[نجدية]

المشاركة الأصلية كتبت بواسطة نجلااء الرياض

"تســــــــــــــــــــــتاهل الحب نجديه "

،،،

نجـلاء تقـول ان المـوده بهاذيـل
واقول يكوينـي مـن الـود كـاوي
ونجلاء تقول الـود بيدبـي الحيـل
واقول عايش مـن بعدكـم خـلاوي
ونجلاء تقول دموع عينـي هماليـل
واقول من يرحم عيـون الشقـاوي
ونجلاء تقول اسهر ليا تالـي الليـل
واقـول ليلـي والنهـار متسـاوي
ونجلاء تقول الحـب يبغـى دواليـل
قلت انت ياريم المها ويـش نـاوي

ونجلاء تقول الناس والقـال والقيـل
واقـول يفدونـك كبـار الحكـاوي
ونجلاء تقول تحبنـي قلـت بالحيـل
قالت غلاي بداخلـك وش يسـاوي
غلاك يكبـر بيـن ذلحيـن وقبيـل
حب بوسط القلـب شـي سمـاوي
ريميتـن وان ذيـرت مـن مقاييـل
والعين شقرا مثـل عيـن النـداوي
والعود موز ناعم فـي ثـرى النيـل
على الحلى والزيـن والملـح راوي
وخدودهـا فالليـل مثـل القناديـل
فيها البياض مع الصفـار متخـاوي
يـادار نجـلاء ماتجيـك المراسيـل
الذيب من دون اريش العين عـاوي
لعل دارك يا هـوى البـال بالسيـل
يستاهـلـه دار لخـلـي ربــاوي
بنت الشيوخ اللي على الجيش والخيل
يـوم العلـوم الاولـه والـعـزاوي
وهروج نجـلاء مثـل در المباهيـل
ومخالطه بالـذوق تمـر حسـاوي
ويالله عسى درب نجلاء تساهيـل
والله يحقـق لـها جميـع المنـاوي