«المواساة» تعين 11 بنكاً للاكتتاب.. وتحدد سعر السهم بـ 44 ريالاً..

[moeid]

والله هذي علا اسمها مواساه

[الزورق السريع]

سوف اكتتب وابيع بمكسب ان شاء الله بعد واللي مايبغى يكتتب يعطيني كرته اكتتب له تكفون يالنشامي والله من الدراهم , اعرف ناس اغتنوا من الاكتتابات بحلاوه وبدون حلاوه اما بخصوص ملاك المواساه الله يرزقهم ليش حاسدينهم خلهم يترزقون الله .

ملاحظه قويه جدا:-
( البيع عند الادراج من الساعه11ص الى 11,05ص لايبقى عندك ولاسهم ) .

[زمان مايرحم]

هالحين تخلي سوق أبو عشرة وتتكتب بسعر 44 لا ويجيك مثل المعجل وشلة الحكير والدريس.


عند الله تجتمع الخصوم

[الزورق السريع]

هالحين تخلي سوق أبو عشرة وتتكتب بسعر 44 لا ويجيك مثل المعجل وشلة الحكير والدريس.


عند الله تجتمع الخصوم.
--------------------------------------------------------------------------------------------------------
اسمع وانا اخوك والكلام للجميع عندي ملاحظتين على كلامك :-

1- سوق ابوعشره اين الاسهم اللي بعشره وزينه ويجيك منها مكسب اقل شي 30% ؟

2- بخصوص الاسهم التي ذكرت المعجل , الحكير , الدريس أنا أقول لك وللجميع من لبد فيها صراحه ماعنده سالفه لانها بحلاوه لكن بقول لك كيف سويت فيها انا :-

أ - المعجل سعر الاكتتاب كان ب 70ريال وعند الادراج بعته ب92ريال وللمعلوميه اذكر بأن السهم وصل 105ريال .

ب - الحكير سعر الاكتتاب كان ب110ريال وعند الادراج بعته بعد اسبوع ب115ريال وللمعلوميه اذكر بأن السهم وصل 145 ريال .


ج- الدريس سعر الاكتتاب كان ب37 ريال وعند الادراج بعته ب63ريال وللمعلوميه اذكر بأ ن السهم وصل 80ريال .


سؤال كبير جدا جميع الاسهم التي ذكرتها بعلاوة اصدار وبعتها وبحمد الله بمكسب ايضا فأين المشكله ؟