للتسجيل اضغط هـنـا
أنظمة الموقع تداول في الإعلام للإعلان لديـنا راسلنا التسجيل طلب كود تنشيط العضوية   تنشيط العضوية استعادة كلمة المرور
تداول مواقع الشركات مركز البرامج
مؤشرات السوق اسعار النفط مؤشرات العالم اعلانات الشركات الاكثر نشاط تحميل
 



العودة   منتديات تداول > تداول الآداب والشعر > تداول الشعر الشعبي



إضافة رد
 
أدوات الموضوع
قديم 04-11-2007, 06:19 AM   #601
اشراقة قلم
اشراقة قلم
 
تاريخ التسجيل: Feb 2006
المشاركات: 10,646

 
افتراضي الشاعر طراد السويدي

[ALIGN=CENTER][TABLE="width:90%;background-image:url('http://img104.imageshack.us/img104/5415/mydarkbronzestripwc5.jpg');"][CELL="filter:;"][ALIGN=center][ALIGN=CENTER][TABLE="width:90%;background-image:url('http://img104.imageshack.us/img104/6209/mybronzestriphs9.jpg');border:4px double burlywood;"][CELL="filter:;"][ALIGN=center][ALIGN=CENTER]



[TABLE="width:80%;background-image:url('http://img104.imageshack.us/img104/517/christnativitytilexl7.jpg');border:4px double burlywood;"][CELL="filter:;"][ALIGN=center]

[poem font="Simplified Arabic,6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]قمت ارحبه واهلـي يـوم جتنـي مقبلـه=قالت بجلس وانتعرف قلت ممكن واقعـدي
قالت وش رايك جميله قلـت والله مذهلـه=فاتنه وفيك النعومه مثل هالـورد النـدي
وأسألتني عن طبوعي والوصايف بأكملـه=قلت عاقل يحب دينه وفي طباعـه هـدي
شاعر ٍ حده زمانـه للقسـى واستحملـه=مؤمن ٍ يلجى لربـه لاغـدا حظـه ردي
افتخر بفعال ربعي شعار طيب ومرجلـه=نطرق دروب المراجل مانملـه وانشـدي
قالـت يكفـي لا تكمـل دام هـذا اولـه=لاتكمل داخ راسي من كلامك يا جـودي
انت عايش في عصور مثل مر الحنظلـه=قم تطور مايمر الصيف زخـات بـردي
والله اذهلني كلامه كيف هـي ماتخجلـه=ياكلام ماذكرته هز مـن ذكـره جسـدي
الحضـاره دمرتهـا شوفهـا مستغفـلـه=تطرق دروب الحضاره بس دربه جرهدي
نامت البنت بزمنها واصبحت مسترجلـه=غيرت مجرى حياته واطلـب الله تهتـدي
بعدها قمت ورحلت وماقـدرت استحملـه=وعفت "برج المملكه"لـو تعـدى للجـدي[/poem]

[/ALIGN]
[/CELL][/TABLE][/ALIGN][/ALIGN]
[/CELL][/TABLE][/ALIGN][/ALIGN]
[/CELL][/TABLE][/ALIGN]
اشراقة قلم غير متواجد حالياً   رد مع اقتباس
قديم 05-11-2007, 02:19 AM   #602
ابن الذويبي
متداول جديد
 
