اسهر مع الذكرى وخلق الله ارقود = من حاجتٍ قلب الهواوي فقدها
الله من قلبٍ قظى الوقت مجحود = لامن طرتله حاجته ما وجدها
عقب الموده والغلا صرت محسود = حسبي على منهو حياتي حسدها
وحسبي على الدنيا وصدفاتها السود = ترمي علينا من غثاها نكدها
هذي ثلاث اسنين ماحل به زود = عيني من الفرقا جفاها سعدها
طيفه يراودني ليا ذعذع النود = والقلب يشكي حسرته من بعدها
اسهر مع الذكرى وخلق الله ارقود = من حاجتٍ قلب الهواوي فقدها
اقفا وخلاني من الهم مكبود = اقفا وانا اللي ليلته مارقدها
ياعين لاتبكين ماعد به فود = هذا جزا قلبٍ غدا في رغدها
زرعتله قلبي بساتين وورود = واليا نشف ماها وريدي مددها
اسقيه من دمي وهو ناشف العود = لين اثمرت جاني عذولٍ حصدها
يا عاذلي هاك المهر وابشر ابزود = اعطيك زودٍ فوق مهرك عددها
كان البلا فالعود لارحم ابو العود = ونكان منها طاب قلبٍ شهدها
راع الهوى لاصار مبلي ومقرود = نهايته ماهي على ما عهدها
حيل الله اقوى ماش خلٍ يبا يعود = روح مع اللي حسبته مارصدها
( ماذون شرعي واربع الاف وشهود )= نهاية اللي حاجته ماوجدها
:
:
:
وسلامتكم
|