ياغرامٍ همت فيك وذبت فيـك :: لو يطول الصد قلبي مانسـاك
غايبه وبخافقي مالـك شريـك
وماملك عقلي وتفكيري سواك
يشهد الله ماولهـت الا عليـك
ارحميني يوم عذّبنـي جفـاك
ارجعي مادمت اهذري بك وابيك
ياقمر في طلّتك تضوي سمـاك
ابتديتك حب والله مـا انتهيـك
وفي حياتي ماعرفت الا هواك
كل ماغبتي عن العين احتريـك
وابتهج وارتاح في ساعة لقاك
احتوي قلبي مثـل مايحتويـك
وعلّميه ان الوفا كلـه وفـاك
قلب من زود المحبه ذاب فيـك
لو يطول الصد والله مانسـاك