[][المستشار][]

فعلا انا اويد كلام اخوي sweed me

الاخ الفقير لربه

كان يبي يا كلني مقلب

عارفين وش سوى معي

كنت اقول له ابي اتعلم لتحليل الفني قال لي مو مهم انا بديت اشك طبعا

قلت له انا في عندي زباين ممكن حدود 30 شخص ممكن يخشون عن طريقي

طبعا هو قال لي لازم كلهم يخشون على انه يكون الفرق بين البيع والشراء 5 نقاط عارفين ليه عشان في نقطه زياده راح تكون له هو يعني هو يبي يستفيد قبل انه يفيد اي احد بس تعرفون انا راسلت الشركه الشركه قالت لي عادي انت ممكن انك تخش با اربع نقاط واللي يجون عن طريقك يكونون هم 5 نقاط يعني كان يبي ينصب علي والله اني كنت اعزه لكن بعد المقلب اللي اكلني اياه والله زعلت منه بس برضه ماراح ادعي عليه انا ما اقول الا الله يهديه ولا يحاول انه يضر احد على اساس انه يكسب بس

لو انه يعلمنا ويكسب عن طريقنا مافي مشكله لانه علمنا ومن حقه ياخذ تعبه لكن انه يدخلنا من دون مايعلمنا التحليل الفني اللي هي اساس العملات

ومع ذالك يحاول يقنعني انه في محلل في الموقع هو اللي يوصي

ومع ذالك اقول الله يسامحه

اخواني انا حبيت انزل الموضوع هنا لاجل الفايده ولاجل اني اوجهكم اخواني لاني انا كنت زيكم ما افهم شي لكن فضل من الله انه رزقني بواحد وعلمني وفهمني الشغلات اللي تترتب عليها واني ممكن اخسر بسرعه

اخواني مهما تكون فاهم في التحليل الفني او غيره لن تكون تاجر فعلا اذا لم تكون تتحلى بالاخلاق الحميده وخصوصا الذمه والضمير

اخواني فكروا وافهموا وحاولوا تعرفون ليه يقدم لك الشي بلاش يعني في شي ورا كذا

اخواني ارجوا ان رسالتي وصلت لكم


اخوكم في الله المستشار