شرعوها لابسه ثوب الزفاف
دمعها حاير يعانق وجنها
ذابت البسمة على شط الضفاف
واختفى حلم السعادة عنها
بعد ريعان الصبا حل الجفاف
والالم شوّه ملامح حسنها
نافله بالزين كله و العفاف
ما بلغ عشرين عامٍ سنها
زاداخوهابيننا نار الخلاف
للأسف قرر و خيّب ظنها
ناظرتني يوم همت بانصراف
عن عيون الناس تخفي حزنها
ما قوت تنطق كلمه لي تخاف
من العريس اللي تولّى سجنها
وانكسر قلبي و صوّت بارتجاف
ما ذبحني كود دمعة عينها
واللقاء من بيننا آخر مطاف
ودعت محبوبتي مجنونها
============
حبيبي في عيونك سحر بابل
سحرني سحرها واثر علييه
كحيل العين واهدابك نوابــل
تشــد اقواسها وتصيب فييه
اذا طرفي معا طرفك تقابــل
تصيب الجسم رعشاتن قويه
تهددني ونــا بلمـوت قابــل
اموت بنظرتك والروح حيـه
تفتح في خفوقي ورد ذابــل
سقيته من نهورن عاطفيــه
جمالك من جمال الغيد هابل
عليه من الوصوف اليوسفيه
دجا ليلك على الارداف سابل
سليل الســابحــات اليعربيــه
سحايب دهم مع براق وابــل
شعاع البرق في ليله عشويه
واحسك مثلما سطح البلابل
متوج بالاحاسيس الخفيــه
عسى شوقي الاقيله مقابــل
قضية عشق مكبرها قضية