للتسجيل اضغط هـنـا
أنظمة الموقع تداول في الإعلام للإعلان لديـنا راسلنا التسجيل طلب كود تنشيط العضوية   تنشيط العضوية استعادة كلمة المرور
تداول مواقع الشركات مركز البرامج
مؤشرات السوق اسعار النفط مؤشرات العالم اعلانات الشركات الاكثر نشاط تحميل
 



العودة   منتديات تداول > المنتديات الإدارية > اســــتراحـة الــــمســاهــمين



إضافة رد
 
أدوات الموضوع
قديم 08-06-2002, 04:00 PM   #1
عاشقة
متداول جديد
 
تاريخ التسجيل: Jun 2002
المشاركات: 39

 

مناظرة بين الكليجا والكوكيز

مناظرة بين الكليجا والكوكيز

.بسم الله نبدأ
(معليش وحده جوعانه-ماعلي شرهه)
لقيت هالرديه اللي ميب لم جاده-واضفت من عندي تعليقات ماله سنع


في احدى البقالات ..... وعلى احد الرفوف المحليه المصديه المتخرعة , التقت الكليجا نظيرها الكوكيز ونظرا لتغيب الرئيس كومار مدحت شاه البيزنطي , قاما بالحديث عن الامور السياسيه والاقتصاديه و الاجتماعيه ,
وكان بينهما هذا الحوار السياسي الثقافي الحضاري الذي نقلته قناة (الكمال في الهبال ) عبر مراسلها صرقوع عن المكانه السياسيه لكل منهما فكان كالاتي :


الكليجا :
الله ياوقت مضى كيف كنا...
كان الحلا والعز والزين حنا
الله حسبي على هالزمن وين صرنا <---انا احسبه بس انا اللي عندي هموم

الكوكيز:
وش كنتي ووش صرتي
ياشيخه روحي انقلعي<---كوكيز بس تربية حلة العبيد
وانتي دبا وماتنبلعي
يالمتحجره ماتنجرعي

الكليجا:
اقول اسكت انت احسن لك
يالمنتف يا ابو شكليت <---ياقدم الشكليت..وراه مايقول حلاو بقر اصرف
اسود لونك ... مبعج شكلك
يالمجروب مشخبط وجهك

الكوكيز:
هاهاهاي ضحكتيني <---ياشين ضحك المكايد
يالعجوز وموتيني
روحي يله انتي وكرشك
روحي انقلعي لا افشك <---مره اخرى تظهر اثار حلة العبيد
مثلك اصلا مايتكلم
لونك محلي وشكلك معدم
والكرشه خزان مرمم
والطعم ياربي ترحم

الكليجا:
الله اكبر الله اكبر
والله ولك وجه ? تتكبر
وترز خشمك وتتمختر
يالمزبرق جعلك تشرق ( وشلون كوكيز يشرق مدري )
والاجعلك يالله تحرق
وبالشكليته تغص وتغرق
انا الاصل والاساس <---يالله كلن تخلي له
انا السمعه بين الناس
يالمتلفلف بالقرطاس
جعلك تنكب وتنحاس

الكوكيز :
اقول روحي يا ام تنكه <---على الاقل ميب بقرطاسه
من شاف وجهك ..عمره تركه
انتي وشكلك ياالسمكه<--افهم وش جاب السمكه للكليجا بس ياربي
يا رسم الشطرنج المخطط
واللي ياكلك شكله مزنط
يغص ويصنم كنه محنط
والا برقبته مربط
شكلك طيران..والا طبول <---كوكيز رابي مع طقاقات
وماياكلك الا مخبول
وش نتكلم وش نقول
وانتي شكلك زي الزول
غامق لونك مو معقول
ياي ياطعمك مش مقبول

