[شموخ رجل]

اخوتي .. واخواتي :

تمر السنين تلو السنين!!

وتبقى سيدة حرفي حاضرة.. تسابق بحضورها الحضور
تشق عباب الموت.. والغياب بطيفها..
وتصر على ان لا ** فتاة ) تستطيع ان تحتويني كأحتوائها اياي!!..
وتصر على ان لا ** عيد ) بعد قوافل اعيادها التي ذابت برحيلها الابدي!!..
ها انا اقف بجانبها!!..
وبيني وبين قبرها يستكين الحرف!!..
وتتآكل اطراف اوردتي.. وشراييني بآهاتي !!..
لاتساقط بين ايديكم هنا
حرف كئيب كقطع الليل المظلم لايسعني الا صفاء ارواحكم اخوتي واخواتي :

مريت بك ياقبر خلي وعدّيت
وسننت للذكرى خناجر حنيني
استودعك!!..
واستامنك!!..
عبرات قلب ٍ ذاب من يوم راحت..
وعيوني اللي علـّها السهر.. والليل..
وحروف شعر ٍ ذايب ٍفي حنيني..
ياقبر انا ميت عصر موت راعيك..
واصبح دفينك ..
واندفنت بثيابي!!..
والليالي عقب ساكنك اتعبتني!!..
عذبتني!!..
واحرقتني!!..
مااشغلتني عن هوى ساكنك لحظه..
ياقبر انا جيتك من الفقد مكسور..
استذكر اللي فيك واذكر غلاها..
واحكي لها عن كل ماصار فيني..
عن حزني !.
عن همي!.
وقسوة سنيني!.
ياساكنه في القبر بالحب اعايدْك!!..
واقول لك اني عالحزن باقي!!..
استجمعك مابين نزفي ..
وعزفي..
واوقف على هاك المكان..
واغني لذاك الزمان!!.
اللي جمعنا مع بعض
الورد الاحمر ينشد القلب عنـّك
والعيد و** الدبدوب ) الابيض سألني!!..
هي وينها ؟!
اللي يُقطف النور منها ؟!
هي وينها ؟!
اللي تنسج الصبح في الكون ؟!
هي وينها ؟!
اللي تشعل الشمع .. والليل ؟
هي وينها ؟!
اللي تنثر العطر حولك ؟!
وتستنبت البسمة من اعماق روحك؟!
هي وينها ؟!
اللي تمتلي بالحدايق؟!
تستدعي الامطار .. والديم .. والطل ؟!
هي وينها ؟!
اللي غارقة في النعومة؟!
وتعطف على اطراف القطن من بعضها؟!
هي وينها ؟!
اللي لا مشت تفرش الماء؟!
اللي بخطوتها انشرح خاطر الورد؟!
ابطت هداياها بـ ** عيد ) المحبين !!..
هي وينها ؟!
هي وينها ؟!
هي وينها ؟!
هي وينها ؟!
ابطت بجيتها كثير !!..
ابطت كثير !!..
ابطت كثير !!..
ابطت كثير !!..
ابطت بجيتها كثيييييييييييير !!!!!..

ياساكنه في القبر جيتك بحزني !!..
حملي ثقيل.. وكل جرح ٍ حملته !!..
كم عيد حب ٍ مر وانتي بعيده !!..
والناس من حولي تراقص سعيده !!..
كلن بعيد الحب هنّى حبيبه !!..
هذا يهني ذيك!.
وهذي تهنيه !.
وانا عقب موتك فقدت التهاني ..
فقدت طعم الحب ..
واللي يحبون !..
فقدت طعم العيد ..
واللي يهنون !..