تاريخ التسجيل: Aug 2007
المشاركات: 42

 
افتراضي

قصيدة شاعر الهيلا

الشاعر/ محمدسعيد الذويبي

قيلت القصيده على الهو مباشرة في ملتقى عتيبه 1428هـ فى قناة الساحة مجلس الهيلا



يالله يامنـزل تـبـارك وياسـيـن=
‍ أمـرك مقـدر والمقـدر هـلابـه
اعوذ بإسمك من عيـون الشياطيـن=
‍ ومـن لاذ بالله حصنـه وإتقـابـه
يالله يافـارض صـلاة المصلـيـن=
‍ تجعـل لربعـي دعـوة مستجابـة
ربعـي عتيبـه مكرميـن المجليـن=
‍وشيوخهـم رمـز الوفـا والمهابـة
يامن خلقت أدم بعلمك مـن الطيـن=
‍علمـاً تبنـاه الـقـدر واغتنـابـه
وفق لمن يسهر على نصـرة الديـن=
‍مافيـه دربــاً للهدى إلا مشـابـه
شيخاً على صدقه شهـود وبراهيـن=
‍ حقق لشعبه ما أعلنه فـي خطابـه
فخر الملـوك مرجحيـن الموازيـن=
‍ اللي على نهـج النبـي والصحابـة
عبدالعزيز بيـوم واحـد وخمسيـن ‍=
وحـد وطنـا والجميـع ارتضـابـه
واليوم عبدالله على الراس والعيـن = ‍
مافيـه مرقـى للعـلا إلا رقـابـه
على أيمنه سلطان أميـر البليغيـن = ‍
رايـه ليـا أوحـاه اللبيـب اكتفابـه
عضود أبو متعب ملـوك وسلاطيـن=
‍ يشهد لـه التاريـخ رسـم وكتابـه
تشهـد جاكرتـا وانقـره والفلبيـن=
‍ واحداث سيرلانكـا وغـزه وطابـه
وما بالعراق وما حصل في فلسطيـن=
‍ ومـا قـدم للبنـان يلقـى ثوابـه
واعطا شعوب أفريقيا كل شي زيـن=
‍ وأصلح شعوبـاً فرقتهـا العصابـة
والمغرب عن الطيب ماهم بعيديـن =‍
يامـا تكفـل بـه ويامـا احتفابـه
واعطا لأروباء كل دعمـاً وتمكيـن ‍=
مما عطا البسنـه شمـوخ ونجابـه
شايل هموم النـاس موتـى وحييـن=
‍ وما من مصاب إلا يخفـف مصابـه
وقال لشعوب أقصا آسيـا لاتخافيـن=
‍ مافيـه داعـي للحـزن والكـأبـة
جاوه وباكستـان والهنـد والصيـن=
‍ واحداث سونامـي وقسـوة عذابـه
ودول الخليج السـت قلبـاً وعينيـن=
‍ في جسـم واحـد مايلـوث جنابـه
في الواجبات وفي الحقوق متساوين ‍=
سيفـاً تجلـت سلتـه مـع نصابـه
عشنا سوا معهم على العسر والليـن=
‍ النهـج واحـد والعوايـد تشـابـه
وقال اليمن وأهله علينـا عزيزيـن=
‍ نشوفهـم بقلوبنـا أهـل وقـرابـه
لبلادنـا تهـوى نفـوس المحبـيـن=
‍ولها القلوب اتذوب شـوف وصبابـه
واجب علينـا نصـرة المستغيثيـن =‍
والمسلم اللي مايخيـب الرجـا بـه
هـذي مزايـا ملحقيـن المخليـن = ‍
إليا أختلط عـج الرمـك والضبابـه
شعباً عليه من الشجاعـة نياشيـن ‍=
في ظل أبو متعـب ذار مـن لجابـه
وقبيلة عتيبة علـى العهـد ماضيـن=
‍ أكبر قبيلة حجـم وأصـدق صلابـه
منزالهـا بيـن الجـدي والهلاليـن=
‍ في موقعاً تحمـى جبالـه شعابـه
مابين حرب وعزوة مطيـر ويميـن=
‍ وبين السراة وبين شرقـي غرابـه
وبين الدواسر والبقـوم والقحاطيـن=
‍ وسبيـع والحـرث وكـلاً بـدابـه
علـى الوفـا والاحتـرام متصافيـن=
‍ وكلاً عرف درب الهـدى واهتدابـه
هـذي قبايـل نجـد والكـل داريـن=
من غيرها اللي شرب ماه ورعابـه
تعلـن ولاهـا للملـوك الميامـيـن=
‍ أشبال ابو تركـي وزهـرة شبابـه
قادة وطنـا فـي القدايـم وهالحيـن=
‍ والكـل منهـم نستـظـل بثيـابـه
مـع دولتـاً فـي ظلهـا مستقليـن=
‍ ‍ تحكم بشـرع الله وتطبـق كتابـه
عند العناد ترجـع الصـاع صاعيـن=
‍ وعند الرضا ألطف من نسيم السحابه
بأشرف علم تزهاه نخلـة وسيفيـن=
‍ ولفـظ الجلالـة شرفـة واعتلابـه
هـذي بـلاد الحرميـن الشريفيـن=
