[خطوات أنثى]

لاجل الشمال وريحة الطيب والهيل
حتى اتجاهـ البوصلـة جـا شمالـي

مدري عشق بافعالنا فزعة الخيـل
مدري عشق فينا صعـود المعالـي

مدري عشـق فنجالنـا والتعاليـل
اوعشقه اكبر من مساحة خيالـي

كذا اتجـاه البوصلـة دون تحليـل
بـس الاكيـد ان اختيـاره مثالـي

دار الشمال وعدلها يسبـق الميـل
ومن شانها اعشق من هبالي هبالي

دارٍ تغنـي فـي كرمهـا مواويـل
وطيبٍ يفوح ببوح صفـر الدلالـي

ولاجل الشمال وريحة الطيب والهيل
افخـراذا قِيـل انتمائـي شمالـي