن هذا التراب فيوم سواهم

عَلـّوا عليه القصور و يحسبون انه= واطي ، و هم قبل لا يُوطونهْ عَلاّهم


لا الحب بالذل و لا الإحسان بالمِنـّه=و كل الخلايق عبيد، اكرمهم اتقاه
العفو أختي اشراقة قلم توي شفت ترحيبك العذر منك واشكرك حسن اسلوبك تعديل الاسم ( كاوي كالعسل وعذب كالنار ) :)


والله ماشاء الله عليهم الاخوان والاخوات المشاركات احرجتني وحبيت اشارك





ياهيه لاتظلم قليل البخت..عيب

أنت تتسلّى وأغرقته المصايب

ياللي لجل تضحك..تبيع الصواحيب!

ماكل من بعته من البعد هايب

الله يجازي نية الطيب بالطيب

والقلب الأسود جعله يرد خايب

العيب ماهو من كثير العذاريب

من يرتضي خوّته لاشك عايب

ماتلحق الشرهه (قليل التجاريب)

اللي يميل اليا تعدّت هبايب

واللي سمع فيني حكي (مدّعي غيب) !

شرهتك لو بالي درى فيه غايب

مانيب قايل له : ((بلاش الألاعيب))

اليا كبر يدري .. أو يتم سايب!

هو أصغر من إنه يقدر هل الشيب

وأنا أكبر من إني أخطّيه...صايب

وإذا بغيت الصدق أنا أحسّها عيب

ماهوب كفو يتوّجه مدح شايب !!

روائع : ابراهيم الرشود
كاوي كالعسل غير متواجد حالياً   رد مع اقتباس
قديم 19-09-2008, 06:25 AM   #1366
الهـــــارف
مشرف
 
تاريخ التسجيل: May 2005
المشاركات: 19,685

 
افتراضي

(( لا يطول غيابك))



لايطول غيابك ... ثم اخذ عليه
لو تخليت عنى ... عنك قلبي ماتخلى


العذر والتعلل والحكي ... مانبيه
من تحرك فؤاده ... بالهوى ماتخلى


طبعي الصبر لكن وش عليه ارتجيه
من طويل الصبر يعقوب وايوب ملا


دامني حي عطني وش بقي نحتريه
مابي دموعك ...اللي عقب موتي تهلا


مابقي بالعمر مقدار ماراح فيه
كل مازل يومٍ ... يوم بالعمر ولى


مايعرف الجمر مثل الذي يكتويه
احد يدفا بناره ... واحد فيه يتصلى


يامن القلب حطيته براحة يديه
مارضى له مكان غير كفك محلا


كم تعذر وعيا عن هوى محتويه
لين طاح بيمينك بالغرام وتجلى


خالد الفيصل
الهـــــارف غير متواجد حالياً   رد مع اقتباس
قديم 19-09-2008, 06:49 AM   #1367
دانة الاسهم
كاتبة مميزة
 
تاريخ التسجيل: Jun 2005
المشاركات: 5,635

 
افتراضي على طاري خالد الفيصل

[grade="00008B FF6347 008000 4B0082"]قصيدتي منـك مجروحـه

اخلفتني واختلف شعـري

يا ونتي منـك مبحوحـه

لو ما طلع صوته عـذري

ذي رايتي منك مطروحـه

طرحتها وانت مـا تـدري

شف دمعة الشوق مسفوحة

والوجد في ملحها يسـري

مواجـع القلـب مفتوحـه

داريتها واحتـرق صـدري

حمامه الوصـل مذبوحـه

يا خوفتي قبرهـا قبـري[/grade]
دانة الاسهم غير متواجد حالياً   رد مع اقتباس
قديم 19-09-2008, 06:52 AM   #1368
دانة الاسهم
كاتبة مميزة
 
تاريخ التسجيل: Jun 2005
المشاركات: 5,635

 
افتراضي

[grade="00008B FF6347 008000 4B0082"]ليت العمر يهدي ..واهاديك عمـري

تستاهل الايام ...يـا زهـو الايـام

لو الهوى المحبوس في جوف صدري

يظهر على الدنيا غشا العالـم هيـام

فيني غرام فـوق محمـول صبـري

وفيني خيال فوق تصويـر الاحـلام

صباحي اسرح لك وفي ليلي اسـري

واذا هجع فكري خفوق الهوى قـام

والله مالي غيـر الاشـواق عـذري

واللي عرف شوق المواليـف مـالام

يا من يبيع الصبر يا ناس واشـري

محتاج كل الصبر واصخـي بالاقيـام

يا مالك امري ومن نوايـاك امـري

ارحم خفوق عن هوى غيركم صـام

حالي غدى مثل المساويـك مبـري

يا باري حالـي تـرى البعـد ظـلام

ادري بحالك وانـت بالحـال تـدري

وعساك هذا العام احسن مـن العـام[/grade]
دانة الاسهم غير متواجد حالياً   رد مع اقتباس
قديم 19-09-2008, 06:59 AM   #1369
الــــذيــب
مشرف - خبير سوق
 
تاريخ التسجيل: Nov 2003
المشاركات: 20,958

 
افتراضي

قصيده في الدجاجه


اقول وقد كاكت بقربي دجاجة
ايا ديك..... هلا تراْفن بحالي

ابيض لك البيضات في كل ليلة
وانت بقربي دون اي سؤال


اللي يبي التكمله يروح للشيخ قوقل
__________________
** ألا بــــذكــر الله تطمئن القــلوب **

التعديل الأخير تم بواسطة الــــذيــب ; 19-09-2008 الساعة 07:19 AM
الــــذيــب غير متواجد حالياً   رد مع اقتباس
قديم 19-09-2008, 07:11 AM   #1370
نمولة
متداول نشيط
 
تاريخ التسجيل: May 2004
المشاركات: 428

 
افتراضي

ههههههههههههههههههههه
الحين من اللي يكلم ؟ الدجاجه والا الديك ؟
نمولة غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:43 PM. حسب توقيت مدينه الرياض

Powered by vBulletin® Version 3.8.3
Copyright ©2000 - 2024, Jelsoft Enterprises Ltd.