[علي المزيني]

[poem font="Simplified Arabic,6,darkred,normal,italic" bkcolor="gray" bkimage="http://tdwl.net/vb/images/toolbox/backgrounds/47.gif" border="solid,4," type=2 line=0 align=center use=ex num="0,black"]


يا سعود


يضيق صدري كل ما هبت علي مـن الجنـوب=نسايم(ن) مـا ملـت طعونـي وقلبـي ملهـا

وارقى على مرقاب حزني واتحـرى للغـروب=وامسـك جدايـل هالحيـاة المدبـرة وافلهـا

وأشوف وشلون الليالي تدور في الوقت اللعوب=واجمع مسائل هالبشر فـي دفتـري واحلهـا

والعن ابو الحظ الردي واستغفر المولى واتـوب=واقول يالله انك تعين اللـي صبـر ثـم شلهـا

ياسعود قرب لي مدام الوقت والعمر محسـوب=واسمع ياخوك ابيات من جوفي نويـت اتلهـا

لا صارت الدعوة مابين ضلوع صدري والهبوب=باقولهـا واللـي عقـد روس الحبـال يحلهـا

وش عاد نرجي من زمن صارت به اكبر الذنوب=انك على الباطل سيوف الحـق تنـوي سلهـا

اسلامك اصبح متهم والنور غيـب ومحجـوب=دروبهـم يـا كثرهـا ودروبنـا يـا قلـهـا

خوينا تصـلاه نـار الكفـر ونشوفـه يـذوب=وحنى نترجى من عجوز الغرب ترهـي ضلهـا

لا عاد به فزعة ولا غيـرة وحيلتنـا يـادوب=نشجب ونستنكـر عساهـا تنسمـع او علهـا

صار التنافس بالطرب من اولويـات الشعـوب=الغانيـة صفـق لهـا والراقصـه طبـل لهـا

والموضة تحاصر تقاليد العرب من كل صـوب=وتفـوح دلتنـا زعـل واعوانـهـم تزلـهـا

والكل منا يشوف نفسـه للتخـاذل مغصـوب=حلوقنـا ميتـه عطـش يالله طلبتـك بلـهـا

يالله سترك من علومن في خواطرنـا تجـوب=رحمـاك سهلهـا علينـا دقهـا مـع جلهـا

ياسعود خذها من نمط حكي على لسان القلوب=اربع نصايح لحياتـك ياعسـى توصـل لهـا

المرجلة هي البلـد وافعـال يمنـاك الـدروب=الأدمـي يولـد غريـب وليـا تسنـع دلـهـا

والكايدة تبغى ولد مـا هـو طمـاع وكـذوب=الرابـح اللـي نفسـه لربـه قـدر يذلـهـا

وترى الكرم عند العرب يغطـي الاف العيـوب=وانك بخيل تساوي عيـوب العـرب ذي كلهـا

واحذر تحسب إن كل بير بدنيتك به ما شـروب=وإذا تجاهلـت الـعـواذل بتـمـوت بغلـهـا

وانا بـودع راس مرقابـي إذا حـل الغـروب=وباقـول يالله انـك تعيـن صبـر ثـم شلهـا

الشاعر محمد جار الله السهلي[/poem]