[poem font="Simplified Arabic,6,indigo,normal,italic" bkcolor="transparent" bkimage="http://tdwl.net/vb/images/toolbox/backgrounds/19.gif" border="outset,4," type=2 line=0 align=center use=sp num="0,black"]
كان قصدك عذابـي لاتوصـي حريـص=الزمـن مايقصّروانـت فيـك ابـركـه
لاتعاند تراني صـرت مثـل القريـص=ماحدن راح صوبـه والعـذاب انهكـه
لمعة الشوق فيني مثل لمع الفصيـص=والقدم سقتهـا لـك والطريـق اسلكـه
قانصن لك وطحت برمش عينك قنيـص=يوم شفته غدا بالقلـب صـوت ادبكـه
جيت بافر منّك واثـر مالـي محيـص=اثـر سهمـك تعـدا للحشـا وادهكـه
اشهد انّـك بقـدرك وبغلاتـك بخيـص=من كثر زود حبّك طحت وسـط اشبكـه
انت وينك ترى الدعوا غدت خيص بيص=ويـن راح الذكـا والفكـر والتكتكـه؟
ماهو ابشرط من دش البحر صار غيص=كم وكم واحدن شـاف البحـر واربكـه
اشتوت كبدي وصارت ابعـدك حميـص=وقرقعة قلبي ابصـدري تقـول اتنكـه
الأمل انطفـا نـوره وباقـي بصيـص=والعمـر فـات دوره والزمـان ادركـه
صح قلت ابتعد لاشك منـت ابرخيـص=ماتناسـاك عقلـي دام فيـه احـركـه
مايأثـر عذولـن جـا عيونـه نفيـص=راح منّـي وكفـه بالقـهـر يفـركـه
ياحبيبن جعلنـي مـن غلاتـه خبيـص=له عيوني وطن والـروح لـه مملكـه
ماعلي غير شوفـك ياحياتـي نقيـص=هاك خيـط المحبـه وابيديـك امسكـه
بيـن هـم وتفكيـر وحظـن عويـص=كل من قال خلّـه قلـت كيـف اتركـه؟
كيف اخلّي حبيبن في المحبـه خليـص=فارظـن احترامـه والحنـان امـلـكه
آه لو جعل لي رساله وسط مخبا القميص=بـدري ان التجافـي والزعـل فبركـه
ويوم قلت ابتعـد ولله منـت ابرخيـص=كيف يرخص مقام الّلي هـواه احبكـه؟
للشاعر/حمد بن سعد المسرع[/poem]
|