حبيبي ..كل العواذل تشابه
قلبٍ ظلام ووجه يشبه للأصحاب
ولامن غدى لك صاحبٍ ينحكى به
لا تسمع.. ان كان لك قلب وأحباب
الى مشيت الدرب يلهث سرابه
والى سكنت الدار ناداني الباب
وشلون أنام وهم قلبي صوابه
والشوك ينبت بين جفنين وأهداب
تعبن أمنّي الأسئلة بالإجابه
وأنطر شروق الشمس والشمس بغياب
وتعبت أناظر والمعنى عذابه
انك بعيده والملا دونك حجاب
أجمع كلام وما أعرف الكتابه
وعندي شعورٍ صدق والوقت كذاب
وكل النجوم إلى أمطرت من سحابه
حبيبي.. دمعك جرح قلب وتراب
واللي وقف ما بين بابي وبابه
قلبه ظلام ولابسٍ ثوب الأصحاب
|