[خطوات أنثى]

أناخذيت من الزمن كثر ما أعطيـت

أسوق رجلـي والخطـاوي ثقيلـة


بعض الخسايـر قلّهـا لا تشاويـت

و خسارة الاصحاب ماهـي قليلـة

ياصاحبي ياللي معـي مـا تثنيـت

لا تشتكي / عاد المسافـة طويلـة


لاتصخي الهقوة الى مـن تهقويـت

الا على مـن يعشـق المستحيلـة

إبك / وتباك / ودمعة الحي للميـت

أما انك تبكي حـي هـذي فشيلـة


حاول يكون لذاتك بنظرتـك صيـت

لأن الثقة بالنفس فضـل وفضيلـة


وإطلع من الدنيا ولك بالعـلا بيـت

بالوجه الأبيض والصفـات النبيلـة


وجامل وعامل بالمثل / خلك إن جيت

جية مطر / وإن غبت غيبـة قبيلـة


ودك إلى منك عـن النـاس قفيـت

على الأقل تكـون راعـي جميلـة