‍ وهـذا ملكهـا وأمتـه وإنتسـابـه
أرضاً جعلهـا الله مـروج وبساتيـن=
‍ تشرب من ماه الي قراحـاً شرابـه
شعبـاً لميـلات الدهـر مستعديـن=
‍وكلاً لمـا يعنـاه يحسـب حسابـه
مانـي بالنعـرات رافـع عنـاويـن=
‍ ولا أقمت لجـل العنصريـة خطابـه
حنـا سعودييـن دايـم عزيـزيـن=
‍ لا عنصريـه لا جهـل لا حـرابـه
شعبـاً بتوفـق مـن الله غنيـيـن=
‍علم وتطـور غيرنـا مـا اهتنابـه
عشنا بأمـان مواطنيـن ومقيميـن=
‍ بأنحاء وطنا اللـي نقـدس ترابـه
وبمناسبـة ماللمزاييـن مـن ديـن=
‍ عند القبايل حان وقـت الوفـا بـه
صاحت عتيبـه وينكـم يالشجيعيـن =‍
ياصور صرحـاً ماتزعـزع عتابـه
برقا وروق أبناء ثبيـت الأصيليـن =‍
ومن ثبت أصلـه شرفـه واعتزابـه
الجد ثابت بـن سعـد ثالـث اثنيـن=
‍ نشت هوازن مـن ثنايـا عضابـه
ياعزوتي لو وقعتـي بـدر وحنيـن ‍=
عـادت لعينيهـا رميـت العصابـة
وسارت لجان الملتقى قبل شهريـن =‍
وكلاً حسـم رايـه وجهـز ركابـه
للملتقى اللي في انتظاره من سنيـن=
‍ اليـوم التاريـخ بـاع وشـرابـه
اربعمية والـف وثمانيـة وعشريـن=
‍ عشرين مـن شـوال تـم اللقابـه
لقاء الشعار اللـي لرؤيـاه شفقيـن=
‍ كـلاً سمـع ذكـره وكـلاً درابـه
رفرف على الصحراء وأنار الميادين=
‍ نـوراً يعـود الفضـل للـي بدابـه
مشعل ولد عبدالعزيز أحمـر العيـن=
‍ ياحظ مـن عنـد اللـزوم التقابـه
عـاد الحيـاة المشرقـة للمزاييـن=
عبر الخليـج ونجـد واللـي نشابـه
وتطلقت في البـر مثـل الشياهيـن=
‍ تشتاق للحـادي وصـوت الربابـه
هذي طرات الروح ياعاشـق الزيـن=
‍ زيناً على العشـاق طـول غيابـه
وإن كان للأبـل الأصايـل مواميـن=
حنا لها أوسع صدر وأكثـر رحابـه
نعطي الجوائز ونصرف لها الملاييـن=
‍ نوصي بصحتهـا وحسـن الرقابـه
والكل منا يعطـي الطـاق طاقيـن ‍=
لو تطلب الي من ورا الصيـن جابـه
يانجـد كـررت القوافـي لبيتـيـن=
‍ تأكيـد والتأكيـد مـابـه غـرابـه
قصيدتـي يانـجـد ون وثمانـيـن= ‍
بيتـاً تراقبهـا عـيـون الذيـابـه
وحنا على اوزان الشعـر مستقليـن=
‍ ناخذ سنى شمسه ونتـرك سرابـه
بإسم الشيوخ المخلصيـن النزيهيـن=
‍ قـادة عتيبـه للشـرف والحزابـه
وإن كان ماسميتهـم هـم مسميـن=
‍ تشهد لهم واحـات نجـد وهضابـه
يامرحبـا بضيوفنـا المحترمـيـن ‍=
اقولهـا عـن عزوتـي بالنيـابـة
ترحيب بالأقصيـن منهـم والأدنيـن=
‍ اللي حضر واللـي يجـي مرحبابـه
نفرش لهـم درب المحبـه رياحيـن=
‍ ودربـاً يضايقهـم علينـا اجتنابـه
قبيلتـي تشكـر جهـود الوفيـيـن ‍=
وتشكر من أثرا الملتقـى واعتنابـه
وتشكر مناديب الصحـف والمذيعيـن=
‍ وعلـم الفضائيـات والـي سمابـه
ومشعل عطا لأهل المزاييـن تأميـن=
‍في كل عـام تمـوت بـه وتحيابـه
تموت لو عاد الجهـل بيننـا بيـن = ‍
وتحيا إن زرعنا الحب في كل غابـه
حب الوطن مـع دمنـا بالشراييـن ‍=
نعتـز فيـه وعزتـه مـن شبابـه
هل تسمحون بجملتاً بيـن قوسيـن=
‍ تمسح خطأ الشاعر وتثبت صوابـه
يقول أبو متعب على الشعـب ثنتيـن=
‍ دين ووطن مامـن وراهـا طلابـه
عاش الوطن عاش الملك قولوا أمين=
شاعر بدأ بإسـم الوطـن وانتهابـه
وأختم بذكـر اللـي لوجـه ملبيـن=
‍ لاخـاب طلابـه ولا صـك بـابـه
ابن الذويبي غير متواجد حالياً   رد مع اقتباس
قديم 05-11-2007, 06:49 AM   #603
اشراقة قلم
اشراقة قلم
 
