الراايق : هل هذا يعني شئ ؟

[سهم]

لاحظت بعد اقفال السوق ان عرض الجماعي وطلبه كالتالي:

طلب 54.00------- 5,568

عرض 54.00 -------- 5,568

لا حظ الكمية في العرض والطلب

هل هذا يعني شئ .. أخبرك قد كتبت مواضيع عن الأرقام وأسرارها بس مادري اذا هذا له علاقة ولا وصادفة فقط ؟

[الواقعي]

ياسهم شكلك تلاحق دراهمي

هذا طلبي بالدراهم اللي انت خابر

وعشان اثبتلك ابخليهن 5555

الساعه 1.15

[سهم]

ماتغيرت يالواقعي ... تلعب علينا؟؟

عشان تغيرها ياخفض قيمة العرض يازود قيمة الطلب ويطلع ان شاء الله ، بس لا تنسلى تلغيها قبل مايفتح السوق هههههههههههههههههههه

ابروح آخذ لي تعسيلة وارجع مع فتحة السوق الله يفتحها بوجيهنا ان شاء الله (مهيب علبة ببسي)

يعني هذولي حول 300 الف ريال مهب واجد بس مهيب شينة

بس ترى مانب حريص ... والله اني مادري ... اصبر شوي .... تدري .... هاتهن بس ومايصير الا الخير

[سهم]

لا والله لقيتها مرتزة فعلا في سامبا تداول


54.00 5,555

[سهم]

وترى طلبك هذا بيتنفذ فورا مع بدء السوق اليوم بمشيئة الله

الله يوفقك

[الواقعي]

يا سهم داخلة في راسي الجيزانيه

شكلي ابهون عن الجماعي واطلب جيزان

والله محتار

شفتا ان الدراهم تضيق الصدر

[سهم]

ام جيزن مدري عنها والله

بس لا تطلبها بأكثر من 43.5 وان شاء الله بتحصل فيها خير

ولا تبطي عليها يعني اخلص منها بأي مكسب

ودي أخش معك بس حطيت طلبات وقضت فلوسي وبروح أنام والله يوفق ونشوف هالعصر وش بيصير بطلباتي والسوق اذا قمت ... هذا ان الله كتب لي عمر .

والله يوفقك

[الواقعي]

نوم العافيه

وأحلام سعيده

صباح الخير ياغالي
وانا اسف على تاخري في الرد
لاني ما فتحت الكمبيوتر الا اليوم بعد صلاة الفجر من يوم الاربعاء حتى اعرف اني مادري عن السوق كله وعن اقفاله من بعد الظهر وانا خارج الرياض واعرف بعد اني سيلت كل محافظي والان انا خارج السوق لانها معوكسه معي من اسبوع كل ما اظربها يمين تجي شمال وبعدين طلعنا ورحنا للمزرعه وتعرف يوم جاء الظهر تغدينا ويوم جاء العصر صلينا وطبين نتسبح في البركه وجلسنا الين الساعه خمسه
وبعدها جاني اتصلت اسأل عن اسهمي لقيتها كلها مكانك سر لا ربح ولا خساره
قمت وحمقت من السوق وبعت كل اسهمي قلت خليني اريح اسبوع من وجع القلب ورفعة الظغط المهم مالك بطوالتها قمنا بعد الساعه خمسه وجبنا الشاهي والقهوه وفلت الحجاج وقعدنا نسولف الين اذن المغرب وبعدها صلينا وبعدها قمنا نتابع الاخبار على قناة الجزيره ومع بعض السواليف اللي يحبها قلبك الين اذن العشاء رحنا نتوضاء وبعدين صلينا وبعدها كان معنا هرفي يحبه القلب وش حليله قمنا وسلقناه بالفرن حلوه سلقنا قصدي شويناه

المهم مالك بطوالتها تعشينا وبعدها قمنا نسمر عاد حابو لنا شيء يوسع السدر خلانا كل الليل مبسوطين مررررررررررره ههههه لا يروح تفكيرك بعيد جابو لنا الورقه وقعدنا فلت بلوت الين الفجر هههههه المهم ماك بطوالتها قمنا وصلين الفجر وبعدين رجعنا للرياض وهذه دخلتي للبيت وعلى طول فتح الجهاز ولقيت موضوعك ورديت عليه اول واحد
ههههههههههه اذا تبي اعطيك سواليف بكرا انشاء الله ترا ما عندي مانع بس امر هههههههه
طيب الان نرجع للسوال على فكره مره انا سويتها في النقل الجماعي
بديت اسوي اي عرض 5555 واي طلب اكمل باقي العرض ب 5555
المهم جلست اسويها حدود نصف ساعه وكان سعرها ذاك اليوم 52.5 ريال
النهم قام وزعل هاموووووووووووورها ونزلها الين 51 ريال قلت بقلبي وععععععع وش هالهمور ما ينتحرش بعدها زعلت على النقل الجماعي وصرت ما عاد ادخله

يعني هذه الحراكات اكيد واحد ضايق صدره من السهم وجالس يعرض عرضه ويقوم يكمل الطلب حتى يصير الطلب مثل العرض يمكن يجي واحد مطفوق مثلي ويقوم يخم كل اللي في العرض وبهالطريقه يصير صرف اسهمه وانا جلست بحلقي

وهذا ذكي مره يعني كنه يقول ترا الجماعي بنطير فيه من 55 ريال الى 68 ريال يخلي الواحد حتى التفكير م ايفكر يقوم يضف على طول العرض اللي قدامه
هههههههه تصبح على خير ان شاء الله ما اكون ادوختك

[سهم]

هلا ببعد طوايف أهلي.

وراك مستعجل وتختصر الله يهاديك يابو الروق؟

عطنا التفاصيل وكل التفاصيل على البال .

لا أبدا مادوختني بس أحس رأسي بدا يستدير بي ... مادري الظاهر اني مارتحت بنومي بكره
(قصدي أمس)

والله ماشاء عليك يابو الروق مستفيد من وقتك ومرفه عن حالك هذا وانت تضارب ، اجل وشلون لو تستثمر كان مايردك ولا المصفر يومياً

ماشاء الله عليك مرة ثانية بعد ،، كل ماجيت تطلع للبر قمت وسيلت المحفظه، انا والله كل ماسيلت هالمحفظة ... ربصت وقمت أرطش ،، ورجعت وذريت عليها بعض تراب هالأسهم .

الله والعالم خلاص نضف قشيشنا من السوق هاليومين . نبي نفجر البركة .
ههههههههههههههههههههههههههههههههههههههه