عرض مشاركة واحدة
قديم 08-05-2013, 12:56 PM   #33
خطوات أنثى
متداول نشيط
 
تاريخ التسجيل: Mar 2010
المشاركات: 2,946

 
افتراضي

من هجوس تغني الذوق عن بعض الهجوس
يعلم الله كنها اللول يوم نصبها

كنها سراية البرق لي قامت تهوس
من يقول الله عليها نقول أبشر بها

القصايد ما نساوم عليها بالفلوس
تفتخر فينا القصايد قبل نفخر بها

من خلقنا الله وحنا عزيزين النفوس
ما نوطي شمخ الروس غير لربها

ماردينا والليالي لها وجه عبوس
خل يوم إن الليالي سميح دربها


لي جهرنا بالمثايل ندوس الراي دوس
والدسايس بارد العين ما يجهر بها

ما نشدنا
عن دنوع على الجرة يحوس
(يحسب إنه صار حاجة وهو من جنبها)
قدرنا عند النشامى مجرب ومحسوس
الرجال اللي على الدين ما نبخل بها

التجارب علمتنا وصمينا الدروس
نعرف النفس المريضة ونعرف طبها


ينطفي سم الحيايا وهو تحت الضروس
(يا الله إنك تختصرها على من شبها)

البنآدم لاتعافى على كفه يبوس
وش يبي بأعراض الأجواد يوم يسبها

لايحسب إن المراجل تجي درباي روس
ينتبه من جمرة النار لا يلعب بها
خطوات أنثى غير متواجد حالياً   رد مع اقتباس