تاريخ التسجيل: Feb 2006
المشاركات: 10,646

 
افتراضي لبلادنـا تهـوى نفـوس المحبـيـن00‍ولها القلوب اتذوب شـوف وصبابـه .. صح لسانه ولسانك .

اشراقة قلم غير متواجد حالياً   رد مع اقتباس
قديم 06-11-2007, 10:09 PM   #604
AlMu7eeT
متداول نشيط
 
تاريخ التسجيل: Aug 2007
المشاركات: 405

 
افتراضي

بسم الله الرحمن الرحيم

السلام عليكم ورحمة الله وبركاته



يالله ياجالي كبار المكاريب

تحيي هميد العود عقب اليبوسي

خذيت بالدنيا كثير التجاريب

وقويت بالمنهج فوايد دروسي

يوم الشباب اشارك الناس في الطيب

واليوم عود وطايحات(ن) ضروسي

واخطي الهدف في بعض الامرارواصيب
واخذ حسابي من ضعاف النفوسي

واخذ مع العراف بالعثل واجيب
وافصل ثيابي على قد قوسي

لاشك لابد الفتى من عذاريب
ع يبي وعذروبي رصيد الفلوسي

كثر الفلوس من الرجل تطرد العيب
لوكان مايسوى ثياب العروسي

ولا السنافي لو وطاه الفقر ذيب
شط على ورده قراح مسوسي

رغم العسر حيد الجمل كنه هديب
عزام لاكثرت عليه الحسوسي



تلقى محله مزبن للمراكيب
مثل الربيع اللي تجيه العسوسي

ومن قل ماله صار لاجا لصاحيب
كنه من النيبال ولا اندنوسي



مبارك بن شحيمان الهاجري
AlMu7eeT غير متواجد حالياً   رد مع اقتباس
قديم 07-11-2007, 05:01 PM   #605
هــو
متداول نشيط
 
