[تداول]

يالله صباح خير

امس الصبح قمت من النوم بدري ، ولقيت الوالده قاعده تسبع المواعين ..( استخدم القاموس )...

كنت ناوي افطر بس ما لقيت صامولي ... قلت لنفسي خلني اروح وعلى الطريق امر محل كبده جنبنا يبيع كبده مهيب صاحيه ..

المهم يوم فتحت باب الشارع واناظر الى الكراسيدا مهب فيه وما لقيت الا دتسن اخوي ..

قمت ورجعت للوالده وسألتها يمكن اخوي ماخذ الكراسيدا وتارك الدتسن لأنه مشغلني كل ما مر اسبوع اخذ سيارتي علشان يشخص عند الشباب ( يعني اني عندي اكثر من سياره )

المهم سألت الوالده عن اخوي قالت توه ما بعد قام من النوم ...

رجعت لاشعورياً للشارع ولقيت سواق جيراننا باكستاني واقشر لا واسمه ضياء الحق نور الدين ..( ترى هذا اسمه لحاله .. لوقلت لكم اسم ابوه يبغالي ثلاث صفحات علشان اكتبه ..

الحاصل اخينا بالله ضياء الحق كان يغسل سيارتهم .. قمت وسألته هو شاف سيارتي والا احد اخذها .. ناضرني باحتقار وقالي : ما فيه معلوم ، من زين سياره انت

المهم اني انقهرت وما بغية ارد عليه ( الخوف مليح ) ..

رجعت لباب بيتنا واحترت وش اسوي اتصل على الشرطه ولا انثبر وانتظر يمكن الله يهدي اللي اخذها ويرجعها ..ايه هين

وانا قاعد انتظر على العتبه حقت بابنا ما شفت الى سيارتي داخله عرض مع الشارع وفيها ثلاث شباب لابسين طواقي كنهم طباخين .. الله يصلحهم ومرو من عندي وهم يضحكون كن السياره لهم

المهم الا على جيت ذاك الليموزين قمت ووقفته وركبت معه على طول بدون نقاش وقلت له الحق راعي السياره ذيك ... يأشر على سيارته

قام وناظرني وقال لي انت فيه مجنون

بلحظه ما دريت الى اخينا بالله ضياء الحق جاي وسطل الماء بيده وفتح باب الليموين حق السواق وسحبه وركب مكانه :614:

قام وحط رجله ورى الشباب وبلحظه الا هو حادهم وموقفهم ونزل عليهم وعينك ما تشوف الا النور كل واحد منهم بجهه

ويوم خلص قالي انزل خذ سياره انت

ونزلت من الليموزين وركبت سيارتي ورحت للدوام وانا مصدوم باللي صار


قولولي عاد وش رايكم بضياء الحق مهوب يستاهل