[متورّطـ]

المشاركة الأصلية كتبت بواسطة *فتى سدير*

اخوي متورط
الله يجيب الخير

وياليت ذا كنت انت من سكان الرياض او احد الاعضاء من سكان الرياض
يمر السريبي في مكتبه ويسأله وش صار عليها

فيه:
عربون ولا لا........الارض انباعت ولا لا...........وش صار على المشاكل الي على الارض


يارب يامالك الملك نسألك ان تتقبل صيامنا وقيامنا
وان ننتهي من ها القصه الي طولت وترجع لنا فلوسنا

آمين يارب العالمين

والله يا اخوي فتى انت تآمر أمر لكن صدقني كم مره رحت للشركة وآخرها قبل رمضان بس ما حولك أحد ... نفس الوجوه ونفس الأثاث ونفس الكلام ونفس التصريف للمساهمين ...
قلت أخليهم في هالشهر الفضيل وماله داعي نجرح صيامنا بسبب (( شيخ الدراهم )) ...
لكن العجيب ان موظفي المدعو السريبي ماعاد يعطونّا مواعيد مثل أول كل اللي يقولونه ألحين ان (( الشيخ )) ناوي يخلص المساهمين وانه في جده علشان يبيع الأرض (( العربون الكاذب )) ....

أرض الحرم اللي مايملكها المدعو السريبي (( ادّعى )) قبل كم شهر ان الأمور تبشر بالخير وأنه باع الأرض وبالأخير طلعت البيعة مثل (( بيضة الصعو )) نسمع عنها ومانشوفها .... قلنا ماعليش نبلعها لأن المشتري (( انحاش )) علشان المشاكل اللي بالأرض .... لكن أرض يملكها المدعو (( الشيخ )) السريبي (( أرض العربون الكاذب )) وماعليها أي مشاكل معقوله مالقى لها زبون !!!!!!!!!!!! هذي وشلون نبلعها يا (( شيخ )) الدراهم .... وإلا مشيخة العلم معصي تصير من أهلها ....

[glint]مع السريبي كل المواااعييييييييييييييد (( سراب ))[/glint]اللهم مالك الملك وناصر المظلومين أنت العزيز وأنت القوي سبحانك ... أنت الجبّار العظيم سبحانك ... أنت الملتجأ لنا نسألك باسمك الأعظم الذي إذا سؤلت به أعطيت وإذا دعيت به أجبت أن ترجع أموالنا من المدعو السريبي وأن تأخذ حقنا منه إن كان كاذبا علينا وأن تشغله في نفسه وتبلاه في ماله
اللهم لاتحلله ولاتبيحه إن كان أكل أموالنا بالباطل

آمين