[أليا صهل]

قصيدة للشاعر حمد بن عبدالرحمن المغيولي ( رحمة الله )






الا يا زول زولك زلزل العقـل الرزيـن وزال
دخيلك يامليح الـزول لاتستعمـل الـزودي


ابشرح لك سراير حالتي واشكي عليك الحال
وانا يوم اشتكي عيني بلاها عيونك السودي


اجاحد من ثمان سنين وارجي كل راس هلال
عسى برضاك تجبر خاطر بالحب ملهـودي


صبرت وطال صبري والموده تذبح الرجـال
ولاحصلت مع زود العنا شفـي ومقصـودي


طلبتك بالرضا والا الزعل ماله معك مدخـال
علي الباب باب المنفعه مقفـل ومسـدودي


انا لو قلت ابسلى عن مجالك مانسمح لي بال
تحاسدني هواجيس العنـا ياناعـم العـودي

منقول