للتسجيل اضغط هـنـا
أنظمة الموقع تداول في الإعلام للإعلان لديـنا راسلنا التسجيل طلب كود تنشيط العضوية   تنشيط العضوية استعادة كلمة المرور
تداول مواقع الشركات مركز البرامج
مؤشرات السوق اسعار النفط مؤشرات العالم اعلانات الشركات الاكثر نشاط تحميل
 



العودة   منتديات تداول > المنتديات الإدارية > اســــتراحـة الــــمســاهــمين



إضافة رد
 
أدوات الموضوع
قديم 04-09-2017, 05:50 PM   #1
أليا صهل
متداول نشيط
 
تاريخ التسجيل: Nov 2012
المشاركات: 10,045

 

افتراضي تكفى .. تراني من قـروم ٍ مشاكيـل :: حمّاية الساقـه .. بسيـفٍ وشلفـا

الشاعر : محمد الشهري - بيت عن قصيدة
كلكم سمعتوا البيت اللي يقول:-
((تكفى ترى تكفى تهز الرجاجيل
لولا ظروف الوقت ماقلت تكفى))

قائلها هو الشاعر محمد الدحيمي الشهري والملقب بــ ( أخو تكفى )

، لكن أغلبكم ماقرأ القصيدة الكاملة
تمتع بقوة القصيدة
يقول فيها:

علم العفا وعفاك .. يا وافي الكيـل
بساطه أبشّرك .. في خيـر وعفـا

نكفي بعضنا ,, وانتكافا على الشيل
واللي تعب من الحطّ والشيل يكفـا

من ذاق حرّ القايلـه يعشـق الليـل
ومن شبّ ضّوه ليلة البرد .. يدفـا

لاعاد ليلٍ ٍ نمت به في حرى سهيل
وخايلت نوضٍٍ يخطف العين خطفـا

امسيت من جيل ٍ ولاهوب ذا جيـل
واصبحت ... والاّ ديرتي شبه منفا

كنّا على فـال الشحـم والمعاميـل
ونفوسنا انقى من نقى العدّ .. واصفا

وانا ولو راحت بقولـة : تساهيـل
صلف وصروف الوقت تحتاج صلفا

ياترج جدّاني .. زحول الرجاجيـل
يحرم فلا لي عنك ياتـرج .. مقفـا

إمّا لطمنا العيل .. والاّ الطم العيـل
مادام شبّ النار منـدوب الأطفـاء

خل ابرهه الأشرم على ذمّة الفيـل
وانظر لشيٍ .... مايوصفّه وصفـا

ياذيـل والله ماتجـي راس ياذيـل
علمٍ ماهو يغبـى ولاهـوب يخفـا

واللـي حمـا بيتـه بطيـرٍ ابابيـل
ماجيتـك ادوّر لمـن راح واقـفـا

ولا جيتك اطلب منك بن ٍ ولا هيـل
جيتك وجرح الظلم .. غاديه يشفـا

جيتك بكلمة .. كنّها صعقـة الويـل
إن قلت تكفـا ... لا تهـاون بتكفـا

تكفى .. تراها كلمـةٍ تقطـم الحيـل
لا بالله الا تنسـف الحيـل نسـفـا

تكفى .. ماهـي لمعقبيـن الفناجيـل
تكفى لصلف وعـادة القـرم صلفـا

تكفى .. ترى تكفا لها هـدرة السيـل
في صدر حرًّ .. ينتف الطيب نتفـا

تكفى .. ترى تكفا لها تسرج الخيـل
إن كان لك باالخيل سرج ٍ و عسفـا

تكفى .. تبيّـن كـلّ لاشٍ وحلحيـل
تسمع لهـا بالصـدر هبـدٍ ورجفـا

تكفى .. وتكفـا ماتسـاق لمهابيـل
تكفى .. تخلي القـرم لاشٍ وهطفـا

تكفى .. تجنّبني هل القـال والقيـل
مانيب من ينكف علـى كـل ملفـا

تكفى .. تراني من قـروم ٍ مشاكيـل
00000000حمّاية الساقـه .. بسيـفٍ وشلفـا

تكفى تــــــــرا تكفى تهز الرجاجيل
00000ولولا ضروف الوقت مــا قلت تكفى

تكفى يـــــا مزيد ما يبا العلم تفصيل
المشكلـــه كبرت على عماش تكفى

مــــا قلت تكفى غير من فترة الحيل
وانتـــــه ولد من يفعل الطيـب تكفى

انخاك من كثــــر العنـــــا والبهاذيل
الفقر حطمني .. وانــا ازريت تكفا

للأمانة منقووول
أليا صهل متواجد حالياً   رد مع اقتباس
قديم 14-11-2017, 06:09 PM   #2
أليا صهل
متداول نشيط
 
تاريخ التسجيل: Nov 2012
المشاركات: 10,045

 
افتراضي

ياذيـل والله ماتجـي راس ياذيـل
علمٍ ماهو يغبـى ولاهـوب يخفـا
أليا صهل متواجد حالياً   رد مع اقتباس
قديم 14-11-2017, 07:53 PM   #3
روعة احساس
متداول نشيط
 
تاريخ التسجيل: Apr 2010
المشاركات: 324

 
افتراضي

اقتباس:
المشاركة الأصلية كتبت بواسطة أليا صهل مشاهدة المشاركة
ياذيـل والله ماتجـي راس ياذيـل
علمٍ ماهو يغبـى ولاهـوب يخفـا
صـــح لسانك
روعة احساس غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:45 PM. حسب توقيت مدينه الرياض

Powered by vBulletin® Version 3.8.3
Copyright ©2000 - 2017, Jelsoft Enterprises Ltd.