تاريخ التسجيل: May 2006
المشاركات: 257

 
افتراضي قصة الأمير بن رشيد مع دخيل الله البلالي الحربي

بسم الله الرحمن الرحيم
السلام عليكم ورحمة الله وبركاته

قصة الأمير بن رشيد مع دخيل الله البلالي الحربي
حدثت هذه القصة على دخيل الله البلالي من الوسدة من بني سالم من حرب في عهد الأمير محمد بن رشيد ، وهناك من يرى أنها حدثت زمن الأمير عبد العزيز بن رشيد أثناء حرب الشنانة عام 1322هـ .
لقد ضرب دخيل الله البلالي في هذه القصة أروع مثال في الوفاء والتضحية دون رفيقه وابن جاره.
كان لدخيل الله البلالي جارة من قبيلة مطير توفى زوجها في إحدى الغزوات ولم يترك لها سوى ابن صغير السن. وفي احد الأيام أراد دخيل الله البلالي أن يغزو بعض القبائل كما هي عادة القبائل في ذلك الوقت ، فأراد الصبي أن يرافقه للغزو وحاول البلالي أن يعتذر له عن ذلك لصغر سنه ولكن الصبي أصر على طلبه كما أبدت أمه رغبتها أيضا في اشتراك ابنها في هذه الغزوة طمعاً في الكسب وليتعلم ويتدرب على الغزو والقتال ولم يجد دخيل الله البلالي بداً من الموافقة تقديراً لحق الجوار .
وعندما أراد دخيل الله البلالي وقومه الخروج للغزو جاءت أم الصبي إلي دخيل الله البلالي لتوصيه على ابنها الوحيد وتؤكد عليه أن يحرص على سلامة ابنها وتوسلت إليه أن يعتبره أمانة معه يحافظ عليه كما يحافظ على أبنائه.
وبعد خروج دخيل الله البلالي وقومه ومعهم الغلام أغاروا على بعض الأطراف التابعة للأمير ابن رشيد لكنهما وقعا في قبضة رجاله واخذوا أسيرين إلي الأمير ابن رشيد ، وعندما احضروا دخيل الله البلالي وابن جارته إلي الأمير ابن رشيد اصدر حكمه عليهما بالقتل. وهنا قام دخيل الله البلالي للأمير ابن رشيد وقال له متوسلاً (( يا طويل العمر أن هذا ابني وهو صغير في السن ووالله انه وحيد أمه وستموت أن جاءها خبر مقتله ، أما أنا فهذه رقبتي فاقتلني )).
واستجاب الأمير ابن رشيد لتوسلات دخيل الله البلالي واكتفى بقتله وأمر بإخلاء سبيل الغلام . ولما هدأ روع الغلام اخبر الأمير ابن رشيد بالحقيقة المذهلة ، ويقال أن الأمير ابن رشيد ندم على قتل دخيل الله البلالي لأنه رجل شجاع ووفي وشهم.
وعندما عاد الغلام إلي أمه سالماً اخبرها بالقصة وما فعله جارهم دخيل الله البلالي معه من اجل سلامته ، وتأثرت أم الغلام كثيرا وأكبرت فعل هذا الرجل الشهم فقالت من قصيده طويلة


البارحة عيني حريب(ن) لها النوم
.................................................. ........ تسوقها لوعات غبر الليالي
كأن في عيني حزازات وهزوم
.................................................. ........ أنحب ولاني في نحيبي لحالي
صار القضا واللي حدث شيء مقسوم
.................................................. ........ الله يبيحك يا دخيل البلالي
مرحوم يا غيث المساكين مرحوم
.................................................. ........ اللي فدا بروحه شريدة عيالي
الأجنبي في قصرته دوم محشوم
.................................................. ........ ابدي عليه من الرفيق الموالي


وهاذي قصيدة للشاعر / غالب الظاهري يصور قصة البلالي بإبداع :
ياربعنـا قصـة دخيـل البـلالـي
ما مثلها قصـة ولا مثلهـا صـار
هـذا دخيـل بليلـه مـن الليالـي
نوى يحنّشل مثـل ماكـان يختـار
وله جارة ٍ ما جابت مـن العيالـي
إلا ولد وأصله من مطيـر الأخيار
قال الولد يا يمـه أن كنـت غالـي
لي اسمحي بروح مع واف الأشبار
ابـي أتعلم منـه شـي ٍ طرالـي
ماني صغير وصرت كني على نـار
قالت مدامك مـع كريـم السبالـي
ابوصي الحربي مدامـه لنـا جـار
وتخاووا الأثنين صـوب الشمالـي
يبون كسب اللـي يشـدًن الانظـار
وطاحوا بيد حاكم يحكـم الرجالـي
ما يعطي اللي ينهب ويسلب انـذار
قال اقطعوا لي روسهـم بالتوالـي
خلوهم عبره لو تجي حرب الاخبار
قال البلالي تكفى .. تكفـى ياوالـي
اكسب اجر باللي ورا ذيك الاقطـار
واسمح لواحد كـان فيهـا مجالـي
اللي ورانا مالهـا كبـار وصغـار
عجوز ترجي من عزيـز الجلالـي
يردنـا وأنتـه بهالحكـم جـبـار
قال ايكـم قـرَب عليـه الزوالـي
في راسك او راس الولد عجل اختار
قال البلالـي خلـه يسلـم بدالـي
اذبحني وخل ولـدي ذبحتـه عـار
ويوم اقطعوا راس الوفا والمعالـي
استغربوا كيف الولد كيف ما انهار
قالـوا ابـوك وقـال ياهمـلالـي
هذا من عيال وسدة حرب الاحـرار
وأنا مطيري ماهو عمـي وخالـي
حفظ وصاة أمي وهذا الـذي صـار
وصاحوا بصوت ٍ هز ذيك الجبالـي
كل الرجال اللـي هكاليـوم حضـار
وابن رشيـد يقـول ليتـه حكالـي
والله ليسلم ميـر ذا حكـم الأقدار
يازينهـا قصـة دخيـل البـلالـي
ما مثلها قصـه ولا مثلهـا صـار
وسلامتكم .......
هــو غير متواجد حالياً   رد مع اقتباس
قديم 08-11-2007, 02:49 AM   #606
متداوله1
متداول نشيط
 