الكليجا :
وخر تكفى لاعت تسبدي
منك وشكلك وصلت حدي
يالمنتف منتب قدي <----احلى يالقصمان محناب سهلين
احسن لك تتحاشا ردي
مابقي الا انت يالكسره
يالمتزكرت يالمطرسّه
انت ووجهك يالبربسّه
وجهك مايع ولا تحسه
ما تقبلك حتى البسه<---اثبات انه قصيمي-ماقال قطو
كلك بلاوي وألوان
وإلا..بكيماوي شبعان<----خطمه عرض-تخبرون يوم يروعنا صدام؟؟
والحقايق لا ماتبان
إلا بتوالي الأزمان
يالكلاك ويالغشاش <---ذي دسيسه-القصمان موب يقولون كلاك-كفشناه
يالمجمع يالخشاش
يادحاويس الاعشاش
من يزينك ومن يهتم؟
والله ماندري منهم
الظاهر زين ..مزبرق
والباطن شكله يفرق
يله قلي .. ويله هات
عجل وانجز لا تنشات
هات الاول واللي فات
من زينك ومن جهز؟؟ <---يعني اني انا (ام اليهق) اللي تسوين
منهو عجنك ومن يخبز
هندي منجف ماينجز <---منجف والا غوزي(والله مافهمت شي)
وبالرسايل جب وكز
والا مكوفر بكلبه يبز <--حلوه مكوفر ذي (على وزن مفوعل)
لو ينبح ... يفز وينز
ولو تنهر الكلب ..يخز
طز فيك .. وفيهم طز <---واعيباه-وش هالكلام
وينك عن يدين الطهر
ام عزيز بعد الظهر
لامن جابت هكا البر
بعد اسم الله الرحمن
هيل فاح وريحه بان <---اصلا الكليجا مابه هيل-بلا نصب
وحرص منها ..لنا ضمان
وما اطعم منه ليا زان
ازين منك يالتعبان
انت ووجهك يالزنان
وخر واسكت يالمرعص
شكلك مقرف وانت مفغص <----انا احسب بس الحريم اللي يغارن
والا كنك خبز مربص
يالمسيكين ...ويالمرصرص


الكوكيز :
خلاص اص صجيتينا <---كوكيز ويقول اص...مدري وشلون تجي ذي
انتي ووجهك فضحتينا
وبعلومك شردتينا
يله قولي من يبينا؟ <--والله انا ماعندي مانع-جوعانه
الحين ومن يقبل فينا؟
كله منك فشليتنا
محدن يشري ولا احد يمول
والدم صار يضرب ويهول
فينا وصار يرقا ويحول
ندري انك بادي واول
وكل البرابيس ماتطول
لكن مهما كان وصار
مازال به منهو يختار
حضرتنا وبه من يحتار
بيني وبينك والقرار
للمتذوق مهما صار
والا انتم وش تقولون
يالسامعين وتقرون
من الازين وتحبون
ومنهو اللي ماتطيقون

تحياتي
عاشقة غير متواجد حالياً   رد مع اقتباس
قديم 08-06-2002, 08:07 PM   #2
المتفائل جدا
متداول نشيط
 
تاريخ التسجيل: May 2002
المشاركات: 1,516

 
افتراضي

الكوكيز

الكلمة اللى فوق ماعرفتها بصراحة حتى مسوى لها (لصق)

علما بانى قديمى وعرفت حلاو ابو بقرة البنى على اصفر
لكن كلمة ...صبر خلونى اسوى لصق...الكوكيز ...ايوه يمكن ..مغرقة فى المحلية(يلعن ابو الانقليزى ياشيخ )

لكن شبهت عليها ...حليب بزارين قديم وحلو...حبيبات...اسمه كيكوز... عرفتوه؟

كنا اذا خلص نحطه فى الفريزر بعد مانعبيه ماء ويصير ثلج ...الله يذكرك بالخير يابو صالح ودرب الزلق

مادرى ليش تذكرت....(سلووووووووووووووم)
المتفائل جدا غير متواجد حالياً   رد مع اقتباس
قديم 09-06-2002, 03:57 AM   #3
تداول
خبير اسهم
 
تاريخ التسجيل: May 2002
المشاركات: 1,069

 
افتراضي

انا اعلمك وشو الكوكيز

هو بسكوت يتخلله الكاوكاو ......... انتبه ليتخلله

لكن المشكله وشو الحليب اللي منذ مبطي ويسمى كيكوز ؟؟؟
تداول غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:48 PM. حسب توقيت مدينه الرياض

Powered by vBulletin® Version 3.8.3
Copyright ©2000 - 2020, Jelsoft Enterprises Ltd.