تحملتك على شان الليال الماضيـات تعـود
تحملت الجفا والصـد والهجـران كرمالـك
اكن العبره بصدري اخاف القيـل والمنقـود
واعيش بعزلتي سالي على نغمـات موالـك
خيالك يرسمه فكري على كيفي بدون حـدود
الايازين وقفاتـي علـى ذكـراك واطلالـك
اشوف البيض في كفه واشوفك ترجحين بزود
انا مدري عمى فيني او انه حـب لخصالـك
عذابي بسمةٍ منك وموتي لانويـت صـدود
تمكن حبك الظالم وجسمـي صـار متهالـك
يقولون الملا ضايع انا ضايـع انـا موجـود
ماغير العود بيديهم ونبض الـروح يبرالـك
يبوني اتركك وانسى وهذا غايـة المنشـود
بلاهم مايعرفـون الدلـع وشلـون يزهالـك
حبيبـي لاتناسانـي تذكـر خلـك المقـرود
تذكر كل دمعه حزن فـي حلـك وترحالـك
انا فدوه لزلاتك000 لخدك000للعيون السود
او تدرين000 من راسك فديتك لين خلخالك
نثرت الورد والكادي بدربك ياحسين العـود
ولاحبك بشر مثلي من اعمامـك ولااخوالـك
ولاكنك تركتينـي اعانـي والامـل مفقـود
تركتي عاشقٍ ضامي على كفوف الغلا شالك
ذبحتيني بلا رحمه وجازيتي الوصال جحـود
مصيرك تندمين وتعرفين انـه مـن هبالـك
فمان الله ياحبـي قدرنـا والقـدر مشهـود
كتبتيهـا نهايتنـا مدامـك شايفـه حـالـك
غرورك غير اطباعك وقيدني بـدون قيـود
وحرك داخلي (شيمه) دثرهـا زود غربالـك
اعز النفس لو ادري توديني لضيـق لحـود
تبيني انحني واخضع 0000 فال الله ولافالك