تاريخ التسجيل: Jul 2007
المشاركات: 268

 
افتراضي

8
8
8

وش اللي حادهم اصلا على هالحروب ..ولا الام ياربيه تروح ولدها عشان يتعلم الشجاعه مدري وش هالشجاعه اللي بيتعلمها في الحرب الا بيتعلم القتل والقتيل ..مشااااكل هالعالم

<<ماكأنها انسجمت مع القصه بزود؟
متداوله1 غير متواجد حالياً   رد مع اقتباس
قديم 08-11-2007, 08:02 AM   #607
اركان شمال
متداول جديد
 
تاريخ التسجيل: Sep 2006
المشاركات: 53

 
افتراضي

من جد اعذب الشعر اكذبة
اركان شمال غير متواجد حالياً   رد مع اقتباس
قديم 08-11-2007, 02:46 PM   #608
اشراقة قلم
اشراقة قلم
 
تاريخ التسجيل: Feb 2006
المشاركات: 10,646

 
افتراضي يازينهـا قصـة دخيـل البـلالـي..ما مثلها قصـه ولا مثلهـا صـار...عطاء رائع من الجميع ..

اشراقة قلم غير متواجد حالياً   رد مع اقتباس
قديم 08-11-2007, 04:57 PM   #609
AlMu7eeT
متداول نشيط
 
تاريخ التسجيل: Aug 2007
المشاركات: 405

 
افتراضي

السلام عليكم ورحمة الله وبركاته

مساء الخيـــرات للجميع



عجبا للزمـان فـي حالتيـه
وقضـاء فـرت منـه اليـه

رب يـوم بكيـت فيـه فلمـا
صرت في غيره ...بكيت عليه
AlMu7eeT غير متواجد حالياً   رد مع اقتباس
قديم 08-11-2007, 05:10 PM   #610
AlMu7eeT
متداول نشيط
 
تاريخ التسجيل: Aug 2007
المشاركات: 405

 
افتراضي

ما ادري متى من غرب بتطلع الشمس
ترحل عن الدنيـا عـزاز النفوسـي

يرتاح من قلبه بجمـر الغضاحمـس
كنه يجـرح بسـرة القلـب موسـي

دار الفلك لاجناس ماتعـرف الخمـس
اذناب صارت تالـي الوقـت روسـي

افهم كلام الرمـز ياعـارف الرمـس
راعي الشقـا مايهتنـي بالجلوسـي

لي اصبحت في دار بها الظلم لاتمـس
ابعد ديـارك عـن ديـار النجـوس

لاتستقر بـدار مـن رايهـم عمـس
اللـي مجورتهـم مجـورة مجوسـي

وش لون ترضى عيب للخشم باللمس
وأنته جـدودك مبعديـن الرموسـي
AlMu7eeT غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:50 AM. حسب توقيت مدينه الرياض

Powered by vBulletin® Version 3.8.3
Copyright ©2000 - 2024, Jelsoft Enterprises Ltd.