اقتباس:
المشاركة الأصلية كتبت بواسطة دار بلا دار
ليا صار محتاجٍ ندور ثوابه
نعطيه يابن هادي بليا احراج
ندفع له الغالي ونزود زهابه
وندعي عسى يكتب له ربي أفراج
مير البلا ليا جاك يكثر حسابه
عـنـده مـلايين ولا هـو بمحتاج
صارت ياعبدالله أخرتها نهابه
موزعٍ ورعانه على كل مخراج
وأما العنيدة عسى يعجل جوابه
تدري ياعبدالله كان أنت مزواج
خذها لو أنك شايبٍ بأول شبابه
خذها وخذلك معه يالقرم مسهاج
ضبيٍ مـذيـر عــذبٍ شـرابه
كاس شاميٍ مـــا منه مخراج
عقلك عقب شربه يعجل ذهابه
تأبرني ياعبدالله  الكرباج
|
ياسلام يادار بلا دار ,,, ابداع ويتوالاه ابداع
صح لسانك
مابي اقولك تعرف عايض بس بقولك تعرف جرير
يقولون والعالم الله انه كاتب اشهر بيت في المدح
ألستم خير من ركب المطايا ,,, وأندى العالمين بطون راح
مدح الفروسية والكرم وهالامرين اللي تنقاس فيه مواقف الرجال
الفزعه بالنفس والمال ...
ماهو شرط انه محتاج لكن يمكن بيختبر الرجال
ويعرف قدره عند صاحبه واهتمامه
لكن الطيب ومدات الجود لها رجال بافعال
وعيب على رجل يقول ابشر وينقض كلامه
اللي يعرف يكتب الشعر لابدانه يكون لماح وفطين
ندفع له الغالي ونزود زهابه
وندعي عسى يكتب له ربي أفراج
اذا هذا طيبكم مع المحتاجين
وش ظنك باللي عنده ملايين ويطلبك حاجه
مير البلا ليا جاك يكثر حسابه
عـنـده مـلايين ولا هـو بمحتاج