ياساكنه في القبر جارت سنيني...
غديت من عقبك غريب ٍ .. ورحال !!..
محتااااااااااااااج لك !!..
محتاج لك يا أول انفاس بوحي !!..
محتاج لك ياآخر افراح روحي !!..
محتاااااااااااج ضمة حنانك !!..
محتاج افضفض لك خفاي .. ودفيني !.
من جرحي ..
حتى آآآآآخر مداي .. وحنيني !!..
فضّي سكوتك وش بلا الصمت ماليك ؟!
من اوّلي .. جيتك
اخاطب تواليك!!..
شاعرك تايه بين حزنه.. وليله
مافيه عقبك صاحب ٍ يشتكي له!.
غير الشعر..
والحبر ..
وانغام الوتر ..
يشبه يتيم ٍ بعد ماماتت امه..
مافيه حضنن من دموعه يضمه !..
البرد يجرح شفته ..
والليل يسكن نظرته ..
والحزن يملا مهجته ..
اواااااااااااه ياليل الحزن !!..
اواااااااااااه ياحزن المدن !!..
فقيدتي !!..
غديت من عقبك وحيد ..
كل من حولي خذلوني ..
وظلموني ..
واجرحوني ..
واتركوني ..
فقيدتي !!..
كل الاماكن عقب فرقاك ظلما ..
كل الشوارع عقب فرقاك نامت ..
كل الحدايق عقب فرقاك شاخت ..
كل النوافذ عقب فرقاك تبكي ..
والكآبه
آآه من جور الكآآآبه
والرتابه
وانحسارات الكتابه
بين انكساري
واحتضاري
شفتك تسوقين الدروب
شفتك تمدين الكفوف
نظرتك !..
هي نفسها هي نظرتك ..
بسمتك !..
هي نفسها هي بسمتك ..
خذتني الذكرى قبل لحظة الموت !!..
صوب الزمان اللي جمعنا على الود ..
يومي انا وانتي نسوق السعاده ..
كنت املك الدنيا باصابع كفوفي ..
وارقص الايام وانتي تشوفي ..
** تذكرتي ؟؟
يومي اذا ازعلتك تعريت في البرد
ورميت انا نفسي على بااااااااااارد السيل !..
وتصاااارخي!!..
وتقولي يامجنووون يكفي.. بلا اهبال ..
واحلف انا ما أطلع الا ان رضيتي !!..
وتقولي يامجنون عذبت قلبي ..
اطلع عشاني يا ** سعد )
اطلع فديتك راضيه ..
والى من جيت
جيتي تحضنيني
بكفك وبعباتك تمسحيني
تذكرتي منادمنا؟
انتي ..
وانا ..
والشمع ..
والجو ناعم ..
زمااااااااااااااااان !!..
زمان ٍ فيه عايشنا السعاده
عبرنا وابتعد عنا..
عبرنا واودع الاحزان ..
ياليت منهو مات طفل ٍ ولاعاش
لحظة فراق ٍ مرت بغفلة اعياد
واصبح وحيد ٍ بين اهله وناسه ..
يقضي حياته لافرح او وناسة !..
هذي ثماااان سنين مرت بلا ** عيد )
هذي ثماااان سنين مرت حزينه
ماعدت انا ذاك الـ ** انا )
وماعاد في قلبي سنا
امسي وحيد..
اصبح وحيد..
لالي ضنين ْولا ضنا
الصبح من متّى غدى
في ناظري مثل المحال
او ** انتظاااااااااااااااار ) المستحيل
من رحيلك !!..
من بعادك !!..
ثم موتك !!..
ثم موتي !!..
عقب موتك !!..
اصبحت ميّت في الحياة
ميّت دفن في ثوب حيْ
عقب موتك !.
عقب صمتك !.
باقي عمري صار موت
بـ
ألف موت
والف موت ٍ
والف موت

بالمختصر !!..
في غرفتي قصة ركام
قصة كراكيب وزحام
وريحة دخاخين وقطوف
وقرطاس .. مسودة حروف
غرفة حكت للحب مليون قصة !!..
غرفة حكت للحزن حلق ٍ وغصة
غرفة حكت كل المآسي لعيني
من ضيقها ياوسعها !!..
تاسع لكل المآسي
تاسع لموتي
بموتك!!..
ياما شهدت جرحي.. وحزني .. وليلي
ياما شهدت فقدي.. وفقدي بفقدك
وكم بعثرت للكون صرخة ..وصيحة
محد ٍ سمعها في الوجود
محد ٍ درى عنها ابد !!..
مرت على الدنيا بصمت !.
لين استقرت في الابد !!..
تناقلتها كل نبضات قلبي..
وتْواردت فـ اصدق حروف ٍ بكت لك..
يالملهمة !!..
يالمبهمة !!..
متّي
ولكن دوم في القلب حيّة !!..
استلهمك !.
واستوهبك!.
واستجمعك في حرفي اللي حيا بك !.
واستنطقك مابين بيني ..و..بيني
هذي عهودي!.
جتْك
واصدق وعودي !.
ان الثمان اسنين تثبت.. وتشهد
اني فقدتك فقد مايشبه الفقد !.
وان الثمان اسنين والحيل منهد
اني فقدتك فقد يشبه له الموت !!..
فقيدتي !!..
ياعذب من الماء لعطشان
فقيدتي !!..
ياكل جرح ٍ نزفته
فقيدتي !!..
ياكل لحن ٍ عزفته
استودعك حبي .. وحبي .. وحبي
واستودعك روحي .. وروحي .. ورحي
واستودعك بوحي .. وبوحي .. وبوحي
واستودعك حرفي ..وحرفي .. وحرفي
فرقاك عندي تشبه لوجه الرحيل وعبرته
فرقاك عندي تشبه لوجه الحزن في نظرته..
تشبه لآهات اليتيم !.
وانا بعد موتك مثل .. مثل .. مثل ذاك اليتيم
فقيدتي !!..
اليوم مريت القبر !!..
مريت ابلغك السلام !!..
مريت ابلغك الحزن !!..
والصمت يملاه الكلام ..
للعيد عقبك عيد يسوى
لا ولا هو وجه عيد !!..
والحين نومي يافتاتي
نومي
نومي في سلام
واستاذنك
ياكل حزني
ارتحل من غير
عيد !!..
وابوعدك باقي العمر
عقبك فلا احيابه

سعيد !!..