[رندلا]

المشاركة الأصلية كتبت بواسطة saudi bs

اختي الفاضله رندلا

انا معاك تماما وموافقك بكلامك وتناقشنا من قبل على حمراء المهيدب وانها افضل

لكن حمراء الموسى مو كلها شينه

الجزء الشمالي الغربي منها مره حلو وكله بيوت جديده وهذا اللي اقصده

اما اولها واقربها لطريق الملك عبدالله صحيح فيه بيوت قديمه مشوه المنظر على قولك

ماشريتي للحين ؟

الله يرزقك ويفتح عليك

صدقت قبل تناقشنا عن حمراء الموسى وعن حمراء الدكاتره وكل شخص قال رايه فيها لكن يمكن تكون معك حق جهة افضل من جهة لكن مع انه جهة افضل من جهة الا انه السمعة واحدة عنها ونفس الشي ينطبق على اشبيليا كثير قالوا منطقه عن منطقه افضل لكن السمعة وحده فـ ليش انا اروح لمكان طلع عليه سمعة مو طيبه واوهق نفسي خليني بعيده عن الشبهات واختار حي شكلا ومضمونا يكون طيب ويرتقي لنفس اسلوبي بالعيش وطريقتي بالحياة

للاسف حنا ماشرينا الى الحين لاننا لنا شكل معين للبيت كتصميم وتكون في احياء معينه ولمساحه معينه وبالمبلغ المتوفر معنا حاليا الله يفك ضيقة الاسهم عشان كذا ماشرينا الله يرزقنا في البيت اللي في خاطرنا عاجلا غير اجل ويرزقنا من غير حساب وجميع المسلمين

وجدنا بيت في حي الفلاح مثل مانبي بالضبط وباقل من المبلغ اللي عندنا لكن الاعتراض كان على الحي وعلى فكره سبب كتابتي للموضوع هذا كله هو هذا البيت وامثله كثيره حصلت لنا وحنا ندور بيت والله الرزاق

ولك بدعوتك مثلها وافضل منها اللهم امين
شكرا لردك وتفاعلك اخوي الكريم داخل الموضوع