اختفاء اسم المؤسسة العامة للتقاعد من قائمة كبار ملاك ... " زين "

[amir_a]

تصريف على سعر ١١٠٧٠سهم لشركه فاشله ليومين على التوالى نجحت بالدخول والخروج سالم

[عبدالله المقحم]

يمكن تبي تشري بالفلوس عذيب او ان اعداد المتقاعدين ارتفعت وتريد ان تدفع لهم حقوقهم وما عندهاش فلوس تكفي

او انها تريد ان تتبرع بهذه المبالغ لتسليح الجيش الحر في سوريا

[أبو ركـــــون]

المشاركة الأصلية كتبت بواسطة د. أحمد الخضير

بصراحه أنا قراءت مداخلاتك حول عمليات التصريف في زين وكانت متكرره لدرجه أثارت عندي غريزه حب الإستطلاع وقلت في نفسي لماذا كل هذا الإصرار يا( كيري ميري ؟!)
ربما في هذا الموضوع المطروح أجد أجابة لتساؤلاتي .
والحمد لله كان متوسط سعر شرائي متدني لذا كنت مطمئن بعض الشيء
ولكن أغلبيه المتوقعين يتوقعو لزين هدف = 15 وهذا ماننتظره

اشتريت زين قبل يومين ب10 وبعته ب11 وتلقفت اليوم وشريته ب11وونص وكنت طالبه ب11و40 وماعطاني
الزبده يالربع وش الراي نبيع ولو بخساره بكره او السهم لازال فيه خير

والتقاعد والتأمينات المفروض يسمونهم مصاصي دماء المواطنين
لافيهم خير ولا عندهم عقول تفكر بالاستثمار الصحيح وهذي المشلكه ماهي اليوم او امس
كنت اتمنى اشوف مشاريع عملاقه تقوم بها هالجهتين كنت اتمنى ان مشروع مثل مشروع جبل عمر في مكه ان المالك الاكبر مصلحة التقاعد كنت اتمنى احيا نموذجيه في الرياض تم بناءها من التأمينات الاجتماعيه كنت اتمنى ان ارى في الرياض 100عماره سكنيه تغطي احياء الرياض وتحل ازمة الشقق وارتفاع الايجار و100عماره اخري نموذجيه لشقق سكنيه و100عماره شقق مفروشه بدل العشوائيه في الشقق بالرياض والمدن الكبرى كنت اتمنى ارى ارقى المستشفيات الخاصه تملكها مصلحة التقاعد والتأمينات وغيرها من المشاريع الاستثماريه الكبرى
عندهم مليارات من رواتب الشعب والمفروض انهم يدعمون المتقاعدين بالنوادي والمستشفيات والقروض وايجاد وسائل ترفيه لهم
لكن ماذبحنا وضيعنا غير الفسااااااد الاداري
احس اني تحمست شوي والضغط بدأ يرتفع الله يستر

[اتوجر]

يفرحني والله ان الناس بدأت تصحى وتعرف مين يلعب بالسوق وسوقنا مايعرف غير اضرب واشرد والطمع دائما يضيع ماجمع

[حاتمي منذ القدم]

ما أستطيع قوله الآن :
قد يكون سرب الصناديق الجائرخلف تلك الإشاعة لــ التهام أسهم صغار المستثمرين الهاربين دوما من ذرات غبار أكذب الإشاعات ! ! !

[د. أحمد الخضير]

المشاركة الأصلية كتبت بواسطة كيري ميري

اخوي الغالي كنت مضارب بالسهم من كان سعره 5.45 ريال
وشرا قوي جداً جداً الى سعر 8.50 ريال
وبعدها غرز السهم وبدأ بيوع بشكل كبير
اليوم بيع على سعر 11.85 ريال الى سعر 11.40 الرش كان على خمس ملايين واربع ملايين من محفظه كبيره جداً
شوف كميه الاسهم المتداوله وتعرف كيف الطريقه الاحترافيه بالتصريف
إثبات ان اللى يرفعون السوق ويصرحون بالاعلام هم ........... صناديق الدوله
لايمكن تلعب الصناديق لعبتها الا بعد خلق سالفه وهي
(( دخول المستثمرين الاجانب مباشره )) (( دخول العقاريين للسوق ))
ان شاء الله نبيع غداً بأذن الله بس اهم شي لا يكون العرض من الناس على النسبه الدنيا
الله يعين الله يعين الله يعين

وماذا بعد ؟
هل تقصد نبيع ونجني ارباحنا ؟
أم إن مايحصل مجرد زوبعه وستمر بسلام ؟
وماذا عن الاهداف المحدده التي سالتك عنها ؟

[أبو ركـــــون]

لايهمونك مصلحة التقاعد

بكره انا ناوي اخربها وبشتري زود خمسة آلاف سهم بترفعه لكم نسبه

يالربع اقول لاتروعونا بهالخبر وتراكم اشغلتوني عشر مواضيع وعشر منتديات كلها تكتب عن هالخبر

زين سهم زين وخشم طيب وعلومه زينه وبتشوفون منه ربح زين
لا للتشائم

[marketwatch]

شيء طبيعي ان تبيع جزء من اسهمها فالسهم دبل خلال شهر يعني ارباح 100% لاستثماراتهم الغريب انهم ماباعو كل اسهمهم مادري كل هذا جشع وطمع ,الشركة خسرانه خسائر هائله ويبيلها سنين علشان تتحول للربحيه

[ابو دريع]

السهم بخير والمؤسسة ماطلعت من السهم ... كانت تملك 5% وهالحين 4.90%
طيب مين اللي شرا اسهم المؤسسة لاتقولون لي المواطنين المواطنين اذا ذبح نفسه شرا 150000 سهم
لكن مين اللي يشتر 2 مليون دفعه واحده على 11.85 هل هو مجنون ولا مايبي فلوسه ؟؟؟ ياناس خذها مني
ماراح تحصل سهم بالطعش خلال هذا الشهر ان شاء الله

[amir_a]

ما كل ما يلمع ذهباً