السلام عليكم ورحمة اللله وبركاته
ومساء الخير لها المنتدى الحلو
ولصاحب المنتدى تركي
وللشباب الحلوين
منتدى جميل ما شاء الله
2 / 6 / 2002 م
حالة السوق الامريكي خلال الاسبوع الماضي وبشكل خاص النازداك :
من بداية هذا الشهر كانت مؤشرات الاسواق الامريكية في نزول كبيرررر
ووصل مؤشر النازداك الى حوالي 1560 نقطة نزول من مستويات 2000 نقطة اللي كانت بداية هذي السنة.
طيب ما اختلفنا السوق كان يستاهل النزول , ارباح الشركات زي الزفت اعزكم الله بالاضافة الى البيانات السيئة.
لكن الوضع اختلف من بداية هذا الشهر يوم طلعت علينا سيسكو بارباح جيدة ورفعت معها السوق في يوم واحد 122 نقطة..
نعم 122 نقطة بالنسبة للنازداك وبالنسبة لبورصة نيويورك ارتفعت في ذاك اليوم حوالي 300 نقطة.
وعندها بدء السوق في الاتجاه شمالا ( الى الاعلى) وساعد في تماسك السوق طلوعا البيانات الاقتصادية الجيدة نوعا ما مثل :
مبيعات المنازل الجديدة
مؤشر النشاط الصناعي
مؤشر تثقة المستهلكين
مؤشر انتاجية العمال
وغيرها
ولكن ؟؟؟؟؟؟؟؟؟؟؟؟؟؟؟؟؟؟؟؟؟؟؟
السوق بدء النزول خلال الاسبوعين الماضية وبشكل حاد في الاسبوع الاخير
والمستثمرين حبايب قلبي تركوا اسهم التكنولوجيا واتجهوا الى الذهب وقطاع الخدمات
طيب ليه ؟؟؟؟؟؟؟؟؟؟؟؟؟؟؟؟
ليه كذا ؟؟؟؟؟؟؟
البيانات الاقتصادية جيدة وخصوصا في الاسبوع الاخير ؟؟؟؟؟
انا اقول لك الاسباب :
1- التوتر القائم في شبة القارة الهندية
2-كأس العالم وبدا تأثيرة واضحا يوم الجمعة الماضي .
3-قرب موعد الاجازة الصيفة.
بالنسبة للوضع بين باكستان والهند فهو متأزم بشكل كبير ولو جيت وراقبت التداول اخر 3 ساعات من السوق يوم الجمعة كان شفت البيع اللي حصل في السوق وكل هذا بسبب الخوف ..
المستثمرين حبايب قلبي خايفين الاسهم تبقى معهم وقت الاجازة (السبت والاحد) وهذا تصرف جيد منهم .
لانه لو حدث واندلعت الحرب خلال هاليومين فراح يكون تأثيرهم كبير على السوق وعلى كل اسواق العالم وليست امريكا فقط .
وبالنسبة للسبب الثاني وهو كأس العالم فهو سبب مساعد في نزول السوق وابتعاد المستثمرين قليلا عن السوق ..
طيب وش دخل كاس العالم بكوريا واليابان وش دخلها بسوق الاسهم الامريكي ؟؟
اتوقع احد يسأل هالسؤال
انا اقول لك الجواب :
سويسرا دولة لم تشارك في المونديال ولكن توقعوا خسائر حوالي 300 مليون دولار فيها خلال فترة المونديال بسبب انشغال السويسريين بكأس العالم .
فما بالك بالدول الاخرى المشاركة في المنديال ...
(السوق الامريكي سوق عالمي ونسبة كبيرة من اصحاب رؤؤس الاموال هم من خارج امريكا )..
اما بالنسبة لقرب الاجازة الصيفية فهي تؤثر على الاسواق لان المستثمرين والمضاربين شغالين طول السنة وينتظرون الصيف على احر من الجمر ..
هذي الاسباب الرئيسية لنزول السوق واتمنى منكم المشاركة واعطائنا توقعاتكم للسوق الامريكي للشهر الجديد 7
وشكرا لكم على حسن القراءة