عرض مشاركة واحدة
قديم 28-12-2021, 11:19 PM   #854
العنيدة العنيدة
متداول نشيط
 
تاريخ التسجيل: Jan 2012
المشاركات: 876

 
افتراضي

الرصيد صفرررررررر

زمان كنت استغرب من نهايات بعض العلاقات ..
مثلا كيف في حالات طلاق ممكن تصير بعد 10 سنين أو اكتر وأقول ليش انفصلو بعد هالمده الطويلة ؟؟!! ليش مش من الاول ؟؟!!

ومثلا أصدقاء العمر اللي بيقاطعو بعض وما حدى بقدر يقنعهم يرجعو علاقتهم مع بعض أبداً...

والأقارب والجيران و احيانا حدى من اهل البيت بتستغرب انو في علاقات توقفت و توقفت و فعلا ما حدى قادر يرجعها ...

ضليت استغرب هالإشي لحد ما وصلت لحقيقة أنو في كل هالعلاقات في اشي اسمه " رصيد "
علاقاتنا بالناس مرهونة برصيد بيتحدد حسب مَعزّة هالشخص عنا وكل ما التعامل كان راقي ومحترم الرصيد بيزيد ...

والعكس صحيح كل ما التعامل كان سيء وغير لائق الرصيد بينخفض

ومع إحساس البعض انو نحنا بنحبهم بيتمادو بالتصرفات الغير مرضية

وما بيعرفو إنهم بيسحبو من رصيد العشم والمحبة الي الهم عنا

وبيعتقدو انو رصيد التسامح الي الهم عنا ممتد بلا نهاية وطبعا العلاقة بتستمر لحد ما يصير الرصيد... صفر

لكن في حالات استثنائية بنقرر نعيد شحن الرصيد ونضطر نغفرلهم أخطائهم ( عشان الولاد ، عشان الحلال و الحرام ، عشان العشرة ، عشان ربنا، عشان امك و ابوك ......)

حتى يرجع يتمادى الشخص مره تانية ويسحب رصيده مره تانية ..

هون نحنا بنكون فقدنا قدرتنا على التحمل

بعدها بصير قرار قطع العلاقة قرار قادرين على اتخاذه بكل ثقة و تأكد وبدون تراجع ببساطة لانو بكون قرار ما في ندم بعده... 👌

حافظو على علاقاتكم وعلى الناس الي بتغفر وبتسامح كتير

ولا تعتقدو انو المدة الزمنية او طول العلاقة أسباب كافية لاستمراريتها

زيدو رصيدكم بالمودة و الرحمة و الاحساس و حسن الخلق ....👌
العنيدة العنيدة غير متواجد حالياً   رد مع اقتباس