صارت لي مره حركة قريبه منها
المهم في يوم طلبت عشاء من احد المطاعم المشهورة
( أحتفظ باسم المطعم )
كان الوقت متأخر حوالي 12 في الليل في أيام اجازة
طبعا خدمة توصيل الطلبات
المهم تأخر العشاء ماجابه
وانا ضاربني الجوع كل ربع ساعة متصل عليه
وين عشانا
وصلت الساعة ثنتين وانا بصراحة انهرت من الجوع
واكلمهم مكالمة قاسية بقوة
بدل ماأقول السلام عليكم
قلت الله يلعنكم
وين عشاي
قال لحظه
واسمعهم يتكلمون
فهمت انهم ماسجلو طلبي
ولا احد سوى لي شي
بكل برود طلبت من المصري رقم الادارة
وبعدها
اشتغل المصري
طلباتك ياباشا
وقام يمدحني مدري وش دخل السالفة
قلت رقم الادارة
قال ماعليش عشاني المره دي
وانا ذابحني الجوع
واصريت على كلامي
المهم تعرفون المصارية
اقتعني في دقيقتين ( لاني ميت من الجوع )
وعشان انا انبسطت يوم يمدحني قدام ام العيال
ولا خذيت عشر دقايق الا الباب يدق
فتحت الباب
ولقيت مديرهم هو اللي على الباب
وسويت فيها زعلان وانا اطالع في الكيس كنه منتفخ زيادة عن اللزوم
المهم الطلب اللي طلبته خلص
وجاب لي من كل الانواع الثانية
ومقبلات وعصير ومشويات
مش هذا المهم
المهم انه عيا ياخذ اي قرش
وقال المره دي علينا
كان حسابهم في حدود الثمانين
عاد بعد ماتعشيت انقهرت
اني ماطلبت حلى
