سرج الخيال الي براسي تمركز
على ظهر فكرٍ جفول امتطيته
متوحشٍ يعشق يلز الالم لز
يمشي على شوك الفرح لانخيته
غاوي شقا غاوي بكا غاويٍ قز
يحرق هلا يحرق غلا لاعصيته
يلهم وهم وقت انهدم هزني هز
حزت ضما قلبٍ عما وش عطيته
قمت اتحايل للرسن ليته يدز
بعثت له مندوب عطفٍ لقيته
أثره يبي ذكر العواشق يوَجز
حبه ورا حبه ولحظة بكيته
طيب تجود فالتوجد اذا نز
يعدم خيالٍ من سنينك بنيته
شفت الغزال بمشيته لاترزز
لاقاد قطعان الضبا مارميته
شفت الوحش لامن غدا يشبه الوز
لاجتك شيهانه كحيله عزيته
شفت الحرير بملمسه لاتبرز
انعم من خدود النسا لو شنيته
شفت الفضا ياعاذلي لاتطرز
بآخر شهر بنجوم زرقا شكيته
شفت الكرز لاصار ذايب يبي مز
احلا من بيوت النحل واشتهيته
روح العطر لاجاك صافي مركز
تلعب به انفاسه وهذا لقيته
بيت الغزل يحني حروفه اذا اعتز
يلعثم الشاعر على قاف بيته
دق الوتد وسط الحشا ثم توكز
واشرف على شريان قلبٍ حميته
لامن ذكرته بالوفا خافقي فز
ولامن ذكرته بالجفا كم بكيته
ياسرج تكفا خلني بس تبتَز
لاتنبش الخافي ولاتدق بيته
----------------------